Ֆելինի և Մազինա․ սեր ամբողջ կյանքի համար


«Ես միշտ համարել եմ, որ Ջուլյետայի հետ իմ հանդիպումը կանխորոշված էր ճակատագրով, և այլ կերպ չէր կարող լինել»։ Ֆեդերիկո Ֆելինի


Ջուլյետան՝ Ջուլյա Աննան, 4 տարեկան հասակից բնակվում էր մորաքրոջ հետ, ով առաջինն էր նկատել նրա դերասանական օժտվածությունը։ Ջուլյան կրթություն էր ստանում տանը, նրան նախապատրաստում էին բեմական կյանքի համար և այդ նպատակով հեռու էին պահում դպրոցական միապաղաղ առօրյայից ու հասակակիցների հետ ավելորդ շփումներից։ Ավելի ուշ, կաթոլիկ միանձնուհիների գիմնազիայում սովորելիս, նա նպատակադրվել էր դառնալ դաշնակահարուհի, սակայն, ի վերջո, որոշեց ընդունվել Հռոմի համալսարանի բանասիրական ֆակուլտետ։ Հենց ուսանողական թատերական խմբակում էլ բացահայտվեց այդ փոքրամարմին, ճկուն ու ժիր աղջկա տաղանդը։ Արդեն 18 տարեկան հասակում նա խաղում էր Հռոմի հինգ թատրոններում և աշխատում էր ռադիոկայանում՝ իր հիասքանչ ձայնով հնչյունավորելով ռադիոսերիալների հերոսուհիների, որոնք ծնունդ էին առնում դեռևս բոլորին անհայտ դրամատուրգ, լրագրող և ծաղրանկարիչ Ֆեդերիկո Ֆելինիի գրչից։ 23-ամյա Ֆելինին այնքան հրապուրված էր ռադիոեթերից հնչող դյութիչ ձայնով, որ իսկույն ճանապարհ էր ընկել դեպի ռադիոկայան՝ աղջկան տեսնելու նպատակով։ Նա համոզված էր, որ այդպիսի ձայն ունեցող աղջիկը արտաքուստ նույնքան գեղեցիկ է։ Որքան մեծ էր նրա զարմանքը, երբ տեսավ անչափահասի պես փոքրիկ ու նիհար մի արարածի։ Բայց աղջնակից այնպիսի լույս էր ճառագում, որ փառահեղ կուրծք ունեցող շիկահերների սիրահար Ֆելինին նրան անմիջապես հրավիրեց ռեստորան։ 

Հաջորդ օրը աղջիկը ճաշեց տանը, որպեսզի ավելորդ ծախսերի առիթ չդառնա չինացիների ու մարմնավաճառների հարևանությամբ սենյակ վարձակալող չքավոր Ֆելինիի համար, և շտապեց ժամադրության։ Բայց նրան մեծ անակնկալ էր սպասվում, որովհետև երիտասարդը որոշել էր իրենց համատեղ երեկոն անցկացնել Հռոմի ամենաթանկ ռեստորանում։ Մինչ Ֆելինին ուսումնասիրում էր ճաշացանկը, աղջիկը զարմացած նայում էր իրեն շրջապատող շքեղությանը, իսկ հետո ապշահար հետևում էր, թե երիտասարդն ինչպես է գրպանից դուրս բերում խոշոր թղթադրամների հաստ կապուկը և փակում հաշիվը։ Հավանաբար կապուկի մեջ ամփոփված էին Ֆելինիի բոլոր խնայողությունները կամ էլ ընկերներից պարտք արված գումարները։ Ինչևէ, դա Ջուլյայի համար մնաց գաղտնիք, սակայն իրենց հետագա ամբողջ կյանքի ընթացքում նա այլևս երբեք Ֆելինիի ձեռքում չտեսավ այդքան մեծ գումար։ Շատ շուտով զույգը հայտարարեց իր նշանադրության մասին։ Փեսացուն տեղափոխվեց Ջուլյայի մորաքրոջ տուն, իսկ պսակադրության արարողությունն ի կատար ածեցին եկեղեցիներից մեկի աստիճանավանդակում, քանի որ երիտասարդն արդեն մի քանի տարի թաքնվում էր բռնապետ Մուսոլինիի բանակում ծառայելու սպառնալիքից։ Պսակադրության ժամանակ փեսացուի ընկերներից մեկը ցածրաձայն երգեց Ave Maria-ն, իսկ հետո նորապսակներն ուղևորվեցին․․․ կինոթատրոն։ Երբ նրանք մտան կինոդահլիճ, կոնֆերանսիեն հանկարծ դիմեց հանդիսատեսին և խնդրեց ծափահարություններով դիմավորել նորապսակներին։ Դա Ֆեդերիկոյի առաջին նվերն էր իր սիրելի կնոջը, ով նրան նայում էր և միշտ նայելու էր մոլորված շնիկի տխուր ու սիրահարված աչքերով։ 

Ամուսնությունից հետո Ֆելինին շարունակում էր գրել սցենարներ և նկարել ծաղրանկարներ, բայց օգտակար կապեր չունենալու պատճառով ավելիի մասին չէր էլ երազում։ Մինչդեռ այդ կապերն ուներ Ջուլյետան։ Հենց նա էլ ամուսնուն ծանոթացրեց Ռոբերտո Ռոսելինիի հետ։ Ջուլյետան Ռոսելինիին մշտապես հրավիրում էր կիրակնօրյա ճաշկերույթի, իսկ ամուսնուն հրահանգում էր, որ հյուրի հետ խոսի ամեն ինչի մասին՝ բացի կինեմատոգրաֆից։ Ավելի ուշ, երբ Ռոսելինին սկսեց իր նոր ֆիլմի նկարահանումները, նա որպես ռեժիսորի օգնական հրավիրեց Ֆելինիին, ինչից էլ սկիզբ առավ կինոյի նորահայտ հանճարի կարիերան։ Ջուլյան դարձավ Ֆելինիի «այցեքարտն» ու հաջողության գրավականը։ Նա մասնակցում էր Ֆելինիի բոլոր ֆիլմերի նկարահանման աշխատանքներին, օգնում էր դերասանների, դեկորների և վայրերի ընտրության հարցում, ամենուր ուղեկցում էր ամուսնուն։ Ֆելինիի համար իր կնոջ կարծիքն ամեն ինչից վեր էր։ Եթե Ջուլյետան բացակայում էր նկարահանման հրապարակից, Ֆեդերիկոն հարյուր անգամ զանգահարում էր տուն և խորհուրդ հարցնում։ Նկարահանման հրապարակում էին տեղի ունենում նաև նրանց ընտանեկան վեճերը․ Ֆելինին մեղադրում էր կնոջը փնթփնթալու համար, իսկ նա Ֆելինիին՝ անհամբեր ու անհանդուրժող բնավորության համար։ «Սատիրիկոնի» նկարահանումների ժամանակ նրանք լրջորեն վիճեցին, և Ջուլյան այլևս չեկավ նկարահանման հրապարակ։ Այդ ժամանակ Ֆելինին առհասարակ հրաժարվեց նկարահանել։ Կինը վերադարձավ միայն ամենաբարդ տեսարանի նկարահանման օրը, երբ տիրում էր չափազանց լարված մթնոլորտ։ Նա նստեց անկյունում և սկսեց շյուղերով հյուսել՝ ոչ մի բառ չարտաբերելով։ Ֆելինին գործի անցավ, և տեսարանը վերջապես նկարահանվեց։ 

Մազինան այդպես էլ չդարձավ կինոաստղ․ նրա կինոկարիերայում, որը ներառում է շուրջ 3 տասնյակ ֆիլմ, ամենահիշարժանը ամուսնու նկարահանած 4 ֆիլմերն են, որտեղ հանդես է եկել գլխավոր դերում՝ Ջելսոմինա, Կաբիրիա, Ջուլյետա, Ջինջեր։ Սա ցավալիորեն քիչ էր, որովհետև նա, իրոք, մեծ դերասանուհի էր։ Սակայն, փոխարենը, նրանց ողջ կյանքը լի էր փոխադարձ սիրով։ Ֆելինին հաճախ էր անդրադառնում իր ծնողների ռոմանտիկ սիրո պատմությանը։ Երկրորդ համաշխարհային պատերազմի ժամանակ նրա հայր Ուրբանոն սիրահարվել էր հռոմեական հարուստ ընտանիքից սերող Իդային, և, վերջինիս ծնողների կամքին հակառակ, նրանք ամուսնացել էին։ Մազինայի ծնողներն էլ իրենց ռոմանտիկ պատմությունն ունեին։ Նրա հայր Գաետանոն հիանալի թավջութակահար էր, և նույնպես մեծահարուստ ընտանիքի դուստր Անջելայի հետ ամուսնանալու համար ստիպված էր եղել թողնել երաժշտությունն ու զբաղվել շարքային աշխատանքով։ Ֆեդերիկոն ընտանեկան կյանքում սարսափում էր առօրեականությունից, նա ուզում էր, որ իրենց ամուսնական տարիները նման լինեն անվերջանալի հրավառության։ Հենց այդ պատճառով էլ անընդհատ հորինում էր առասպելական պատմություններ, որոնց իրեղենությունը Ջուլյետան սիրով հաստատում էր։ Թերևս, դրանով էլ բացատրվում էր նրա ինքնամոռաց և առաջին հայացքից ծնված սերը Ջուլյետայի նկատմամբ․ վերջինս Ֆելինիին չէր խանգարում ապրել նրա իսկ հորինած սցենարով։ Մտերիմները երբեք չէին հասկանում, թե նրանց զրույցներում որտեղ է ավարտվում իրականությունը և սկսվում խաղը։ 

Իհարկե, Ջուլյետան երազում էր երեխաներ ունենալու մասին։ Սակայն ամուսնությունից երկու շաբաթ անց նա, հղի վիճակում ընկնելով աստիճաններից, կորցրել էր իր առաջնեկին։ Երբ երկրորդ անգամ հղիացավ, որոշեց, որ երեխային անվանելու է Ֆեդերիկո։ Փոքրիկն ապրեց ընդամենը երկու շաբաթ։ Եվ Ջուլյետան այլևս երեխա չունեցավ։ Ֆելինին ասում էր․ «Երիտասարդության տարիներին ապրած համատեղ ողբերգությունը մարդկանց միջև հաստատում է ամուր կապ, և եթե զույգը դրանից հետո չի բաժանվում, նշանակում է՝ այդ կապը, իրոք, անքակտելի է։ Ամուսիններն ապրում են միայն իրար համար»։ Նրանք նույնպես չբաժանվեցին, թեպետ ողջ կյանքում իրենց սրտում կրում էին անզավակ լինելու ցավը։ «Մեր երեխաներն իմ ֆիլմերն են, չէ՞ որ նրանք էլ են ծնվում տառապանքով, և արարողը նրանց սիրում է նույնքան, որքան իր երեխաներին»,- խոստովանել է մեծ ռեժիսորը։ Եվ նա, կնոջ հետ միասին, ստեղծում էր նորանոր «զավակներ»։ Սկզբում Ֆելինին նկարահանում էր միայն իր կնոջը և սցենարներ էր գրում միայն նրա համար։ «Ճանապարհ» և «Կաբիրիայի գիշերները» ֆիլմերը Մազինային հասցրին անհասանելի բարձունքի։ Նրան անվանում էին «կիսաշրջազգեստով Չապլին», նրան հանձնում էին մրցանակներ, առաջարկում էին գրավիչ պայմանագրեր։ Բայց նա մերժում էր բոլորին՝ բացի իր ամուսնուց։ Մազինան չէր ձգտում փայլել կինեմատոգրաֆիական Օլիմպոսում և միշտ թաքնվում էր իր հանճարեղ ու արդեն հանրահայտ ամուսնու թիկունքում։ «Ֆեդերիկոյի կողքին ինձ զգում եմ ստվերում, և դա ինձ գոհացնում է, որովհետև այդ ստվերը հիասքանչ է»,- լրագրողներին ասում էր նա։ 

Կարդալով «Ջուլյետան և ոգիները» ֆիլմի սցենարը՝ Մազինան արտահայտեց իր անթաքույց հիացմունքը․ «Սա մի երկչոտ, բարդույթավորված ու ճնշված կին է, ով սկզբում ամբողջովին հնազանդվում է ծնողների կամքին, իսկ հետո՝ ամուսնուն։ Ես ոչ միայն բոլորովին հանգիստ կվերաբերվեի տղամարդու՝ ընտանիքից հեռանալուն, այլև կջարդեի նրա գլուխը»։ Արդյոք նա անկե՞ղծ էր այս խոսքերն արտասանելիս՝ հայտնի չէ, բայց փաստն այն է, որ նա առանց մյուս կանանց բնորոշ հիստերիաների էր վերաբերվում իր սիրելի ամուսնու «մարտական ընկերուհիներին»։ Ֆեդերիկոն հավատարիմ չէր, սակայն ամեն ինչի մասին պատմում էր կնոջը։ Զույգի ընկերների խոսքերով՝ եթե Ֆելինին ինչ-որ հարցում մեղավոր էր լինում կնոջ հանդեպ, կինն այդ մասին առաջինն էր իմանում՝ հենց նրանից։ Ֆելինին խենթություններ էր անում ամեն քայլափոխի։ Նա կարող էր սրահ վարձել ամենաթանկ հյուրանոցում լոկ այն պատճառով, որ այդտեղ հանգրվանել էին Չառլի Չապլինը և Օդրի Հեփբերնը։ Կարող էր ամենաթանկ ատելիեներում պատվիրել իր հանրահայտ կարմիր շարֆերը, սակայն երբևէ չանհանգստանալ, որ Ջուլյետան, ի տարբերություն այլ կինոաստղերի, չունի ոչ մորթյա մուշտակներ և ոչ էլ ադամանդներ։ Կարող էր բնակվել Հռոմի աղմկոտ կենտրոնում, մինչդեռ նրա մյուս բոլոր գործընկերներն արդեն վաղուց տեղափոխվել էին քաղաքամերձ շքեղ առանձնատներ։ Իսկ Մազինան լոկ ժպտում էր, տնտեսում գումարը, նկարահանումների ժամանակ ամուսնուն ուղեկցելիս ինքնուրույն հոգում բոլոր ծախսերը և ամառային արձակուրդն անցկացնում նրա ծննդավայր Ռիմինի քաղաքում։ 

1993-ին ստացած «պատվավոր Օսկարը» Ֆելինիի վերջին մրցանակն էր։ Արձանիկը ձեռքում պահած՝ նա հենց բեմից դիմեց դահլիճում նստած կնոջը․ «Հերիք է լաց լինես, Ջուլյետա»։ Եվ բոլոր հայացքներն ու տեսախցիկներն ակնթարթորեն ուղղվեցին արցունքներով ողողված Մազինայի կողմը։ Այդ պահին նա ավելի ուժգին լաց եղավ։ «Ես ամեն ինչով պարտական եմ նրան և երբեք չեմ հոգնի կրկնել, թե որքան բարի, համբերատար ու խելացի է իմ կինը։ Ես նրան հիասթափեցրել եմ, նա ինձ՝ ոչ։ Նրանից ավելի լավ կին չէի կարողանա գտնել»,- ասում էր Ֆելինին։ Ամուսնու մահվան օրն ինչ-որ առումով վերջինը դարձավ նաև կնոջ համար։ Ընդամենը մի քանի օր անց նրանք նշելու էին իրենց «ոսկե հարսանիքը»։ «Առանց Ֆեդերիկոյի ես չկամ․․․»,- հուղարկավորության ընթացքում լոկ այս բառերն էր կրկնում Մազինան։ Եվ թեթևությամբ մտածում էր․ «Գուցեև լավ է, որ Ֆեդերիկոն չկա, և չի իմանա, որ արդեն վաղուց հիվանդ եմ քաղցկեղով։ Շուտով մենք նորից միասին կլինենք»։ Ֆելինիի հուղարկավորության օրը Հռոմում երթևեկությունը կանգ էր առել։ Իրենց աշխատանքը դադարեցրել էին նաև ռադիոկայաններն ու հեռուստաընկերությունները։ Հռոմից մինչև Ռիմինիում գտնվող Ֆելինի ընտանիքի տոհմական դամբարան բազմահազարանոց ամբոխն ուղեկցում էր սգո թափորը։ Ուղեկցում էր ծափահարություններով։ Այնտեղ ծնվել էր մեծն վարպետը, այնտեղ էլ գտավ իր վերջին հանգրվանը։ 

Նրա մահվանից հետո ի հայտ եկան կանայք, ովքեր, իրենց անձի հանդեպ սկանդալային հետաքրքրություն առաջացնելու նպատակով, սկսեցին հրապարակել ինչ-ինչ մանրամասներ ռեժիսորի անձնական կյանքից։ Եղան նաև այնպիսիք, ովքեր գիրք գրեցին այդ թեմայով կամ հարցազրույցներում ասացին, թե Ֆելինին իրենց սիրել է ավելի շատ, քան Մազինային։ Բայց պետք է արժանին մատուցել իտալացի կինեմատոգրաֆիստներին և առհասարակ ողջ հանրությանը, քանզի նման հայտարարություններն այդպես էլ մնացին «օդում կախված», ավելին՝ շատերի կողմից նույնիսկ արժանացան բուռն հակահարվածի․ չէ՞ որ Ֆելինին Իտալիայի համար սրբություն էր, իսկ Մազինան՝ անթերի կնոջ օրինակ, որ վայելում էր համատարած հարգանք ու սեր։ Անհնար է սեր խաղալ հիսուն տարի շարունակ, այդ սերն իրականում կար, և մարդիկ զգում էին դա։ Հանրաճանաչ կոմպոզիտոր Նինո Ռոտան այդ առիթով ասել է․ «Պետք է առնվազն ապուշ լինել՝ նրանց հարաբերություններից ճառագող մեծ սերը չտեսնելու և ապականելու համար։ Նրանց կյանքում կեղծիք չկար, նրանք իսկապես անսահմանորեն սիրում էին իրար»։ 

Ֆելինիի մահվանից ընդամենը հինգ ամիս անց կյանքից հեռացավ նաև Մազինան։ Եվ սգո թափորը ևս մեկ անգամ անցավ նույն ճանապարհը՝ նրա աճյունը Հռոմում գտնվող իրենց բնակարանից տեղափոխելով Ռիմինի, որտեղ նա վերջին հանգրվանը գտավ Ֆեդերիկոյի կողքին։ Մահվանից առաջ Մազինան խնդրեց, որ դագաղում իր հետ լինի նրա լուսանկարը։ Մտերիմներն ասում են, որ նա մինչև վերջին պահը ժպտում էր իր լուսավոր ժպիտով։ Ավելի ուշ նրանց ընկերները դերասանուհու տապանաքարի վրա գրեցին․ «Այժմ, Ջուլյետա, դու կարող ես լաց լինել․․․»։ 

ՄԵԿՆԱԲԱՆՈՒԹՅՈՒՆՆԵՐ

[ԽՄԲԱԳՐԻ ԸՆՏՐՈՒԹՅՈՒՆԸ]$type=one$count=3$meta=0$hide=home$label=0

Имя

«Ամարկորդ» «Բիթլզ» «Զարե» «Լուսավոր ապագան» «Կին» փառատոն «Կինոարվեստ» մատենաշար «Հայֆիլմ» «Նռան գույնը» «Սոսե» «Օսկար» 20֊ականներ 30-ականներ 40-ականներ 50-ականներ 60-ականներ 70-ականներ 80֊ականներ 90֊ականներ Adami BBC Disney GAIFF Pro Kinoversus VQuick հավելված Աբաս Քիարոսթամի Ագաթա Քրիստի Ագնեշկա Հոլանդ Ադել Ալ Պաչինո Ալան Փարքեր Ալբեր Քամյու Ալբերտ Էյնշտեյն Ալեխանդրո Գոնսալես Ինյարիտու Ալեն Գրանժերար Ալեն Դելոն Ալեն Ռենե Ալեքսանդր Դովժենկո Ալիս Գի-Բլաշե Ալիսիա Վիկանդեր Ալֆրեդ Հիչքոկ Ակի Կաուրիսմյակի Ակիրա Կուրոսավա Աղասի Այվազյան Ամերիկյան կինոքննադատների ազգային խորհուրդ Ամերիկյան ֆիլմերի ցուցաշար Այցեքարտ Անահիտ Հակոբյան Անդրե Մորուա Անդրեյ Զվյագինցև Անդրեյ Կոնչալովսկի Անդրեյ Պլախով Անդրեյ Տարկովսկի Անիտա Էկբերգ Անյես Վարդա Անն Վյազեմսկի Աննա Կարինա Աննա Մանիանի Աննա Մելիքյան Աննի Ժիրարդո Անուկ Էմե Անուշ Բաբայան Անջեյ Ժուլավսկի Անջեյ Վայդա Անտոն Դոլին Անտոնիո Բանդերաս Անրի Վերնոյ Անրի-Ժորժ Կլուզո ապրիլ Առնո Բաբաջանյան Ավա Գարդներ Ավետիք Իսահակյան Ավրորա Մարդիգանյան Ատոմ Էգոյան Արա Գյուլեր Արամ Ավետիս Արամ Խաչատրյան Արամ Հակոբյան Արամ Պաչյան Արարատ Արգելված կինոարվեստ Արթուր Մեսչյան Արման Հարությունյան Արման Մանարյան Արմեն Ջիգարխանյան Արմինե Նազարյան Արտակ Մարգարյան Արտավազդ Փելեշյան Բասթեր Կիտոն Բարձրորակ կինո [8] Բեթ Դևիս Բելա Տարր Բեն Աֆլեք Բեն Քինգսլի Բեն-Հուր Բենեդիկտ Քամբերբեթչ Բենեթ Միլլեր Բեռնարդո Բերտոլուչի Բերթ Լանկաստեր Բերտրան Բլիե Բիբի Անդերսոն Բիլ Մյուրեյ Բիլլի Ուայլդեր Բլեյք Էդվարդս Բյորկ Բոբ Ֆոսի Բորիս Կաուֆման Բրայան Սինգեր Բրեդ Փիթ Բրիջիտ Բարդո Գաբրիել Գարսիա Մարկես Գայանե Թադևոսյան Գեորգ Վիլհելմ Պաբստ Գերի Քուփեր Գերի Օլդմեն Գիլյերմո դել Տորո Գիտահանրամատչելի ֆիլմեր Գիտաֆանտաստիկ կինո Գլխավոր Գլուխգործոցներ [10] Գյունտեր Գրաս Գոդֆրի Ռեջիո Գրախոսական Գրեգորի Պեկ Գրետա Գարբո Գրիգորի Կոզինցև Գրողները կինոյում Դալթոն Տրամբո Դալիդա Դակոտա Ֆանինգ Դանիել Բըրդ Դանիել Դարիո Դասթին Հոֆման Դարեն Արոնոֆսկի Դարիո Արջենտո դեկտեմբեր Դեն Բրաուն Դենի Վիլնյով Դենիզ Գամզե Էրգյուվեն Դերասանի վարպետություն Դևիդ Բոուի Դևիդ Լին Դևիդ Լինչ Դևիդ Ուորք Գրիֆիթ Դևիդ Քրոնենբերգ Դևիդ Օուեն Ռասել Դևիդ Ֆինչեր Դիանա Կարդումյան Դիմանկար Դինո Բուցցատի Դինո Ռիզի Դմիտրի Կեսայանց Դյուկ Էլինգթոն Դոն Կիխոտ Դոնալդ Սազերլենդ Դուգլաս Ֆերբենքս Եժի Կավալերովիչ Եվա Գրին Եվրոպական կինոակադեմիա Երևանի «Գյոթե կենտրոն» Երիտասարդական կինոալիք Երկխոսություն Էդդի Ռեդմեյն Էդիտ Պիաֆ Էդմոնդ Քեոսայան Էդվարդ Նորթոն Էդրիան Բրոուդի Էլեն Հակոբյան Էլթոն Ջոն Էլիա Կազան Էլիզաբեթ Թեյլոր Էլիո Պետրի Էլլա Ֆիցջերալդ Էլվիս Փրեսլի Էմի Ադամս Էմիլ Զոլա Էմիլի Բլանթ Էմիլի Դիքինսոն Էմիր Կուստուրիցա Էյզենշտեյն Էնդի Ուորհոլ Էնթոնի Հոփքինս Էնթոնի Քուին Էնիո Մորիկոնե Էննի Լեյբովից Էնրիկա Անտոնիոնի Էռնեստ Հեմինգուեյ Էռնստ Լյուբիչ Էտալոն 11 Էտորե Սկոլա Էրիկ Կլեպտոն Էրիկ Ռոմեր Թենգիզ Աբուլաձե Թենեսի Ուիլյամս Թեո Անգելոպուլոս Թերենս Դևիս Թերենս Մալիք Թերի Գիլիամ Թերի Ջորջ Թիերի Կոքլե Թիլդա Սուինթոն Թիմ Բարթոն Թիմուր Բեկմամբետով Թիփի Հեդրեն Թոմ Հենքս Թոմ Սելեք Թոմ Քրուզ Թոմ Ֆորդ Ժակ Բեքեր Ժակ Բրել Ժակ Տատի Ժակլին Բիսեթ Ժան Բոդրիյար Ժան Գաբեն Ժան Թաթլյան Ժան Կոկտո Ժան Մարե Ժան Ռենո Ժան Ռենուար Ժան Ռուշ Ժան Վիգո Ժան-Լյուկ Գոդար Ժան-Լուի Տրենտինյան Ժան-Կլոդ Կարիեր Ժան-Պիեռ Դարդեն Ժան-Պիեռ Կասել Ժան-Պիեռ Մելվիլ Ժան-Պոլ Բելմոնդո Ժան-Պոլ Սարտր Ժաննա Մորո Ժերար Դեպարդիե Ժերար Ֆիլիպ Ժորժ Կառվարենց Ժորժ Մելիես Ժորժ Ֆրանժու Ժուլյետ Բինոշ Իգոր Ստրավինսկի Իզաբել Յուպեր Իզաբելլա Ռոսելինի Իթան և Ջոել Քոեններ Ինգմար Բերգման Ինգրիդ Բերգման Ինոկենտի Սմոկտունովսկի Իվ Մոնտան Իվ Սեն Լորան Իրադարձություններ Իրանցի ռեժիսորներ Լավ կինո [7] Լավագույն ֆիլմեր Լարս ֆոն Թրիեր Լեհական կինո Լեոնարդո դի Կապրիո Լեոնիդ Ենգիբարյան Լև Ատամանով Լև Գրիշին Լևոն Աթոյանց Լիլիթ Աղաջանյան Լիլիթ Բեգլարյան Լինո Վենտուրա Լիվ Թայլեր Լիվ Ուլման Լյուդմիլա Ցելիկովսկայա Լյուկ Դարդեն Լոուրենս Օլիվիե Լորեն Բեքոլ Լորենցո Քուին Լուի Արմսթրոնգ Լուի Գարել Լուի դը Ֆյունես Լուի Մալ Լուիս Բունյուել Լուկա Գուադանյինո Լուկինո Վիսկոնտի Խավիեր Բարդեմ Խմբագրի ընտրությունը Ծիրանի ծառ Կաձուո Իսիգուրո Կաննի կինոփառատոն Կառլ Թեոդոր Դրեյեր Կառլ Լագերֆելդ Կառլոս Ռեյգադաս Կառլոս Սաուրա Կատրին Դընյով Կատրին Ռոբ-Գրիե Կարեն Ավետիսյան Կարեն Շահնազարով Կարևոր Կարո Հալաբյան Կենձի Միձոգուտի Կիմ Նովակ Կինոաֆորիզմ Կինոերաժշտություն Կինոիլյուստրացիաներ կինոմոնտաժ Կինոյի պատմություն Կինոն և նորաձևությունը Կինոնորություններ կինոուղեցույց Կինոպատկերասրահ Կինովարկանիշ Կինովերսուս TV Կինոօրացույց Կիրստեն Դանստ Կլաուդիա Կարդինալե Կլաուս Կինսկի Կլարկ Գեյբլ Կլոդ Լելուշ Կլոդ Շաբրոլ Կլոդ Սոտե Կնուտ Համսուն Կշիշտոֆ Զանուսի Կշիշտոֆ Կեսլևսկի Կոբո Աբե Կոկո Շանել Կուրտ Վոնեգուտ Համո Բեկնազարյան Համր կինո Համր կինոյի աստղերը Համֆրի Բոգարտ Հայ կինոգործիչներ Հայաո Միյաձակի Հայկ Մանուկյան Հայկական կերպարներ Հայկական կինո Հանճարեղ ֆիլմեր [9.5] Հասմիկ Կարապետյան Հարիսոն Ֆորդ Հարոլդ Լլոյդ Հարվի Քեյթել Հարցազրույց Հեդի Լամար Հելմուտ Նյուտոն Հենինգ Կառլսեն Հենրի Ֆոնդա Հենրիկ Հովհաննիսյան Հենրիկ Մալյան Հետադարձ հայացք Հիանալի ֆիլմեր [8.5] Հիրոսի Տեսիգահարա Հոդվածներ Հոկտեմբերին ծնված հայտնիները Հոու Սյաո-Սյան Հովհաննես Վարդումյան Հովսեփ Քարշ հունվար Հրապարակախոսություն և մամուլ Ճապոնացի ռեժիսորներ Մահաթմա Գանդի Մայա Դերեն Մայք Նիքոլս Մայքլ Գրանդաջ Մայքլ Դուգլաս Մայքլ Հակոբյան Մայքլ Ջեքսոն Մայքլ Փաուել Մայքլ Քեյն Մայքլ Քյորթիս Մառլեն Դիտրիխ Մառլոն Բրանդո Մասակի Կոբայասի Մարդիկ և փաստեր Մարդիկ Մարտին Մարի Լաֆորե Մարիա Կալաս Մարինա Վլադի Մարինա Ցվետաևա Մարկո Ֆեռերի Մարշա Հանթ Մարչելո Մաստրոյանի Մարսել Կառնե Մարտին Լյութեր Քինգ Մարտին Սկորսեզե Մարտիրոս Սարյան Մեգ Ռայան Մեթ Դեյմոն Մեթ Դիլոն Մել Գիբսոն Մեծերը՝ արվեստի մասին Մեկ Կադր մեջբերումներ Մերի Փոփինս Մերիլ Սթրիփ Մերիլին Մոնրո Միգել Սապոչնիկ Միլան Կունդերա Միլոշ Ֆորման Միխալիս Կակոյանիս Միխայել Հանեկե Միխայիլ Բուլգակով Միխայիլ Գալուստյան Միխայիլ Կալատոզով Միշել Լեգրան Միշել Հազանավիչուս Միշել Ուիլյամս Միշել Պիկոլի Միշել Փֆայֆեր Միրեյ Դարկ Միրեյ Մաթյո Միք Ջագեր Միքայել Թարիվերդիև Միքելանջելո Անտոնիոնի Միքի Ռուրք Մհեր Մկրտչյան Մոhսեն Մախմալբաֆ Մոնիկա Բելուչի Մոնիկա Վիտի Մորիս Շևալիե Մորիս Ռոնե Մուհամեդ Ալի Մուսա Յան Շվանկմայեր Յան Ֆլեմինգ Յասուձիրո Օձու Յոս Սթելինգ Յուլ Բրիներ Յուրի Գագարին Յուրի Նիկուլին Նագիսա Օսիմա Նատալի Փորթման Նարե Մկրտչյան Ներսես Հովհաննիսյան Նիկիտա Միխալկով Նիկոս Կազանձակիս Նինո Ռոտա Նիքոլ Քիդման Նկարահանման հրապարակ Նշանավոր զույգերը Նոյեմբերին ծնված հայտնիները Նոր ալիք Նումի Ռապաս Նուրի Բիլգե Ջեյլան ՆՓԱԿ Շանտալ Աքերման Շառլ Ազնավուր Շառլոթ Գենսբուր Շատ լավ ֆիլմեր [7.5] Շերոն Թեյթ Շոն Փեն Շոն Քոների Շուշան Փիրումյան Ուես Անդերսոն Ուիթ Սթիլման Ուիլ Սմիթ Ուիլեմ Դեֆո Ուիլյամ Շեքսպիր Ուիլյամ Ուայլեր Ուիլյամ Սարոյան Ումբերտո Էկո Ունա Չապլին Ուոլթ Դիսնեյ Չառլզ Բուկովսկի Չառլզ Բրոնսոն Չառլզ Դիքենս Չառլզ Չապլին Չառլի Չապլին Չեխական նոր ալիք Չեկի Կարիո Պաբլո Պիկասո Պաոլո Սորենտինո Պաուլո Կոելյո Պավել Արսենով Պեդրո Ալմոդովար Պենելոպա Կրուս Պիեռ Բարու Պիեռ Կարդեն Պիեռ Պաոլո Պազոլինի Պիեռ Ռիշար Պիեռ-Օգյուստ Ռենուար Պիետրո Մարչելո Ջարեդ Լեթո Ջեյմս Դին Ջեյմս Ստյուարտ Ջեյմս Քեմերոն Ջեյն Բիրկին Ջեյն Օսթին Ջեյսոն Շվարցման Ջեյսոն Ռոբարդս Ջեյք Ջիլենհոլ Ջենիս Ջոփլին Ջենիֆեր Լոուրենս Ջերալդին Չապլին Ջերեմի Այրոնս Ջեք Լոնդոն Ջեք Նիքոլսոն Ջեք Ուորներ Ջեքի Չան Ջեքի Քուգան Ջիմ Ջարմուշ Ջինա Լոլոբրիջիդա Ջինա Ռոուլենդս Ջո Բեռլինգեր Ջոան Վուդվորդ Ջոան Քրոուֆորդ Ջոզեֆ Լոուզի Ջոն Կասավետիս Ջոն Մալկովիչ Ջոն Սթեյնբեք Ջոն Տուրտուրո Ջոն Տրավոլտա Ջոն Ֆորդ Ջոնի Դեփ Ջոնի Հոլիդեյ Ջորջ Լուկաս Ջորջ Օրուել Ջորջո Սթրելեր Ջուդ Լոու Ջուզեպե Տորնատորե Ջուլիանա Մուր Ջուլյետա Մազինա Ռայներ Վերներ Ֆասբինդեր Ռաֆայել Ներսիսյան Ռաֆայել Պապովյան Ռեյ Բրեդբերի Ռենատո Սալվատորի Ռենե Կլեր Ռիդլի Սքոթ Ռիշարդ Բուգայսկի Ռիչարդ Աթենբորո Ռիտա Հեյվորթ Ռյունոսկե Ակուտագավա Ռոբ Մարշալ Ռոբեր Բրեսոն Ռոբեր Օսեյն Ռոբերտ դե Նիրո Ռոբերտ Զեմեկիս Ռոբերտ Ռոդրիգես Ռոբերտ Վինե Ռոբերտո Ռոսելինի Ռոբին Ուիլյամս Ռոզա Պետրոսյան Ռոլան Բարտ Ռոման Բալայան Ռոման Պոլանսկի Ռոմի Շնայդեր Ռոն Հովարդ Ռոս Բաղդասարյան Ռուբեն Գևորգյանց Ռուբեն Մամուլյան Ռուդոլֆ Վալենտինո Ռունի Մարա Ռուփերթ Էվերեթ Ռոք Հադսոն Սաթենիկ Հակոբյան Սաթյաջիտ Ռայ Սալվադոր Դալի Սարիկ Անդրեասյան Սեմ Մենդես Սեմ Պեկինպա Սեմուել Բեքեթ Սեպտեմբեր Սերգեյ Դովլաթով Սերգեյ Էյզենշտեյն Սերգեյ Իսրայելյան Սերգեյ Փարաջանով Սերժ Գենսբուր Սերջիո Լեոնե Սև հայելի Սթենլի Կուբրիկ Սթենլի Կրամեր Սթիվ ՄըքՔուին Սթիվեն Զաիլյան Սթիվեն Հոքինգ Սթիվեն Սոդերբերգ Սթիվեն Սփիլբերգ Սթիվեն Քինգ Սիդնի Լյումետ Սիլվի Վարդան Սիլվիա Պլատ Սիմոն Աբգարյան Սիմոնա դը Բովուար Սիմոնա Սինյորե Սինդբադ ՍինեՄիտք Սիրելի ֆիլմերի տասնյակն ըստ… Սլավոյ Ժիժեկ Սյուզան Զոնթագ Սոնա Կարապողոսյան Սոս Սարգսյան Սոսե Սոֆի Լորեն Սոֆի Մարսո Սոֆյա Կոպոլա Սվեն Նյուկվիստ Ստալկեր Սցենար Սփենսեր Թրեյսի Սքարլեթ Յոհանսոն Վալերիո Ձուրլինի Վահե Հակոբյան Վան Հեֆլին Վավերագրական ֆիլմեր Վարպետության դասեր Վել Էյվերի Վեյկո Իունպուու Վերա Խիտիլովա Վերներ Հերցոգ Վիկտոր Էրիսե Վիմ Վենդերս Վիվիեն Լի Վիտորիո դե Սիկա Վլադիմիր Բորտկո Վլադիմիր Կոսմա Վլադիմիր Վիսոցկի Վոնգ Կար-Վայ Վուդի Ալեն Վուդի Հարելսոն Տաթև Հովակիմյան Տակեշի Կիտանո Տեսանյութեր Տիգրան Նալչաջյան Տիեզերքի գաղտնիքները Տոնինո Գուերա Տոտո Ցնցող ֆիլմեր [9] Փիթեր Գրինուեյ Փիթեր Ուստինով Փիթեր Օ'Թուլ Փինք Ֆլոյդ Փոլ Նյումեն Փոլ Վերհովեն Քեյթ Բլանշեթ Քեյթ Բոսվորթ Քեն Լոուչ Քենեթ Բրանա Քերի Գրանտ Քըրք Դուգլաս Քըրք Դուգլաս և Ուիլյամ Ուայլեր Քըրք Քըրքորյան Քլինթ Իսթվուդ Քոլին Ֆերթ Քսավիե Դոլան Քվենտին Տարանտինո Քրիսթոֆեր Նոլան Քրիստիան Բեյլ Օդրի Հեփբերն Օլեգ Յանկովսկի Օլիվեր Թվիստ Օլիվեր Սթոուն Օլիվիա դը Հևիլենդ Օմար Շարիֆ Օուեն Ուիլսոն Օսիպ Մանդելշտամ Օսկար Ուայլդ Օրնելա Մուտի Օրսոն Ուելս Օրվա մեջբերումը Օրվա ֆիլմը Ֆաինա Ռանևսկայա Ֆանի Արդան Ֆեդերիկո Ֆելինի Ֆերնանդել Ֆիլիպ Կաուֆման Ֆիլիպ Նուարե Ֆիլմադարան Ֆոլկեր Շլյոնդորֆ Ֆոտոարխիվ Ֆրանկլին Ջ. Շաֆներ Ֆրանկո Ձեֆիրելլի Ֆրանսիական կինո Ֆրանսիս Վեբեր Ֆրանսուա Տրյուֆո Ֆրանց Կաֆկա Ֆրեդի Մերքյուրի Ֆրենկ Կապրա Ֆրենկ Սինատրա Ֆրենսիս Ֆորդ Կոպոլա Ֆրիդրիխ Վիլհելմ Մուրնաու Ֆրից Լանգ Ֆրունզե Դովլաթյան
false
ltr
item
KINOVERSUS: Ֆելինի և Մազինա․ սեր ամբողջ կյանքի համար
Ֆելինի և Մազինա․ սեր ամբողջ կյանքի համար
«Ես միշտ համարել եմ, որ Ջուլյետայի հետ իմ հանդիպումը կանխորոշված էր ճակատագրով, և այլ կերպ չէր կարող լինել»։ Ֆեդերիկո Ֆելինի
https://3.bp.blogspot.com/-4_VfoWuEWjY/WIJG-7N-vMI/AAAAAAAAD3Y/B7tokOhVgFEHJ1iAWlCPSfJ5GVcQeyN0QCLcB/s640/fellini-mazina.jpg
https://3.bp.blogspot.com/-4_VfoWuEWjY/WIJG-7N-vMI/AAAAAAAAD3Y/B7tokOhVgFEHJ1iAWlCPSfJ5GVcQeyN0QCLcB/s72-c/fellini-mazina.jpg
KINOVERSUS
https://www.kinoversus.com/2017/01/federico-fellini-giulietta-masina.html
https://www.kinoversus.com/
https://www.kinoversus.com/
https://www.kinoversus.com/2017/01/federico-fellini-giulietta-masina.html
true
7755589357207652495
UTF-8
Ոչինչ չի գտնվել ԴԻՏԵԼ ԱՄԲՈՂՋԸ Կարդալ ավելին Պատասխանել Չեղարկել Ջնջել Հեղինակ Գլխավոր ԷՋԵՐ ՆՅՈՒԹԵՐ Դիտել ամբողջը ԿԱՐԴԱՑԵՔ ՆԱԵՎ ԹԵՄԱ ԱՐԽԻՎ SEARCH ԲՈԼՈՐ ՆՅՈՒԹԵՐԸ Ոչինչ չի գտնվել Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec հենց նոր 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Հետևում են Հետևել ՍԱ ՊՐԵՄԻՈՒՄ ՆՅՈՒԹ Է Տարածիր նյութը բացելու համար Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy