Անտոնիոնի. Համակերպումը՝ որպես գոյության շարունակման միջոց


«Ստեղծագործությունը դասական և անմահ դարձնողը ձևի ու բովանդակության բացարձակ ներդաշնակությունն է»: Սյորեն Կիերկեգոր

«Պետք է շատ միամիտ լինել՝ հուսալու համար, թե ինչ-որ բանի կհասնես առ աշխարհն ուղղված ճիչերով ու բողոքներով, ասես այդպես կարելի է  փոխել ճակատագիրը: Ավելի լավ է առանց հոխորտալու հաշտվել իրերի դրության հետ»։ Սյորեն Կիերկեգոր
«Ստեղծագործությունը դասական և անմահ դարձնողը,- ասում է Կիերկեգորը,- երկու կարևորագույն ուժերի՝ ձևի ու բովանդակության բացարձակ ներդաշնակությունն է»: Ձևի հետ, կարծես թե, ամեն ինչ պարզ է. ստեղծագործողը փորձում է հասնել «ձևային կատարելության», երևույթները ներկայացնել իրենց «ամենա»-ի (ամենագեղեցիկի, ամենաանճոռնիի, ամենավեհի, ամենասարսափազդուի, ամենասովորականի և այլն)  դիրքերից: Բովանդակության վերլուծության ժամանակ առաջանում են մի շարք խնդիրներ: Ի հայտ է գալիս արվեստի ստեղծագործության մեջ ստեղծագործողի ներդրած և ընկալողի վերագրած բովանդակության տարբերակման խնդիրը, և առաջանում է այդ տարբերակման հնարավորության հարցը: Ընկալողը, որպես կանոն, չի բավարարվում արվեստի գործից ստացած գեղագիտական հաճույքով, չի սահմանափակվում  ձևի յուրացմամբ և առաջադրում է «իսկ ի՞նչ էր հեղինակն ուզում ասել սրանով» հարցը: Առօրյա ողջախոհությունը հուշում է, որ պատասխանի լավագույն աղբյուրը հենց հեղինակն է: Ցավոք, հեղինակային մեկնաբանություն ստանալու հավանականությունը փոքր է:

Ստեղծագործողին, դարձյալ որպես կանոն, բնորոշ չէ իր ստեղծածի շուրջ շատախոսելը. նա կամ դժվարանում է այն ներկայացնել խոսքային կաղապարում, կամ պարզապես չի ուզում անել դա՝ ստեղծագործման նպատակ ունենալով ինքնարտահայտումը, ինքնամաքրումը և ոչ ամենևին՝ հասկացված լինելը, կամ էլ, ինչպես շատ հաճախ պատահում է, ընկալողների ուշադրության կենտրոնում իր գործերի հայտնվելու պահին ինքը՝ հեղինակն արդեն տեղափոխված է լինում ֆիզիկական անգոյության դաշտ: Ստացվում է, որ արվեստի որևէ գործի մասին խոսելիս, մի կողմից, անհնար է վստահաբար մատնանշել դրա հիմքում դրված գաղափարը, իսկ մյուս կողմից՝ հնարավոր չէ ձերբազատվել դրանում գաղափար գտնելու գայթակղությունից: Լաոկոոնի քանդակի իր մեկնաբանության մեջ Գյոթեն գրում է. «Միայն պետք չէ արվեստի [այդ] գործի՝ մեզ վրա թողած ազդեցությունը խիստ հապճեպորեն վերագրել հենց [այդ] գործին»: Պետք չէ… բայց, թերևս, այդօրինակ ենթակայական ներդրումներից ոչ միշտ է հնարավոր լինում խուսափել:

… Անցած դարից սկսած՝ կինոն դարձավ արվեստի բոլոր ձևերի համընդհանուր լեզուն ու ինքնարտահայտման նոր կերպը: Փորձելով իմաստավորել փիլիսոփայության մահվան փաստը՝ Կարեն Սվասյանը փիլիսոփայության ավարտը կապում է այն անելանելի դրության հետ, որում հայտնվելով՝ փիլիսոփայությունն այլևս անկարող է իր հիմնարար խնդիրները լուծել ավանդական փիլիսոփայական եղանակներով և փնտրում է նոր, ավելի լավ միջոցներ: Համանմանորեն, արվեստների նորընծա «թագուհու»՝ կինոարվեստի արագընթաց զարգացումը խորհրդանիշն էր արվեստի մահվան: Գրականության, երաժշտության, կերպարվեստի, թատերական արվեստի ինքնուրույն կյանքը սպառել էր իրեն․ ընկալողին հասնելու համար արվեստի այդ ձևերն ունեին նոր արտահայտչաձևի կարիք, որը և բավարարեցին կինոյի միջոցով (կոմպոզիտոր Ֆիլիպ Սարդը, օրինակ, երաժշտություն է գրում բացառապես ֆիլմերի համար): Ենթադրվում է, որ կինոն, ստեղծված լինելով արվեստի մի քանի ձևերի սահմանագծում, պետք է փորձի ընկալողին տալ այն ամենը, ինչն առանձին-առանձին տալիս էին իր «բաղադրատարրերը»: Մյուս կողմից, սակայն, կինոարվեստի առաջնային դիրքը պայմանավորված է հենց այն հանգամանքով, որ 20-21-րդ դարերի՝ անընդհատ ժամանակի ետևից վազող և ամեն ինչում հարմարավետություն փնտրող մարդը մի քանի հարյուր էջ կարդալու, թանգարաններում և համերգասրահներում ժամեր անցկացնելու փոխարեն նախընտրում է մեկ-երկու ժամ հանգիստ նստել կինոթատրոնում կամ իր սեփական բազմոցին և ֆիլմ դիտել առանց մտավոր ու ֆիզիկական հատուկ ջանքերի գործադրման: Հարմարավետության այս պատրանքը նվազեցնում է ընկալողի ունեցած ակնկալիքները ֆիլմից և հնարավոր է դարձնում ֆիլմի ավարտին պես վերադառնալ սովորական առօրյային ու միտքը չծանրաբեռնել իմաստային որոնումներով: Ֆիլմի էության հանդեպ դիտողի չհետաքրքրված վերաբերմունքի արդյունքում էական փոփոխություններ են տեղի ունենում հենց ֆիլմի ներսում. ֆիլմն արվեստի գործից վերածվում է հանգստյան ժամերն անցկացնելու համար նախատեսված զվարճանքի միջոցի, կինոարվեստն էլ՝ կինոարտադրության:

Իսկական կինոն ստիպված է լինում ապրել ընդհանուր կինոդազգահի վրա արտադրվող ֆիլմ-նմուշների կողքին և վերջիններից տարբերվելու համար ստանում է «հեղինակային կինո» անվանումը: «Հեղինակային» ասվածը, հավանաբար, հուշում է, որ միայն այդօրինակ ֆիլմերում արժե փնտրել հեղինակային մոտեցումներ, կամ՝ որ ռեժիսորները դրանք ստեղծում են իրենց, այլ ոչ թե զվարճասեր ամբոխի համար, իսկ գուցեև այն, որ դրանց մեջ պետք է փորձել տեսնել ու հասկանալ հեղինակին: Կինոարվեստն ինքնապահպանման համար կարիք ունի ակնկալող ու որոնող ընկալողի, և գյոթեական «պետք չէ»-ն, որ առնչվում էր քանդակի ընկալմանը և, հավանաբար, նույն հաջողությամբ կարող էր կիրառվել որևէ կտավի, բանաստեղծության կամ սիմֆոնիայի ընկալման կապակցությամբ, կինոարվեստում այլևս գործածելի չէ: Ժամանակակից արվեստը՝ հանձին կինոյի, չի հակադրվում և հաշտվում է ընկալական կամայականությունների, բովանդակային հավելումների և անխուսափելիորեն՝ աղճատումների հետ: Այդօրինակ համակերպումն իր առավել վառ արտահայտությունն է  գտնում իտալացի կինոռեժիսոր Միքելանջելո Անտոնիոնիի ստեղծագործության մեջ:

Անտոնիոնին ֆիլմերում պատկերում է իր ժամանակաշրջանը, իր ժամանակակիցներին, ամենատարբեր մարդկանց՝ ամենատարբեր իրավիճակներում՝ իրենց ամենօրյա խնդիրներով, հոգսերով, փոխհարաբերություններով… Անտոնիոնիի կինոարվեստում այն երկու ուժերը՝ ձևը և բովանդակությունը, որոնց մասին խոսում էր Կիերկեգորը, քայլում են կողք կողքի, յուրաքանչյուրն իր անփոխարինելի ճանապարհով և, միևնույն ժամանակ, իրար ձեռք բռնած: Այլ կերպ ասած՝ Անտոնիոնին Մեծ Ռեժիսոր է ոչ այն պատճառով, որ բացահայտել է համընդհանուր կարևորություն ունեցող բացառիկ մի գաղափար, որն արտահայտելու համար կարողացել է ընտրել համապատասխան ձև, և ոչ էլ այն պատճառով, որ գտել է այն եզակի ձևը, որով լավագույնս կարելի է արտահայտել բոլորի կողմից գիտակցելի գաղափարը, այլ քանի որ նրա ֆիլմերում (կամ գոնե դրանցից որոշներում) բովանդակությունը այդչափ ազդեցիկ է, քանզի արտահայտված է հենց տվյալ ձևով, իսկ վերջինն էլ այդչափ գեղագիտորեն ճշգրիտ է, քանզի արտահայտում է հենց այդ բովանդակությունը:

Ձևի և բովանդակության այս ներդաշնակությունը թույլ է տալիս Անտոնիոնիի արվեստը դասականության կիերկեգորյան բնորոշմանը համարել ավելի համապատասխան, քան մեկ ուրիշ ռեժիսորինը: Անտոնիոնիի ֆիլմարվեստում ստեղծագործական ներուժի հենց այդօրինակ ներդաշնակ և հավասարաչափ բաշխվածության պատճառով է, որ չկան իմաստային բացահայտ շեշտադրումներ, և ամեն մի ֆիլմի կամ էլ բոլոր ֆիլմերը միավորող համընդհանուր գաղափարը խնամքով «թաքնվում» է կադրերի արանքում՝ յուրաքանչյուր ընկալողին թույլ տալով սեփական ուղիներով մոտենալ իրեն և չունենալով ոչ մի երաշխիք, թե այդ տարաբնույթ ճանապարհները, ի վերջո, կհանգեն նույն կետին: Անտոնիոնիի ֆիլմերը չեն կարող ստանալ հանրանշանակ մեկնաբանություններ: Յուրաքանչյուրը դրանցում կարող է գտնել այն, ինչ ինքն է փնտրում: Ռեժիսորն ինքն այլևս իր ֆիլմի տերը չէ, ըմբռնման իր տարբերակը սոսկ մեկն է հնարավորներից: 
Եվ ուրեմն, խոսելով Անտոնիոնիի ֆիլմերի մասին՝ ճիշտ կլիներ ասել ոչ թե «Ռեժիսորն այդ ֆիլմով ասում է….», այլ « ես Ռեժիսորի այդ ֆիլմում տեսնում եմ….»:
Այսպես, 20-րդ դարից սկսած՝ մարդու համար բնութագրական է դառնում ներաշխարհային «ես»-ի հակադրումը արտաշխարհին, ներսային և դրսային գոյությունների հակասականության գիտակցումը: Գարնանային գետի հանգույն, որ վարարել է ու այլևս անկարող է հանդարտ հոսել, մարդը պատեպատ է տալիս իրեն՝ փորձելով ինքնագտնվել և ինքնահաշտվել: Այդօրինակ մարդը մարդ տեսակի այլասերում է, այնպիսին, ինչպիսին կլիներ, օրինակ, երկբուն ծառը, որի սաղարթն առերևույթ միասնական, ամբողջական է, իսկ իրականում ջանք է անում հասկանալու՝ ո՛ր բնից ստանա իր կենարար հյութերը: Մեքենայացված և շուկայականացված արագընթաց ու անվերահսկելի արտաշխարհը խորթացել է իր բնականությանը հավատարիմ մնալ փորձող մարդուն և խորթացրել է նրան, զրկել հարազատ տնից, ասես առյուծին գողացել է իր անտառներից և փակել բնակարանում: Ինքնափրկության որոնումներում առյուծը կամ պիտի սովամահության մատնի իրեն, կամ հարմարվի ու դառնա ընտանի կատու, կամ էլ հավատարիմ իր էությանը՝ մռնչալով կուլ տա բոլորին:

Նույն ընտրության առջև էլ կանգնում է իր գոյության ողջ կեղծիքն ու անբնականությունն ըմբռնող մարդը։ Նա կամ պետք է վարվի այն կույր մարդու պես, ով քառասուն տարի խավարում խարխափելուց հետո վերագտավ լույսը՝ երազելով կյանքը լցնել ծիածանի գույներով, բայց փոխարենը տեսավ միայն աղտեղությունները ծածկող կեղծ փայլ, տեսավ, սարսափեց ու երեք տարի անց ինքնասպան եղավ («Մասնագիտությունը՝ լրագրող», 1975թ), կամ փորձի ճնշել դրսի աշխարհի հետ իր ներսային գոյության անհաշտ բախումները, մի կողմ թողնի իր շուրջը կատարվողի ողջ անհեթեթության գիտակցումն ու դառնա հասարակական մեղվանոցի անդամ («Զաբրիսկի Փոինթ», 1970թ), կամ էլ, անկախ ամեն ինչից, մնա ինքնանույնական և արտաշխարհին ներկայանա իր իրական դեմքով՝ նույնիսկ եթե իր դիմագծերն այնքան էլ կանոնավոր չեն («Կարմիր անապատ», 1964թ): Այս ճանապարհներից ոչ մեկը, սակայն, վերջնական արդյունքում չի վերացնում խնդիրը, ոչ էլ օգնում է որևէ կերպ լուծել այն: Մահը պարզապես դուրս է թողնում քեզ հետագա պայքարից, մինչդեռ խաղը շարունակվում է նույն կանոններով՝ քեզ հետ, թե առանց քեզ։ Հազարաթերթիկի մի թերթիկը դառնալու փորձերն էլ, որպես կանոն, ձախողվում են. անհեթեթությունն ինքը, ի վերջո, դառնում է անտանելիորեն անհեթեթ ու ծաղրալի, և հասարակությունը, որն ամեն ինչում սիրում է հասարակությունը, հեռացնում է քեզ իրենից՝ արտառոց որևէ բանով իր ձանձրալի հոսքը չվրդովելու համար: Իսկ այ անկեղծությունը նորօրյա լեզվում հոմանիշն է տարօրինակության:
Իսկապես, որչա՜փ տարօրինակ և միամիտ պետք է լինել՝ կարծելու համար, թե կարելի է գտնել գեթ մեկին, ով քո մեջ ուզում է քեզ տեսնել: 
Ընկերային գոյությանը պետք են միայն հաջողակ, գոհ, օգնելու կարողունակ ընկերներ, իսկ երկրաշարժերդ թող ստորգետնյա լինեն: Եվ ուրեմն՝ քո և աշխարհի միջև այլևս խաղաղություն չի լինելու, մնում է միայն մեկ ճանապարհ՝ ապրել հակասությունը քո մեջ կրելով որպես սովորական և նույնիսկ բնական երևույթ, ինչպես մի ժամանակ մահը սկսեցիր դիտել որպես կյանքի բնական կենսաբանական ավարտ: Մնում է հասկանալ, որ այն ամենը, ինչ կատարվում է քեզ հետ, քո կյանքն է, և, ուրեմն, արժանի է ապրվելու: Հասկանալ ու համակերպվել առանց դրսայինին ձուլվելու կամ այն մերժելու, որչափ էլ խորթ ու անիմաստ թվա: Ճիշտ այն թռչունների պես, որ մեռնում էին գործարանի թունավոր ծխից, բայց հետո սովորեցին և այդ կողմերով այլևս չէին թռչում («Կարմիր անապատ»):

Հայաստան Գրիգորյան 

ՄԵԿՆԱԲԱՆՈՒԹՅՈՒՆՆԵՐ

[ԽՄԲԱԳՐԻ ԸՆՏՐՈՒԹՅՈՒՆԸ]$type=one$count=3$meta=0$hide=home$label=0

Имя

«Ամարկորդ» «Բիթլզ» «Զարե» «Լուսավոր ապագան» «Կին» փառատոն «Կինոարվեստ» մատենաշար «Հայֆիլմ» «Նռան գույնը» «Սոսե» «Օսկար» 20֊ականներ 30-ականներ 40-ականներ 50-ականներ 60-ականներ 70-ականներ 80֊ականներ 90֊ականներ Adami BBC Disney GAIFF Pro Kinoversus VQuick հավելված Աբաս Քիարոսթամի Ագաթա Քրիստի Ագնեշկա Հոլանդ Ադել Ալ Պաչինո Ալան Փարքեր Ալբեր Քամյու Ալբերտ Էյնշտեյն Ալեխանդրո Գոնսալես Ինյարիտու Ալեն Գրանժերար Ալեն Դելոն Ալեն Ռենե Ալեքսանդր Դովժենկո Ալիս Գի-Բլաշե Ալիսիա Վիկանդեր Ալֆրեդ Հիչքոկ Ակի Կաուրիսմյակի Ակիրա Կուրոսավա Աղասի Այվազյան Ամերիկյան կինոքննադատների ազգային խորհուրդ Ամերիկյան ֆիլմերի ցուցաշար Այցեքարտ Անահիտ Հակոբյան Անդրե Մորուա Անդրեյ Զվյագինցև Անդրեյ Կոնչալովսկի Անդրեյ Պլախով Անդրեյ Տարկովսկի Անիտա Էկբերգ Անյես Վարդա Անն Վյազեմսկի Աննա Կարինա Աննա Մանիանի Աննա Մելիքյան Աննի Ժիրարդո Անուկ Էմե Անուշ Բաբայան Անջեյ Ժուլավսկի Անջեյ Վայդա Անտոն Դոլին Անտոնիո Բանդերաս Անրի Վերնոյ Անրի-Ժորժ Կլուզո ապրիլ Առնո Բաբաջանյան Ավա Գարդներ Ավետիք Իսահակյան Ավրորա Մարդիգանյան Ատոմ Էգոյան Արա Գյուլեր Արամ Ավետիս Արամ Խաչատրյան Արամ Հակոբյան Արամ Պաչյան Արարատ Արգելված կինոարվեստ Արթուր Մեսչյան Արման Հարությունյան Արման Մանարյան Արմինե Նազարյան Արտակ Մարգարյան Արտավազդ Փելեշյան Բասթեր Կիտոն Բարձրորակ կինո [8] Բեթ Դևիս Բելա Տարր Բեն Աֆլեք Բեն Քինգսլի Բեն-Հուր Բենեդիկտ Քամբերբեթչ Բենեթ Միլլեր Բեռնարդո Բերտոլուչի Բերթ Լանկաստեր Բերտրան Բլիե Բիբի Անդերսոն Բիլ Մյուրեյ Բիլլի Ուայլդեր Բլեյք Էդվարդս Բոբ Ֆոսի Բորիս Կաուֆման Բրայան Սինգեր Բրեդ Փիթ Բրիջիտ Բարդո Գաբրիել Գարսիա Մարկես Գայանե Թադևոսյան Գեորգ Վիլհելմ Պաբստ Գերի Քուփեր Գերի Օլդմեն Գիլյերմո դել Տորո Գիտահանրամատչելի ֆիլմեր Գիտաֆանտաստիկ կինո Գլխավոր Գլուխգործոցներ [10] Գյունտեր Գրաս Գոդֆրի Ռեջիո Գրախոսական Գրեգորի Պեկ Գրետա Գարբո Գրիգորի Կոզինցև Գրողները կինոյում Դալթոն Տրամբո Դալիդա Դակոտա Ֆանինգ Դանիել Բըրդ Դանիել Դարիո Դասթին Հոֆման Դարեն Արոնոֆսկի Դարիո Արջենտո դեկտեմբեր Դեն Բրաուն Դենի Վիլնյով Դենիզ Գամզե Էրգյուվեն Դերասանի վարպետություն Դևիդ Բոուի Դևիդ Լին Դևիդ Լինչ Դևիդ Ուորք Գրիֆիթ Դևիդ Քրոնենբերգ Դևիդ Օուեն Ռասել Դևիդ Ֆինչեր Դիանա Կարդումյան Դիմանկար Դինո Բուցցատի Դինո Ռիզի Դմիտրի Կեսայանց Դյուկ Էլինգթոն Դոն Կիխոտ Դոնալդ Սազերլենդ Դուգլաս Ֆերբենքս Եժի Կավալերովիչ Եվա Գրին Եվրոպական կինոակադեմիա Երևանի «Գյոթե կենտրոն» Երիտասարդական կինոալիք Երկխոսություն Էդդի Ռեդմեյն Էդիտ Պիաֆ Էդվարդ Նորթոն Էդրիան Բրոուդի Էլեն Հակոբյան Էլթոն Ջոն Էլիա Կազան Էլիզաբեթ Թեյլոր Էլիո Պետրի Էլլա Ֆիցջերալդ Էլվիս Փրեսլի Էմի Ադամս Էմիլ Զոլա Էմիլի Բլանթ Էմիլի Դիքինսոն Էմիր Կուստուրիցա Էյզենշտեյն Էնդի Ուորհոլ Էնթոնի Հոփքինս Էնթոնի Քուին Էնիո Մորիկոնե Էննի Լեյբովից Էնրիկա Անտոնիոնի Էռնեստ Հեմինգուեյ Էռնստ Լյուբիչ Էտալոն 11 Էտորե Սկոլա Էրիկ Կլեպտոն Էրիկ Ռոմեր Թենգիզ Աբուլաձե Թենեսի Ուիլյամս Թեո Անգելոպուլոս Թերենս Դևիս Թերենս Մալիք Թերի Գիլիամ Թերի Ջորջ Թիերի Կոքլե Թիլդա Սուինթոն Թիմ Բարթոն Թիմուր Բեկմամբետով Թիփի Հեդրեն Թոմ Հենքս Թոմ Սելեք Թոմ Քրուզ Թոմ Ֆորդ Ժակ Բեքեր Ժակ Բրել Ժակ Տատի Ժակլին Բիսեթ Ժան Բոդրիյար Ժան Գաբեն Ժան Թաթլյան Ժան Կոկտո Ժան Մարե Ժան Ռենո Ժան Ռենուար Ժան Ռուշ Ժան Վիգո Ժան-Լյուկ Գոդար Ժան-Լուի Տրենտինյան Ժան-Կլոդ Կարիեր Ժան-Պիեռ Դարդեն Ժան-Պիեռ Կասել Ժան-Պիեռ Մելվիլ Ժան-Պոլ Բելմոնդո Ժան-Պոլ Սարտր Ժաննա Մորո Ժերար Դեպարդիե Ժերար Ֆիլիպ Ժորժ Կառվարենց Ժորժ Մելիես Ժորժ Ֆրանժու Ժուլյետ Բինոշ Իգոր Ստրավինսկի Իզաբել Յուպեր Իզաբելլա Ռոսելինի Իթան և Ջոել Քոեններ Ինգմար Բերգման Ինգրիդ Բերգման Ինոկենտի Սմոկտունովսկի Իվ Մոնտան Իվ Սեն Լորան Իրադարձություններ Իրանցի ռեժիսորներ Լավ կինո [7] Լավագույն ֆիլմեր Լարս ֆոն Թրիեր Լեհական կինո Լեոնարդո դի Կապրիո Լեոնիդ Ենգիբարյան Լև Ատամանով Լև Գրիշին Լևոն Աթոյանց Լիլիթ Աղաջանյան Լիլիթ Բեգլարյան Լինո Վենտուրա Լիվ Թայլեր Լիվ Ուլման Լյուդմիլա Ցելիկովսկայա Լյուկ Դարդեն Լոուրենս Օլիվիե Լորեն Բեքոլ Լորենցո Քուին Լուի Արմսթրոնգ Լուի Գարել Լուի դը Ֆյունես Լուի Մալ Լուիս Բունյուել Լուկա Գուադանյինո Լուկինո Վիսկոնտի Խավիեր Բարդեմ Խմբագրի ընտրությունը Ծիրանի ծառ Կաձուո Իսիգուրո Կաննի կինոփառատոն Կառլ Թեոդոր Դրեյեր Կառլ Լագերֆելդ Կառլոս Ռեյգադաս Կառլոս Սաուրա Կատրին Դընյով Կատրին Ռոբ-Գրիե Կարեն Ավետիսյան Կարեն Շահնազարով Կարևոր Կարո Հալաբյան Կենձի Միձոգուտի Կիմ Նովակ Կինոաֆորիզմ Կինոերաժշտություն Կինոիլյուստրացիաներ կինոմոնտաժ Կինոյի պատմություն Կինոն և նորաձևությունը Կինոնորություններ կինոուղեցույց Կինոպատկերասրահ Կինովարկանիշ Կինովերսուս TV Կինոօրացույց Կիրստեն Դանստ Կլաուդիա Կարդինալե Կլաուս Կինսկի Կլարկ Գեյբլ Կլոդ Լելուշ Կլոդ Շաբրոլ Կլոդ Սոտե Կնուտ Համսուն Կշիշտոֆ Զանուսի Կշիշտոֆ Կեսլևսկի Կոբո Աբե Կոկո Շանել Կուրտ Վոնեգուտ Համո Բեկնազարյան Համր կինո Համր կինոյի աստղերը Համֆրի Բոգարտ Հայ կինոգործիչներ Հայաո Միյաձակի Հայկ Մանուկյան Հայկական կերպարներ Հայկական կինո Հանճարեղ ֆիլմեր [9.5] Հասմիկ Կարապետյան Հարիսոն Ֆորդ Հարոլդ Լլոյդ Հարվի Քեյթել Հարցազրույց Հեդի Լամար Հելմուտ Նյուտոն Հենինգ Կառլսեն Հենրի Ֆոնդա Հենրիկ Հովհաննիսյան Հենրիկ Մալյան Հետադարձ հայացք Հիանալի ֆիլմեր [8.5] Հիրոսի Տեսիգահարա Հոդվածներ Հոկտեմբերին ծնված հայտնիները Հոու Սյաո-Սյան Հովհաննես Վարդումյան Հովսեփ Քարշ հունվար Հրապարակախոսություն և մամուլ Ճապոնացի ռեժիսորներ Մահաթմա Գանդի Մայա Դերեն Մայք Նիքոլս Մայքլ Գրանդաջ Մայքլ Դուգլաս Մայքլ Հակոբյան Մայքլ Ջեքսոն Մայքլ Փաուել Մայքլ Քեյն Մայքլ Քյորթիս Մառլեն Դիտրիխ Մառլոն Բրանդո Մասակի Կոբայասի Մարդիկ և փաստեր Մարդիկ Մարտին Մարի Լաֆորե Մարիա Կալաս Մարինա Վլադի Մարինա Ցվետաևա Մարկո Ֆեռերի Մարշա Հանթ Մարչելո Մաստրոյանի Մարսել Կառնե Մարտին Լյութեր Քինգ Մարտին Սկորսեզե Մարտիրոս Սարյան Մեգ Ռայան Մեթ Դեյմոն Մեթ Դիլոն Մել Գիբսոն Մեծերը՝ արվեստի մասին Մեկ Կադր մեջբերումներ Մերի Փոփինս Մերիլ Սթրիփ Մերիլին Մոնրո Միգել Սապոչնիկ Միլան Կունդերա Միլոշ Ֆորման Միխալիս Կակոյանիս Միխայել Հանեկե Միխայիլ Բուլգակով Միխայիլ Գալուստյան Միխայիլ Կալատոզով Միշել Լեգրան Միշել Հազանավիչուս Միշել Ուիլյամս Միշել Պիկոլի Միշել Փֆայֆեր Միրեյ Դարկ Միրեյ Մաթյո Միք Ջագեր Միքայել Թարիվերդիև Միքելանջելո Անտոնիոնի Միքի Ռուրք Մհեր Մկրտչյան Մոhսեն Մախմալբաֆ Մոնիկա Բելուչի Մոնիկա Վիտի Մորիս Շևալիե Մորիս Ռոնե Մուհամեդ Ալի Մուսա Յան Շվանկմայեր Յան Ֆլեմինգ Յասուձիրո Օձու Յոս Սթելինգ Յուլ Բրիներ Յուրի Գագարին Յուրի Նիկուլին Նագիսա Օսիմա Նատալի Փորթման Նարե Մկրտչյան Ներսես Հովհաննիսյան Նիկիտա Միխալկով Նիկոս Կազանձակիս Նինո Ռոտա Նիքոլ Քիդման Նկարահանման հրապարակ Նշանավոր զույգերը Նոյեմբերին ծնված հայտնիները Նոր ալիք Նումի Ռապաս Նուրի Բիլգե Ջեյլան ՆՓԱԿ Շանտալ Աքերման Շառլ Ազնավուր Շառլոթ Գենսբուր Շատ լավ ֆիլմեր [7.5] Շերոն Թեյթ Շոն Փեն Շոն Քոների Շուշան Փիրումյան Ուես Անդերսոն Ուիթ Սթիլման Ուիլ Սմիթ Ուիլեմ Դեֆո Ուիլյամ Շեքսպիր Ուիլյամ Ուայլեր Ուիլյամ Սարոյան Ումբերտո Էկո Ունա Չապլին Ուոլթ Դիսնեյ Չառլզ Բուկովսկի Չառլզ Բրոնսոն Չառլզ Դիքենս Չառլզ Չապլին Չառլի Չապլին Չեխական նոր ալիք Չեկի Կարիո Պաբլո Պիկասո Պաոլո Սորենտինո Պաուլո Կոելյո Պավել Արսենով Պեդրո Ալմոդովար Պենելոպա Կրուս Պիեռ Բարու Պիեռ Կարդեն Պիեռ Պաոլո Պազոլինի Պիեռ Ռիշար Պիեռ-Օգյուստ Ռենուար Պիետրո Մարչելո Ջարեդ Լեթո Ջեյմս Դին Ջեյմս Ստյուարտ Ջեյմս Քեմերոն Ջեյն Բիրկին Ջեյն Օսթին Ջեյսոն Շվարցման Ջեյսոն Ռոբարդս Ջեյք Ջիլենհոլ Ջենիս Ջոփլին Ջենիֆեր Լոուրենս Ջերալդին Չապլին Ջերեմի Այրոնս Ջեք Լոնդոն Ջեք Նիքոլսոն Ջեք Ուորներ Ջեքի Չան Ջեքի Քուգան Ջիմ Ջարմուշ Ջինա Լոլոբրիջիդա Ջինա Ռոուլենդս Ջո Բեռլինգեր Ջոան Վուդվորդ Ջոան Քրոուֆորդ Ջոզեֆ Լոուզի Ջոն Կասավետիս Ջոն Մալկովիչ Ջոն Սթեյնբեք Ջոն Տուրտուրո Ջոն Տրավոլտա Ջոն Ֆորդ Ջոնի Դեփ Ջոնի Հոլիդեյ Ջորջ Լուկաս Ջորջ Օրուել Ջորջո Սթրելեր Ջուդ Լոու Ջուզեպե Տորնատորե Ջուլիանա Մուր Ջուլյետա Մազինա Ռայներ Վերներ Ֆասբինդեր Ռաֆայել Ներսիսյան Ռաֆայել Պապովյան Ռեյ Բրեդբերի Ռենատո Սալվատորի Ռենե Կլեր Ռիդլի Սքոթ Ռիշարդ Բուգայսկի Ռիչարդ Աթենբորո Ռիտա Հեյվորթ Ռյունոսկե Ակուտագավա Ռոբ Մարշալ Ռոբեր Բրեսոն Ռոբեր Օսեյն Ռոբերտ դե Նիրո Ռոբերտ Զեմեկիս Ռոբերտ Ռոդրիգես Ռոբերտ Վինե Ռոբերտո Ռոսելինի Ռոբին Ուիլյամս Ռոզա Պետրոսյան Ռոլան Բարտ Ռոման Բալայան Ռոման Պոլանսկի Ռոմի Շնայդեր Ռոն Հովարդ Ռոս Բաղդասարյան Ռուբեն Գևորգյանց Ռուբեն Մամուլյան Ռուդոլֆ Վալենտինո Ռունի Մարա Ռուփերթ Էվերեթ Ռոք Հադսոն Սաթենիկ Հակոբյան Սաթյաջիտ Ռայ Սալվադոր Դալի Սարիկ Անդրեասյան Սեմ Մենդես Սեմ Պեկինպա Սեմուել Բեքեթ Սեպտեմբեր Սերգեյ Դովլաթով Սերգեյ Էյզենշտեյն Սերգեյ Իսրայելյան Սերգեյ Փարաջանով Սերժ Գենսբուր Սերջիո Լեոնե Սև հայելի Սթենլի Կուբրիկ Սթենլի Կրամեր Սթիվ ՄըքՔուին Սթիվեն Զաիլյան Սթիվեն Հոքինգ Սթիվեն Սոդերբերգ Սթիվեն Սփիլբերգ Սթիվեն Քինգ Սիդնի Լյումետ Սիլվի Վարդան Սիլվիա Պլատ Սիմոն Աբգարյան Սիմոնա դը Բովուար Սիմոնա Սինյորե Սինդբադ ՍինեՄիտք Սիրելի ֆիլմերի տասնյակն ըստ… Սլավոյ Ժիժեկ Սյուզան Զոնթագ Սոնա Կարապողոսյան Սոս Սարգսյան Սոսե Սոֆի Լորեն Սոֆի Մարսո Սոֆյա Կոպոլա Սվեն Նյուկվիստ Ստալկեր Սցենար Սփենսեր Թրեյսի Սքարլեթ Յոհանսոն Վալերիո Ձուրլինի Վահե Հակոբյան Վան Հեֆլին Վավերագրական ֆիլմեր Վարպետության դասեր Վել Էյվերի Վեյկո Իունպուու Վերա Խիտիլովա Վերներ Հերցոգ Վիկտոր Էրիսե Վիմ Վենդերս Վիվիեն Լի Վիտորիո դե Սիկա Վլադիմիր Բորտկո Վլադիմիր Կոսմա Վլադիմիր Վիսոցկի Վոնգ Կար-Վայ Վուդի Ալեն Վուդի Հարելսոն Տաթև Հովակիմյան Տակեշի Կիտանո Տեսանյութեր Տիգրան Նալչաջյան Տիեզերքի գաղտնիքները Տոնինո Գուերա Տոտո Ցնցող ֆիլմեր [9] Փիթեր Գրինուեյ Փիթեր Ուստինով Փիթեր Օ'Թուլ Փինք Ֆլոյդ Փոլ Նյումեն Փոլ Վերհովեն Քեյթ Բլանշեթ Քեյթ Բոսվորթ Քեն Լոուչ Քենեթ Բրանա Քերի Գրանտ Քըրք Դուգլաս Քըրք Դուգլաս և Ուիլյամ Ուայլեր Քըրք Քըրքորյան Քլինթ Իսթվուդ Քոլին Ֆերթ Քսավիե Դոլան Քվենտին Տարանտինո Քրիսթոֆեր Նոլան Քրիստիան Բեյլ Օդրի Հեփբերն Օլեգ Յանկովսկի Օլիվեր Թվիստ Օլիվեր Սթոուն Օլիվիա դը Հևիլենդ Օմար Շարիֆ Օուեն Ուիլսոն Օսիպ Մանդելշտամ Օսկար Ուայլդ Օրնելա Մուտի Օրսոն Ուելս Օրվա մեջբերումը Օրվա ֆիլմը Ֆաինա Ռանևսկայա Ֆանի Արդան Ֆեդերիկո Ֆելինի Ֆերնանդել Ֆիլիպ Կաուֆման Ֆիլիպ Նուարե Ֆիլմադարան Ֆոլկեր Շլյոնդորֆ Ֆոտոարխիվ Ֆրանկլին Ջ. Շաֆներ Ֆրանկո Ձեֆիրելլի Ֆրանսիական կինո Ֆրանսիս Վեբեր Ֆրանսուա Տրյուֆո Ֆրանց Կաֆկա Ֆրեդի Մերքյուրի Ֆրենկ Կապրա Ֆրենկ Սինատրա Ֆրենսիս Ֆորդ Կոպոլա Ֆրիդրիխ Վիլհելմ Մուրնաու Ֆրից Լանգ Ֆրունզե Դովլաթյան
false
ltr
item
KINOVERSUS: Անտոնիոնի. Համակերպումը՝ որպես գոյության շարունակման միջոց
Անտոնիոնի. Համակերպումը՝ որպես գոյության շարունակման միջոց
«Ստեղծագործությունը դասական և անմահ դարձնողը ձևի ու բովանդակության բացարձակ ներդաշնակությունն է»: Սյորեն Կիերկեգոր
https://3.bp.blogspot.com/-QZbdy1p92-U/WigrB1b96oI/AAAAAAAARt4/lLI3MytglBQq4Y2y0IKSZRVrjMlqabWPACLcBGAs/s640/antonioni.jpg
https://3.bp.blogspot.com/-QZbdy1p92-U/WigrB1b96oI/AAAAAAAARt4/lLI3MytglBQq4Y2y0IKSZRVrjMlqabWPACLcBGAs/s72-c/antonioni.jpg
KINOVERSUS
http://www.kinoversus.com/2017/12/michelangelo-antonioni.html
http://www.kinoversus.com/
http://www.kinoversus.com/
http://www.kinoversus.com/2017/12/michelangelo-antonioni.html
true
7755589357207652495
UTF-8
Ոչինչ չի գտնվել ԴԻՏԵԼ ԱՄԲՈՂՋԸ Կարդալ ավելին Պատասխանել Չեղարկել Ջնջել Հեղինակ Գլխավոր ԷՋԵՐ ՆՅՈՒԹԵՐ Դիտել ամբողջը ԿԱՐԴԱՑԵՔ ՆԱԵՎ ԹԵՄԱ ԱՐԽԻՎ SEARCH ԲՈԼՈՐ ՆՅՈՒԹԵՐԸ Ոչինչ չի գտնվել Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec հենց նոր 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Հետևում են Հետևել ՍԱ ՊՐԵՄԻՈՒՄ ՆՅՈՒԹ Է Տարածիր նյութը բացելու համար Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy