«Արարատ». Ատոմ Էգոյանի ֆիլմը` որպես հավաքական հիշողություն


«Արարատը» մի ֆիլմ է, որը մենք դիտում ենք «մոտիկ տարածությունից», ուստի և հայ հանդիսատեսի ընկալումը հատուկ է, ընդգծված հուզական…


Մոսկվայի կինոփառատոնում, թղթակիցներից մեկի հարցին պատասխանելով, Ատոմ Էգոյանն ասել է, որ անցյալը շարունակ հետապնդում է մեզ, նույնիսկ եթե մենք չենք ուզում հիշել դրա մասին: Այս խոսքերն ուղղակիորեն վերաբերում են «Արարատ» ֆիլմին, որտեղ, մերթ միմյանց հետ բախվելով, մերթ էլ միահյուսվելով, ապրում են երկու ժամանակներ` 1915-ի ցեղասպանությունը և մեր օրերի կյանքը, իսկ ավելի ճիշտ` երեք սերունդների հայեր, ում մեջ անդադար խոսում է հիշողությունը:

Մեկ ուրիշ հարցազրույցում Էգոյանը շեշտում է, որ ինքը երկու հենարան ունի` հայկական ծագումը և կանադական կենսափորձը, որոնց գումարվում է նաև մերձարևելյան մի ոգի: Նրա նախորդ ֆիլմերից մի քանիսում, ավելի կամ պակաս դրսևորումներով, մենք նշմարում ենք այդ ակունքների ներկայությունը: «Արարատը» հանդիսատեսին հանձնելուց ուղիղ տասը տարի առաջ, 1992-ին, Էգոյանն արդեն փորձել էր մի հայացք նետել իր թվարկած հենարաններից մեկին` հայկականին, իհարկե, «մեծ աշխարհի» մարդու տեսանկյունից: Խոսքը բավականաչափ հայտնի «Օրացույց» ֆիլմի մասին է, որը հիմնականում նկարահանվել է Հայաստանում:

«Օրացույցի» հերոսը լուսանկարիչ է: Նա կարճ ժամանակով այցելում է իր նախնյաց երկիր` պատմական հուշարձանների մասին ֆոտոշարք պատրաստելու մտադրությամբ: Գործնական այցելությունը վերաճում է ակամա ինքնահայտնաբերման, թեպետ Էգոյանի հերոսը բացարձակապես ազատ է որևէ սենտիմենտալ նախատրամադրվածությունից: Նա գալիս է զուտ որպես պրոֆեսիոնալ, ավարտում է իր աշխատանքն ու մեկնում, բայց իր «ես»-ի մի շատ կարևոր մասով` մնում, որովհետև «հետադարձ կապի» սկզբունքը նախևառաջ հոգևոր հասկացություն է և հետո միայն` մաթեմատիկական:

«Արարատն» ամբողջովին կառուցված է հենց այդ սկզբունքի վրա: Իբրև գեղարվեստական լուծում` Էգոյանն օգտագործում է «ֆիլմ ֆիլմի մեջ» ավանդական եղանակը, որի շնորհիվ պատմությունն ու ներկան քայլում են զուգահեռ, բայց, ի տարբերություն զուգահեռների մասին օրենքի, գրեթե ամեն վայրկյան շոշափում են միմյանց, քանի որ այս դեպքում մենք գործ ունենք մարդկային տարածությունների հետ:

Եվ այսպես, մեր աչքերի առջև դրվագ առ դրվագ ստեղծվում է մի կինոնկար, ուր վերակենդանանում է օրհասական ժամանակների Վանը: Էգոյանը գիտակցաբար դիմում է վավերագրական սկզբնաղբյուրների` ամերիկացի բժիշկ-ականատեսի վկայությունները և 20-րդ դարի նշանավոր նկարիչներից մեկի` Արշիլ Գորկու մանկական հիշողությունները, կենտրոնանալով Վանի ինքնապաշտպանության և բռնագաղթի ճանապարհներին հայերի կրած տառապանքների վրա: Սակայն հեղինակի խնդիրը սրանով չի սահմանափակվում: «Արարատի» գրեթե բոլոր գործող անձինք այս կամ այն չափով առնչվում են «ներքին ֆիլմի» հետ, և նրանց կյանքը ոչ մի կերպ չի կարողանում ընթանալ այդ ֆիլմի ազդեցությունից անկախ, թեև հերոսներից ոմանք նույնիսկ փորձում են ընդդիմանալ դրան:

Ատոմ Էգոյանը, ով իր համբավը ձեռք է բերել բացառապես իբրև «art-ֆիլմերի» հեղինակ, հոգեկենտրոնացումների ռեժիսոր է և նույնն էլ պահանջում է հանդիսատեսից: Այս ֆիլմում նրան նախևառաջ հետաքրքրում է մարդու հարաբերությունն իր անցյալի հետ: Ի դեպ, բազմիցս գրվել է, որ «Արարատը» դեռևս չէր էլ ցուցադրվել որևէ կինոթատրոնում, երբ թուրքական կողմը բողոքի ձայներ հնչեցրեց դրա դեմ: Այս կապակցությամբ ֆիլմի մոսկովյան գրախոսներից մեկը` Դիլյարա Թասբուլաթովան անմիջապես նկատում է, որ ռեժիսորի նպատակը ամենևին էլ քինախնդրությունը կամ թուրքերի հանդեպ թշնամական տրամադրություններ հարուցելը չէ: Էգոյանի «Արարատը» դիտարկում է ողբերգության միջով անցած ժողովրդի ճակատագիրն ու հոգեկերտվածքը, թերթում մի բաց գիրք, որն ուրիշ երկրների հազարավոր մարդկանց համար դեռ մինչ օրս փակ է:

Ի'նչ խոսք, այդ գիրքը դժվար է անտարբերությամբ կարդալ: «Արարատի» հիմնական հերոսները` արդեն ծերացող կինոռեժիսոր Սարոյանը (Շառլ Ազնավուր), արվեստաբան Անին (Արսինե Խանջյան), ով ուսումնասիրում է Արշիլ Գորկու կյանքը, նրա պատանի զավակը` Րաֆֆին (Դեյվիդ Ալփեյ), մեր ժամանակակիցներն են` ցեղասպանության տարիներին տեղահանվածների կամ փախստականների հետնորդները: Սա հենց Սփյուռքն է, որի ազգային կենսատարածքը հայրենի հողը չէ, այլ ոգին: Ապրելով ուրիշ ժողովուրդների և ուրիշ մշակույթների մեջ` նրանք ապավինում են «մի ներքին հայկական իրականության», որը հյուսված է լեզվից, պաշտամունքային երգերից («Արարատն» սկսվում է «Կռունկով», և հայի հոգեկերպարին միաձուլված մեղեդիները դառնում են ֆիլմի հնչյունաշար), ընտանեկան մասունքներից ու պատմություններից, որոնք շատ դեպքերում դառն են և յուրատեսակ հայելին են ընդհանուր ազգային ճակատագրի: Վերնոյի «Մայրիկից» հետո սա երկրորդ ու ավելի հեռուն գնացող փորձն է` նկարագրելու և քննելու Եղեռնի իրողություններն ու հոգեբանական նստվածքը: Մանավանդ այս վերջինն Էգոյանը վեր է հանում «խոշոր պլանով»: Նրա հերոսներից յուրաքանչյուրի գիտակցության խորքում կա մի «տեկտոնական ճեղքվածք», որը համազգային ճակատագրի հետքն է` պատմական անարդարությունից գոյացած:

«Արարատը» նաև հարցնում է մեզ (բայց ինչո՞ւ միայն մեզ), թե հնարավո՞ր է վերջնականապես ձերբազատվել այդ վերքից` անցյալը մոռացության մատնելու գնով: Կինոնկարի դրվագներից մեկում մենք վկան ենք դառնում այդպիսի մի հուսահատ ճիգի, երբ Րաֆֆու խորթ քույրը փորձում է պատռել Արշիլ Գորկու հանրահայտ կտավը` մոր և որդու դիմանկարը,- մի հուշ հին երկրի, աղետի, նախնիների, կորստի ու մշտական ցավի մասին,- բայց «Արարատի» ամբողջ հոգեբանական ենթակառուցվածքն ու բարոյափիլիսոփայությունը վճռականորեն հուշում են մեզ, որ մարդ լինել նշանակում է հիշատակներ ունենալ:

Գորկու այդ կտավի կամ, ավելի ճիշտ, դրա ստեղծման պատմությունը ֆիլմի ամենաազդեցիկ ու գեղարվեստորեն հագեցված մոտիվներից է: Ամեն ինչ սկսվում է լուսանկարվելուց: Դեռահաս տղան և իր տխրադեմ մայրը նստում են ֆոտոխցիկի առջև, իսկ օդն արդեն ներթափանցված է վտանգով, տեղահանության սպառնալիքով ու հետագա կյանքի անորոշությամբ: Այդ փոքրիկ, խունացած լուսանկարը մենք հետո տեսնում ենք Գորկու արվեստանոցում, որի հիման վրա էլ նա ստեղծում է իր գեղանկարչական գործը: Բոլոր այս դրվագները հուզական լարվածություն ունեն: Էգոյանն այս տեսարաններում հնարավորինս խուսափում է բառերից, պատկերն ու գործողությունը դառնում են ինքնաբավ, էլեկտրականացնում հանդիսականներին: Իսկ հնամաշ վերարկուի կոճակն ամրացնելու տեսարանը (այդ կոճակը կարվում է Գորկու մոր ձեռքով) Էգոյանն անսպասելիորեն կրկնում է ֆիլմի ավարտին, իբրև մի ուժեղ ու խորհրդանշական վերջակետ,- այսպես, մեր հոգու հիշողության մեջ, ագուցված է մեր նախնիների կերպարը, մեր անհատական ու ընդհանրական կենսագրությունը:

Այս խոհաֆիլմի սյուժեները ծագում են տարբեր տեղերից և ձգվում դեպի դրա մագնիսական կենտրոն: Մարդկայնության թեման մի հետաքրքիր դրսևորումով բացահայտվում է գլխավոր դրամատուրգիական հյուսվածքներից մեկում` մաքսատան ծառայողի (Քրիսթոֆեր Փլամեր) և Թուրքիայից վերադարձող Րաֆֆու հարաբերություններում:

Րաֆֆին մեկնել է Արևմտյան Հայաստան` վերջապես տեսնելու իր պապերի բնօրրանը, Վանը, Աղթամար լիճն ու կղզին, Անիի ավերակները (չմոռանանք, որ սա նաև նրա մոր անունն է) և, իհարկե, Արարատ լեռը: Նա բազմաթիվ նկարահանումներ է արել մի տեղացու հովանավորությամբ, իսկ այդ մարդն էլ իր հերթին խնդրել է, որ Րաֆֆին թիթեղյա տուփերի մեջ զմռսված կինոժապավեններ տեղափոխի Ամերիկա: Բայց այդ տուփերում, ինչպես տարաբախտորեն պարզվում է մաքսատանը, նեգատիվ ժապավենների փոխարեն… թմրանյութեր են:

Էգոյանը դեմառդեմ հանդիպեցնում է իր հիշողության վերքերով և կորուսյալ հայրենիքի հանդեպ ժառանգական կարոտախտով համակված հային` այդ ամենից միանգամայն անտեղյակ մի մարդու հետ, ով բարեխղճորեն կատարում է իր ծառայողական պարտականությունները: Փաստորեն, սա հայկական ողբերգության և մնացյալ աշխարհի հարաբերությունն է, փոքր ժողովրդի պրոբլեմը` մեծ տերությունների դարպասների դիմաց: Երկարատև, մի ամբողջ օր ձգվող հարցաքննությունը դառնում է չճանաչված ցեղասպանության բացահայտում: Էգոյանը կինեմատոգրաֆիական հմուտ համադրություններով ներհյուսել է այս գիծը ֆիլմի ընդհանուր զգացմունքներին, իսկ երկու դերասանները` բազմափորձ վարպետ Փլամերը և երիտասարդ Ալփեյը փոխադարձաբար հարստացնում են իրավիճակի դրամատիզմը: Ուշ երեկոյան, երբ քաղաքի կինոթատրոններից մեկում սկսվում է ռեժիսոր Սարոյանի ֆիլմի շնորհանդեսը (այս ազգանունը պատահականորեն չի ընտրված, անմիջապես զուգորդումներ է առաջացնում «համաշխարհային հայի»` Ուիլյամ Սարոյանի հետ, իսկ Ազնավուրի պարագայում ակնարկում է նաև Ֆրանսուա Տրյուֆոյի «Կրակեք դաշնակահարի վրա» հանրածանոթ կինոնկարի հերոսին, քանի որ Սարոյան ազգանունը կրող այդ դերը հենց Ազնավուրն է խաղում), մաքսատան ծառայողը բաց է թողնում Րաֆֆուն: Ակնհայտ է, որ այս թնջուկը հեղինակը լուծում է «բարոյական օրենսդրության» տեսանկյունից` մեզ առաջարկելով «Արարատի» ամենակարևոր ընդհանրացումներից մեկը` խղճի թեման:

Այսպիսով, թեև չի բացառվում, որ «Արարատի» միջազգային երթուղիները կարող են ինչ-որ չափով նաև քաղաքական նպաստ բերել` տեղ բացելով անժամկետանց հանցանքի` հայոց ցեղասպանության ճանաչման, հայկական թեմայի «գլոբալացման» համար, դրա գլխավոր հարցադրումները առաջին հերթին էթիկական են. մարդը և իր բարոյական պարտքը նախնյաց հիշատակների առջև, ինչպես նաև մարդը և իր բարոյական դիրքորոշումը ուրիշի ողբերգության հանդեպ:

Իհարկե, Էգոյանն այս ֆիլմը կառուցում է Արևմուտքի արժեքային համակարգերի համապատասխանությամբ: Սա այն կինոլեզուն է, որով հնարավոր է խոսել ժամանակակից աշխարհի հետ, հատկապես` եվրոպական ու ամերիկյան հանդիսատեսի: Իսկ եթե որոշ հեղինակային շեշտադրումներ ու մեկնաբանություններ կարող են տարակարծություններ ծնել հայկական միջավայրում, ապա դրանք արտահայտելու կամ հաղթահարելու լավագույն եղանակը ևս մի ֆիլմ նկարահանելն է` ուրիշ հայ բեմադրիչների ուժերով, պայմանով, սակայն, որ ապագա այդ կինոնկարում, նյութից բացի, խոսի նաև արվեստը:

Ինչ վերաբերում է «Արարատին», ապա պահպանված է գեղարվեստականության այն մակարդակը, որն այս գործը դարձնում է մրցունակ: Ի վերջո, ֆիլմի խորագիրն էլ կրկնակի հասցե ունեցող նամակի նման է` հայկական ու համամարդկային, որովհետև հայերիս համար ամենասրբազան լեռն ի սկզբանե միավորում է ժողովուրդների հոգևոր գիտակցությունը, ուստի և այն, ինչ Էգոյանը պատմում է աշխարհի բոլոր ծայրերից Արարատին նայող մի ժողովրդի մասին, դժվար թե արձագանք չգտնի նաև շատ ու շատ ոչ հայերի սրտերում:

հեղինակ` գրող, կինոգետ Դավիթ Մուրադյան
2002թ 

ՄԵԿՆԱԲԱՆՈՒԹՅՈՒՆՆԵՐ

[ԽՄԲԱԳՐԻ ԸՆՏՐՈՒԹՅՈՒՆԸ]$type=one$count=3$meta=0$hide=home$label=0

Имя

«Ամարկորդ» «Բիթլզ» «Զարե» «Լուսավոր ապագան» «Կին» փառատոն «Կինոարվեստ» մատենաշար «Հայֆիլմ» «Նռան գույնը» «Սոսե» «Օսկար» 20֊ականներ 30-ականներ 40-ականներ 50-ականներ 60-ականներ 70-ականներ 80֊ականներ 90֊ականներ Adami BBC Disney GAIFF Pro Kinoversus VQuick հավելված Աբաս Քիարոսթամի Ագաթա Քրիստի Ագնեշկա Հոլանդ Ադել Ալ Պաչինո Ալան Փարքեր Ալբեր Քամյու Ալբերտ Էյնշտեյն Ալեխանդրո Գոնսալես Ինյարիտու Ալեն Գրանժերար Ալեն Դելոն Ալեն Ռենե Ալեքսանդր Դովժենկո Ալիս Գի-Բլաշե Ալիսիա Վիկանդեր Ալֆրեդ Հիչքոկ Ակի Կաուրիսմյակի Ակիրա Կուրոսավա Աղասի Այվազյան Ամերիկյան կինոքննադատների ազգային խորհուրդ Ամերիկյան ֆիլմերի ցուցաշար Այցեքարտ Անահիտ Հակոբյան Անդրե Մորուա Անդրեյ Զվյագինցև Անդրեյ Կոնչալովսկի Անդրեյ Պլախով Անդրեյ Տարկովսկի Անիտա Էկբերգ Անյես Վարդա Անն Վյազեմսկի Աննա Կարինա Աննա Մանիանի Աննա Մելիքյան Աննի Ժիրարդո Անուկ Էմե Անուշ Բաբայան Անջեյ Ժուլավսկի Անջեյ Վայդա Անտոն Դոլին Անտոնիո Բանդերաս Անրի Վերնոյ Անրի-Ժորժ Կլուզո ապրիլ Առնո Բաբաջանյան Ավա Գարդներ Ավետիք Իսահակյան Ավրորա Մարդիգանյան Ատոմ Էգոյան Արա Գյուլեր Արամ Ավետիս Արամ Խաչատրյան Արամ Հակոբյան Արամ Պաչյան Արարատ Արգելված կինոարվեստ Արթուր Մեսչյան Արման Հարությունյան Արման Մանարյան Արմեն Ջիգարխանյան Արմինե Նազարյան Արտակ Մարգարյան Արտավազդ Փելեշյան Բասթեր Կիտոն Բարձրորակ կինո [8] Բեթ Դևիս Բելա Տարր Բեն Աֆլեք Բեն Քինգսլի Բեն-Հուր Բենեդիկտ Քամբերբեթչ Բենեթ Միլլեր Բեռնարդո Բերտոլուչի Բերթ Լանկաստեր Բերտրան Բլիե Բիբի Անդերսոն Բիլ Մյուրեյ Բիլլի Ուայլդեր Բլեյք Էդվարդս Բյորկ Բոբ Ֆոսի Բորիս Կաուֆման Բրայան Սինգեր Բրեդ Փիթ Բրիջիտ Բարդո Գաբրիել Գարսիա Մարկես Գայանե Թադևոսյան Գեորգ Վիլհելմ Պաբստ Գերի Քուփեր Գերի Օլդմեն Գիլյերմո դել Տորո Գիտահանրամատչելի ֆիլմեր Գիտաֆանտաստիկ կինո Գլխավոր Գլուխգործոցներ [10] Գյունտեր Գրաս Գոդֆրի Ռեջիո Գրախոսական Գրեգորի Պեկ Գրետա Գարբո Գրիգորի Կոզինցև Գրողները կինոյում Դալթոն Տրամբո Դալիդա Դակոտա Ֆանինգ Դանիել Բըրդ Դանիել Դարիո Դասթին Հոֆման Դարեն Արոնոֆսկի Դարիո Արջենտո դեկտեմբեր Դեն Բրաուն Դենի Վիլնյով Դենիզ Գամզե Էրգյուվեն Դերասանի վարպետություն Դևիդ Բոուի Դևիդ Լին Դևիդ Լինչ Դևիդ Ուորք Գրիֆիթ Դևիդ Քրոնենբերգ Դևիդ Օուեն Ռասել Դևիդ Ֆինչեր Դիանա Կարդումյան Դիմանկար Դինո Բուցցատի Դինո Ռիզի Դմիտրի Կեսայանց Դյուկ Էլինգթոն Դոն Կիխոտ Դոնալդ Սազերլենդ Դուգլաս Ֆերբենքս Եժի Կավալերովիչ Եվա Գրին Եվրոպական կինոակադեմիա Երևանի «Գյոթե կենտրոն» Երիտասարդական կինոալիք Երկխոսություն Էդդի Ռեդմեյն Էդիտ Պիաֆ Էդմոնդ Քեոսայան Էդվարդ Նորթոն Էդրիան Բրոուդի Էլեն Հակոբյան Էլթոն Ջոն Էլիա Կազան Էլիզաբեթ Թեյլոր Էլիո Պետրի Էլլա Ֆիցջերալդ Էլվիս Փրեսլի Էմի Ադամս Էմիլ Զոլա Էմիլի Բլանթ Էմիլի Դիքինսոն Էմիր Կուստուրիցա Էյզենշտեյն Էնդի Ուորհոլ Էնթոնի Հոփքինս Էնթոնի Քուին Էնիո Մորիկոնե Էննի Լեյբովից Էնրիկա Անտոնիոնի Էռնեստ Հեմինգուեյ Էռնստ Լյուբիչ Էտալոն 11 Էտորե Սկոլա Էրիկ Կլեպտոն Էրիկ Ռոմեր Թենգիզ Աբուլաձե Թենեսի Ուիլյամս Թեո Անգելոպուլոս Թերենս Դևիս Թերենս Մալիք Թերի Գիլիամ Թերի Ջորջ Թիերի Կոքլե Թիլդա Սուինթոն Թիմ Բարթոն Թիմուր Բեկմամբետով Թիփի Հեդրեն Թոմ Հենքս Թոմ Սելեք Թոմ Քրուզ Թոմ Ֆորդ Ժակ Բեքեր Ժակ Բրել Ժակ Տատի Ժակլին Բիսեթ Ժան Բոդրիյար Ժան Գաբեն Ժան Թաթլյան Ժան Կոկտո Ժան Մարե Ժան Ռենո Ժան Ռենուար Ժան Ռուշ Ժան Վիգո Ժան-Լյուկ Գոդար Ժան-Լուի Տրենտինյան Ժան-Կլոդ Կարիեր Ժան-Պիեռ Դարդեն Ժան-Պիեռ Կասել Ժան-Պիեռ Մելվիլ Ժան-Պոլ Բելմոնդո Ժան-Պոլ Սարտր Ժաննա Մորո Ժերար Դեպարդիե Ժերար Ֆիլիպ Ժորժ Կառվարենց Ժորժ Մելիես Ժորժ Ֆրանժու Ժուլյետ Բինոշ Իգոր Ստրավինսկի Իզաբել Յուպեր Իզաբելլա Ռոսելինի Իթան և Ջոել Քոեններ Ինգմար Բերգման Ինգրիդ Բերգման Ինոկենտի Սմոկտունովսկի Իվ Մոնտան Իվ Սեն Լորան Իրադարձություններ Իրանցի ռեժիսորներ Լավ կինո [7] Լավագույն ֆիլմեր Լարս ֆոն Թրիեր Լեհական կինո Լեոնարդո դի Կապրիո Լեոնիդ Ենգիբարյան Լև Ատամանով Լև Գրիշին Լևոն Աթոյանց Լիլիթ Աղաջանյան Լիլիթ Բեգլարյան Լինո Վենտուրա Լիվ Թայլեր Լիվ Ուլման Լյուդմիլա Ցելիկովսկայա Լյուկ Դարդեն Լոուրենս Օլիվիե Լորեն Բեքոլ Լորենցո Քուին Լուի Արմսթրոնգ Լուի Գարել Լուի դը Ֆյունես Լուի Մալ Լուիս Բունյուել Լուկա Գուադանյինո Լուկինո Վիսկոնտի Խավիեր Բարդեմ Խմբագրի ընտրությունը Ծիրանի ծառ Կաձուո Իսիգուրո Կաննի կինոփառատոն Կառլ Թեոդոր Դրեյեր Կառլ Լագերֆելդ Կառլոս Ռեյգադաս Կառլոս Սաուրա Կատրին Դընյով Կատրին Ռոբ-Գրիե Կարեն Ավետիսյան Կարեն Շահնազարով Կարևոր Կարո Հալաբյան Կենձի Միձոգուտի Կիմ Նովակ Կինոաֆորիզմ Կինոերաժշտություն Կինոիլյուստրացիաներ կինոմոնտաժ Կինոյի պատմություն Կինոն և նորաձևությունը Կինոնորություններ կինոուղեցույց Կինոպատկերասրահ Կինովարկանիշ Կինովերսուս TV Կինոօրացույց Կիրստեն Դանստ Կլաուդիա Կարդինալե Կլաուս Կինսկի Կլարկ Գեյբլ Կլոդ Լելուշ Կլոդ Շաբրոլ Կլոդ Սոտե Կնուտ Համսուն Կշիշտոֆ Զանուսի Կշիշտոֆ Կեսլևսկի Կոբո Աբե Կոկո Շանել Կուրտ Վոնեգուտ Համո Բեկնազարյան Համր կինո Համր կինոյի աստղերը Համֆրի Բոգարտ Հայ կինոգործիչներ Հայաո Միյաձակի Հայկ Մանուկյան Հայկական կերպարներ Հայկական կինո Հանճարեղ ֆիլմեր [9.5] Հասմիկ Կարապետյան Հարիսոն Ֆորդ Հարոլդ Լլոյդ Հարվի Քեյթել Հարցազրույց Հեդի Լամար Հելմուտ Նյուտոն Հենինգ Կառլսեն Հենրի Ֆոնդա Հենրիկ Հովհաննիսյան Հենրիկ Մալյան Հետադարձ հայացք Հիանալի ֆիլմեր [8.5] Հիրոսի Տեսիգահարա Հոդվածներ Հոկտեմբերին ծնված հայտնիները Հոու Սյաո-Սյան Հովհաննես Վարդումյան Հովսեփ Քարշ հունվար Հրապարակախոսություն և մամուլ Ճապոնացի ռեժիսորներ Մահաթմա Գանդի Մայա Դերեն Մայք Նիքոլս Մայքլ Գրանդաջ Մայքլ Դուգլաս Մայքլ Հակոբյան Մայքլ Ջեքսոն Մայքլ Փաուել Մայքլ Քեյն Մայքլ Քյորթիս Մառլեն Դիտրիխ Մառլոն Բրանդո Մասակի Կոբայասի Մարդիկ և փաստեր Մարդիկ Մարտին Մարի Լաֆորե Մարիա Կալաս Մարինա Վլադի Մարինա Ցվետաևա Մարկո Ֆեռերի Մարշա Հանթ Մարչելո Մաստրոյանի Մարսել Կառնե Մարտին Լյութեր Քինգ Մարտին Սկորսեզե Մարտիրոս Սարյան Մեգ Ռայան Մեթ Դեյմոն Մեթ Դիլոն Մել Գիբսոն Մեծերը՝ արվեստի մասին Մեկ Կադր մեջբերումներ Մերի Փոփինս Մերիլ Սթրիփ Մերիլին Մոնրո Միգել Սապոչնիկ Միլան Կունդերա Միլոշ Ֆորման Միխալիս Կակոյանիս Միխայել Հանեկե Միխայիլ Բուլգակով Միխայիլ Գալուստյան Միխայիլ Կալատոզով Միշել Լեգրան Միշել Հազանավիչուս Միշել Ուիլյամս Միշել Պիկոլի Միշել Փֆայֆեր Միրեյ Դարկ Միրեյ Մաթյո Միք Ջագեր Միքայել Թարիվերդիև Միքելանջելո Անտոնիոնի Միքի Ռուրք Մհեր Մկրտչյան Մոhսեն Մախմալբաֆ Մոնիկա Բելուչի Մոնիկա Վիտի Մորիս Շևալիե Մորիս Ռոնե Մուհամեդ Ալի Մուսա Յան Շվանկմայեր Յան Ֆլեմինգ Յասուձիրո Օձու Յոս Սթելինգ Յուլ Բրիներ Յուրի Գագարին Յուրի Նիկուլին Նագիսա Օսիմա Նատալի Փորթման Նարե Մկրտչյան Ներսես Հովհաննիսյան Նիկիտա Միխալկով Նիկոս Կազանձակիս Նինո Ռոտա Նիքոլ Քիդման Նկարահանման հրապարակ Նշանավոր զույգերը Նոյեմբերին ծնված հայտնիները Նոր ալիք Նումի Ռապաս Նուրի Բիլգե Ջեյլան ՆՓԱԿ Շանտալ Աքերման Շառլ Ազնավուր Շառլոթ Գենսբուր Շատ լավ ֆիլմեր [7.5] Շերոն Թեյթ Շոն Փեն Շոն Քոների Շուշան Փիրումյան Ուես Անդերսոն Ուիթ Սթիլման Ուիլ Սմիթ Ուիլեմ Դեֆո Ուիլյամ Շեքսպիր Ուիլյամ Ուայլեր Ուիլյամ Սարոյան Ումբերտո Էկո Ունա Չապլին Ուոլթ Դիսնեյ Չառլզ Բուկովսկի Չառլզ Բրոնսոն Չառլզ Դիքենս Չառլզ Չապլին Չառլի Չապլին Չեխական նոր ալիք Չեկի Կարիո Պաբլո Պիկասո Պաոլո Սորենտինո Պաուլո Կոելյո Պավել Արսենով Պեդրո Ալմոդովար Պենելոպա Կրուս Պիեռ Բարու Պիեռ Կարդեն Պիեռ Պաոլո Պազոլինի Պիեռ Ռիշար Պիեռ-Օգյուստ Ռենուար Պիետրո Մարչելո Ջարեդ Լեթո Ջեյմս Դին Ջեյմս Ստյուարտ Ջեյմս Քեմերոն Ջեյն Բիրկին Ջեյն Օսթին Ջեյսոն Շվարցման Ջեյսոն Ռոբարդս Ջեյք Ջիլենհոլ Ջենիս Ջոփլին Ջենիֆեր Լոուրենս Ջերալդին Չապլին Ջերեմի Այրոնս Ջեք Լոնդոն Ջեք Նիքոլսոն Ջեք Ուորներ Ջեքի Չան Ջեքի Քուգան Ջիմ Ջարմուշ Ջինա Լոլոբրիջիդա Ջինա Ռոուլենդս Ջո Բեռլինգեր Ջոան Վուդվորդ Ջոան Քրոուֆորդ Ջոզեֆ Լոուզի Ջոն Կասավետիս Ջոն Մալկովիչ Ջոն Սթեյնբեք Ջոն Տուրտուրո Ջոն Տրավոլտա Ջոն Ֆորդ Ջոնի Դեփ Ջոնի Հոլիդեյ Ջորջ Լուկաս Ջորջ Օրուել Ջորջո Սթրելեր Ջուդ Լոու Ջուզեպե Տորնատորե Ջուլիանա Մուր Ջուլյետա Մազինա Ռայներ Վերներ Ֆասբինդեր Ռաֆայել Ներսիսյան Ռաֆայել Պապովյան Ռեյ Բրեդբերի Ռենատո Սալվատորի Ռենե Կլեր Ռիդլի Սքոթ Ռիշարդ Բուգայսկի Ռիչարդ Աթենբորո Ռիտա Հեյվորթ Ռյունոսկե Ակուտագավա Ռոբ Մարշալ Ռոբեր Բրեսոն Ռոբեր Օսեյն Ռոբերտ դե Նիրո Ռոբերտ Զեմեկիս Ռոբերտ Ռոդրիգես Ռոբերտ Վինե Ռոբերտո Ռոսելինի Ռոբին Ուիլյամս Ռոզա Պետրոսյան Ռոլան Բարտ Ռոման Բալայան Ռոման Պոլանսկի Ռոմի Շնայդեր Ռոն Հովարդ Ռոս Բաղդասարյան Ռուբեն Գևորգյանց Ռուբեն Մամուլյան Ռուդոլֆ Վալենտինո Ռունի Մարա Ռուփերթ Էվերեթ Ռոք Հադսոն Սաթենիկ Հակոբյան Սաթյաջիտ Ռայ Սալվադոր Դալի Սարիկ Անդրեասյան Սեմ Մենդես Սեմ Պեկինպա Սեմուել Բեքեթ Սեպտեմբեր Սերգեյ Դովլաթով Սերգեյ Էյզենշտեյն Սերգեյ Իսրայելյան Սերգեյ Փարաջանով Սերժ Գենսբուր Սերջիո Լեոնե Սև հայելի Սթենլի Կուբրիկ Սթենլի Կրամեր Սթիվ ՄըքՔուին Սթիվեն Զաիլյան Սթիվեն Հոքինգ Սթիվեն Սոդերբերգ Սթիվեն Սփիլբերգ Սթիվեն Քինգ Սիդնի Լյումետ Սիլվի Վարդան Սիլվիա Պլատ Սիմոն Աբգարյան Սիմոնա դը Բովուար Սիմոնա Սինյորե Սինդբադ ՍինեՄիտք Սիրելի ֆիլմերի տասնյակն ըստ… Սլավոյ Ժիժեկ Սյուզան Զոնթագ Սոնա Կարապողոսյան Սոս Սարգսյան Սոսե Սոֆի Լորեն Սոֆի Մարսո Սոֆյա Կոպոլա Սվեն Նյուկվիստ Ստալկեր Սցենար Սփենսեր Թրեյսի Սքարլեթ Յոհանսոն Վալերիո Ձուրլինի Վահե Հակոբյան Վան Հեֆլին Վավերագրական ֆիլմեր Վարպետության դասեր Վել Էյվերի Վեյկո Իունպուու Վերա Խիտիլովա Վերներ Հերցոգ Վիկտոր Էրիսե Վիմ Վենդերս Վիվիեն Լի Վիտորիո դե Սիկա Վլադիմիր Բորտկո Վլադիմիր Կոսմա Վլադիմիր Վիսոցկի Վոնգ Կար-Վայ Վուդի Ալեն Վուդի Հարելսոն Տաթև Հովակիմյան Տակեշի Կիտանո Տեսանյութեր Տիգրան Նալչաջյան Տիեզերքի գաղտնիքները Տոնինո Գուերա Տոտո Ցնցող ֆիլմեր [9] Փիթեր Գրինուեյ Փիթեր Ուստինով Փիթեր Օ'Թուլ Փինք Ֆլոյդ Փոլ Նյումեն Փոլ Վերհովեն Քեյթ Բլանշեթ Քեյթ Բոսվորթ Քեն Լոուչ Քենեթ Բրանա Քերի Գրանտ Քըրք Դուգլաս Քըրք Դուգլաս և Ուիլյամ Ուայլեր Քըրք Քըրքորյան Քլինթ Իսթվուդ Քոլին Ֆերթ Քսավիե Դոլան Քվենտին Տարանտինո Քրիսթոֆեր Նոլան Քրիստիան Բեյլ Օդրի Հեփբերն Օլեգ Յանկովսկի Օլիվեր Թվիստ Օլիվեր Սթոուն Օլիվիա դը Հևիլենդ Օմար Շարիֆ Օուեն Ուիլսոն Օսիպ Մանդելշտամ Օսկար Ուայլդ Օրնելա Մուտի Օրսոն Ուելս Օրվա մեջբերումը Օրվա ֆիլմը Ֆաինա Ռանևսկայա Ֆանի Արդան Ֆեդերիկո Ֆելինի Ֆերնանդել Ֆիլիպ Կաուֆման Ֆիլիպ Նուարե Ֆիլմադարան Ֆոլկեր Շլյոնդորֆ Ֆոտոարխիվ Ֆրանկլին Ջ. Շաֆներ Ֆրանկո Ձեֆիրելլի Ֆրանսիական կինո Ֆրանսիս Վեբեր Ֆրանսուա Տրյուֆո Ֆրանց Կաֆկա Ֆրեդի Մերքյուրի Ֆրենկ Կապրա Ֆրենկ Սինատրա Ֆրենսիս Ֆորդ Կոպոլա Ֆրիդրիխ Վիլհելմ Մուրնաու Ֆրից Լանգ Ֆրունզե Դովլաթյան
false
ltr
item
KINOVERSUS: «Արարատ». Ատոմ Էգոյանի ֆիլմը` որպես հավաքական հիշողություն
«Արարատ». Ատոմ Էգոյանի ֆիլմը` որպես հավաքական հիշողություն
«Արարատը» մի ֆիլմ է, որը մենք դիտում ենք «մոտիկ տարածությունից», ուստի և հայ հանդիսատեսի ընկալումը հատուկ է, ընդգծված հուզական…
https://3.bp.blogspot.com/-9xBWF-K4sIU/V44s5iDpwfI/AAAAAAAAB8E/DidQtRjdWYUsQpi9bbD1EwPhYkAvwIrMgCLcB/s640/glkhavor.jpg
https://3.bp.blogspot.com/-9xBWF-K4sIU/V44s5iDpwfI/AAAAAAAAB8E/DidQtRjdWYUsQpi9bbD1EwPhYkAvwIrMgCLcB/s72-c/glkhavor.jpg
KINOVERSUS
https://www.kinoversus.com/2016/07/atom-egoyan-ararat-film.html
https://www.kinoversus.com/
https://www.kinoversus.com/
https://www.kinoversus.com/2016/07/atom-egoyan-ararat-film.html
true
7755589357207652495
UTF-8
Ոչինչ չի գտնվել ԴԻՏԵԼ ԱՄԲՈՂՋԸ Կարդալ ավելին Պատասխանել Չեղարկել Ջնջել Հեղինակ Գլխավոր ԷՋԵՐ ՆՅՈՒԹԵՐ Դիտել ամբողջը ԿԱՐԴԱՑԵՔ ՆԱԵՎ ԹԵՄԱ ԱՐԽԻՎ SEARCH ԲՈԼՈՐ ՆՅՈՒԹԵՐԸ Ոչինչ չի գտնվել Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec հենց նոր 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Հետևում են Հետևել ՍԱ ՊՐԵՄԻՈՒՄ ՆՅՈՒԹ Է Տարածիր նյութը բացելու համար Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy