53-ամյա դերասան Ջոնի Դեփը, հանգամանքների բերումով կամ իր անսովոր վարքագծի պատճառով, պարբերաբար հայտնվել է ոչ միայն սկանդալների կիզակետում, այլև ոստիկանության բաժանմունքներում։ Նրա կյանքին առնչվող վերջին իրադարձություններն ապացուցում են, որ տարիներն անկարող են փոխելու մարդուն, եթե այդ մարդը անկրկնելի Ջոնի Դեփն է․․․
Եթե որևէ այլ դերասանի կամ դերասանուհու պարագայում սկանդալային բազմաթիվ պատմությունները կվնասեին վարկանիշին և հեղինակությանը, ապա Դեփի պարագայում այդ ամենն «անհետևանք է» անցնում, և նրա երկրպագուների բանակը շարունակում է մնալ անփոփոխ մեծ։ 1990-ականներին հանրությունն ու մամուլը հետևում էին, թե ինչպես են զարգանալու նրա սիրավեպերը դերասանուհի Վայնոնա Ռայդերի և մոդել Քեյթ Մոսի հետ, այնուհետև, 1998թ-ից մինչև 2012թ-ը, հետևում էին Դեփի և ֆրանսիացի դերասանուհի Վանեսա Պարադիի ընտանեկան կյանքին, իսկ 2012թ-ից մինչ օրս քննարկում են ամերիկացի դերասանուհի Էմբեր Հերդի հետ նրա ամուսնությունն ու ամուսնալուծությունը, ինչպես նաև վերադարձն իր երկու երեխաների մոր՝ Վանեսա Պարադիի մոտ։
Դեփի դիմահայաց և կիսադեմ լուսանկարները՝ Սենցովի ազատազրկման ժամկետը նշող ցուցանակով, արդեն ամենուր տարածվել են և մեծ արձագանք առաջացրել։ Թե՛ անձնական, թե՛ հասարակական կյանքում մինչև վերջ սկզբունքային Դեփի, ինչպես նաև այլ աստղերի համանման լուսանկարները կզետեղվեն շապիկների վրա և կվաճառվեն, իսկ հասույթը կփոխանցվի քաղբանտարկյալների օգնության ֆոնդ։
