«Երիտասարդ Պապը». նա, ով կոտրում է կաղապարները


«Ես սիրում եմ Աստծուն, որովհետև մարդկանց սիրելը շատ ցավոտ է»։ «Երիտասարդ Պապը», ռեժ․՝ Պաոլո Սորենտինո


Ի՞նչը կարող է միավորել Ջուդ Լոուին, Վատիկանը և ֆուտբոլը․․․ Իհարկե, դժվար չէ կռահել, որ խոսքը 2016թ-ի լավագույն սերիալներից մեկի՝ «Երիտասարդ Պապի» մասին է։ Այսօր հեռուստասերիալները, մինի-սերիալները զարգացման այնպիսի մակարդակի են հասել, որ հավակնում են ջնջել սահմաններն ու տարբերությունները բազմասերիանոց հեռուստատեսային ֆիլմերի և մեծ էկրանի համար նախատեսված կինոնկարների միջև։ Ապացույցներից մեկն էլ Պաոլո Սորենտինոյի «Երիտասարդ Պապը» սերիալի առաջին երկու էպիզոդների պրեմիերան էր 2016թ-ի Վենետիկի կինոփառատոնում։ Սերիալը չներառվեց մրցութային ծրագրում, բայց արժանացավ հանդիսատեսի և ժյուրիի լայն արձագանքին։ Իսկ ամենաուշագրավ փաստն այն էր, որ Վենետիկի կինոփառատոնի երկարամյա պատմության ընթացքում այստեղ առաջին անգամ ցուցադրվեց սերիալ։ Այս ծավալուն ֆիլմի ստեղծման աշխատանքներին մասնակցել են ամերիկյան HBO, իտալական Sky Atlantic և ֆրանսիական Canal+ հեռուստաընկերությունները:

Մեր օրերի Ֆելինին

Իտալացի ռեժիսոր Պաոլո Սորենտինոյին, ով վաղ տարիքում զրկվել էր ծնողներից և իր ապագան ապահով ու բարեկեցիկ դարձնելու համար սկզբում ընտրել էր տնտեսագետի մասնագիտությունը, այսօր արդեն ողջ աշխարհն է ճանաչում նրա ստեղծած ինքնատիպ ֆիլմերի շնորհիվ, որոնք առանձնանում են տպավորիչ կերպարներով, ռեժիսորական մեծ վարպետությամբ, ուշագրավ թեմատիկայով։ Նրան անվանում են «մեր օրերի Ֆելինի»՝ զուգահեռներ անցկացնելով այդ երկու ռեժիսորների ֆիլմերում առկա գեղեցկության և աբսուրդի համադրության միջև։ Իրոք, նրանց ոճային ընդհանրությունները նկատելի են։ Սորենտինոյի նկարահանած ֆիլմերի թիվը գերազանցում է երկու տասնյակը, նա հասցրել է արժանանալ «Օսկարի», Կաննի կինոփառատոնի, Եվրոպական կինոակադեմիայի, Բրիտանական ակադեմիայի մրցանակներին և այլ հեղինակավոր պարգևների։ Տասը մասից բաղկացած «Երիտասարդ Պապը» աղմկահարույց ֆիլմը բազմապատկեց նրա ճանաչումն ու հաջողությունը։ Պաոլո Սորենտինոն առաջին անգամ էր անդրադառնում հեռուստասերիալի ժանրին։

Առանձնահատուկ կիրք տածելով ճարտարապետության և բնության գեղեցկությունը կադրում պատկերելու հանդեպ՝ նա այս ֆիլմում նույնպիսի էսթետիկ կրքով ներկայացրել է նաև Վատիկանի շինությունների արտաքին ու ներքին ողջ ճոխությունը։ Ծերության, կյանքի իմաստի մասին մտորումների, անցյալից մնացած հուշերի թեմատիկան ևս հաճախակի է շոշափվում նրա ֆիլմերում, ավելին՝ նրա ֆիլմերը, խոշոր հաշվով, հենց ծերության, իմաստնության և գեղեցիկի անվերջ որոնումների մասին են։ Նրա ֆիլմերի հերոսները երազողներ չեն, որ անդրդվելի լավատեսությամբ նայում են դեպի ապագա, այլ մելամաղձոտ մտածողներ են, որ արդեն վերածվել են անցյալի։ 
«Ինձ հետաքրքիր էր կոտրել հոգևորականների և միանձնուհիների շուրջ դրված այն տաբուն, հոգևոր կյանքի ու հոգևորականության մասին այն պատկերացումը, համաձայն որի՝ նրանց միշտ ներկայացնում են երկու գույնով՝ կա՛մ որպես սրբերի, կա՛մ էլ որպես տխրահռչակ սրիկաների։ Ես ցանկանում էի նրանց ներկայացնել այնպիսին, ինչպիսին կան իրականում՝ որպես մարդկանց, տարօրինակ մարդկանց, ովքեր պետք է շփվեն այդ անտեսանելի երևույթի՝ Աստծո հետ, և միաժամանակ վարեն սովորական կյանք»։ Պաոլո Սորենտինո
Երբ ամեն ինչ դեռ նոր էր սկսվում

Իտալացի ժամանակակից նկարիչ Մաուրիցիո Կատելանը 1999թ-ին ստեղծել էր մի քանդակ՝ «Իններորդ ժամը» անվանմամբ։ Նա պատկերել էր Հռոմի պապ Հովհաննես Պողոս Երկրորդին՝ երկնաքարից տապալված։ Քանդակի անվանումը խորհրդանշում էր Քրիստոսի՝ խաչի վրա մահվան ժամը։ Կատելանը փոխաբերական իմաստով ցույց է տվել Հռոմի պապական իշխանության ճգնաժամը՝ ակնարկելով, որ կաթոլիկությունը եթե դեռևս չի վերացել, ապա արդեն շատ մոտ է դրան։ Ժամանակին այս քանդակը հարուցել էր լեհ կաթոլիկների բուռն զայրույթը, նրանք Կատելանի աշխատանքը որակել էին որպես վիրավորանք ոչ միայն իրենց հավատքի, այլև Հովհաննես Պողոս Երկրորդի հանդեպ, ով ծագումով լեհ էր։ 2000թ-ին, երբ քանդակը ցուցադրվել էր Վարշավայում, Լեհաստանի խորհրդարանի անդամները նույնիսկ ցանկացել էին ոտքի կանգնեցնել այն։ Տարիներ անց Սորենտինոն իր ֆիլմի համար պատվիրեց քանդակի կրկնօրինակը (բնօրինակը Christie's աճուրդում վաճառվել էր 886 հազար դոլարով) և այն ցուցադրեց էպիզոդների սկզբում, ենթագրերի հետ։ Իհարկե, Սորենտինոն պատահական չէր ընտրել «Իններորդ ժամը», ավելին՝ այն ներկայացրել էր որպես ֆիլմի առանցքային գաղափար, շեշտադրել կորսված կապը ժողովրդի և եկեղեցու միջև։

Ֆուտբոլը, Սորենտինոն և Պապը

Պաոլո Սորենտինոն շատ է սիրում ֆուտբոլ և իտալական «Նապոլի» ֆուտբոլային թիմը: Իր այդ սերը նա տեղափոխում է նաև կինո՝ սպորտը դարձնելով կինոյի «լեզուներից» մեկը: Ֆուտբոլը և Մարադոնան փրկել են Սորենտինոյի կյանքը: Երբ նա ընդամենը 16 տարեկան էր, ծնողներին խնդրում է, որ նրանց հետ ամառանոց մեկնելու փոխարեն գնա մարզադաշտ՝ «Նապոլի»-«Էմպոլի» ֆուտբոլային խաղը դիտելու։ Մինչ տղան հիանում էր Մարադոնայի խաղով, ամառանոցում տեղի է ունենում գազի արտահոսք, և ծնողները խեղդվում են։ Սորենտինոն կինոն և ֆուտբոլը համարում է իր փրկությունը կյանքի բոլոր իրավիճակներում։

«Երիտասարդ Պապը» սերիալի հերոսն իտալաամերիկացի Լենի Բելարդոն է՝ 47-ամյա մի տղամարդ, ով ճակատագրի բերումով ընտրվել է Հռոմի պապ և այդուհետ կրելու է Պիոս 13-րդ անունը։ Ջուդ Լոուի հերոսը նման չէ մինչ այդ գահակալած Պապերից ոչ մեկին․ նա հանդուգն և կարծրատիպերը կոտրող կերպար է, միաժամանակ՝ պահպանողական է և գթասիրտ։ Դերասանը փորձել է առավելագույնս համոզիչ ներկայացնել Պիոս 13-րդի խառնվածքի ողջ հակասականությունը, ինչպես նաև նրա պայքարը վատիկանյան պայմանականությունների դեմ։ Իզուր են Վատիկանի բարձրաստիճան հոգևորականները կարծում, թե կարող են հեշտությամբ կառավարել նրան։ Ընտրվելուց հետո նա որևէ մեկին չի ենթարկվում և հետամուտ է լինում եկեղեցին իր երբեմնի արմատներին վերադարձնելու նպատակի իրագործմանը։ Սակայն արդյո՞ք հենց իր՝ Հռոմի պապի հավատքն առ Աստված անսասան է․․․

Սպորտի լեզուն կինոյում

Ինչպես նշեցինք, Սորենտինոն սիրում է իր ֆիլմերում խոսել սպորտի լեզվով: Այս ֆիլմում ևս ողջ Վատիկանը սպորտով էր զբաղվում. Հռոմի պապը թենիս էր խաղում, մարզվում, իսկ Վատիկանի միանձնուհիները ֆուտբոլ ու բասկետբոլ էին խաղում։ Ի վերջո, սպորտի միջոցով կարելի է ցույց տալ մարդու անհոգ, բայց, միաժամանակ, մտամոլոր վիճակը: Սորենտինոն չի ձգտում այնպիսի պարզ հասկացության, ինչպիսին storytelling-ն է, նա միշտ ասում է, որ իր ֆիլմերը anti-storytelling են: Պապն իր հրապարակային ելույթներից մեկի ժամանակ, ռեժիսորի խնդրանքով, ձեռքերը պարզում է այնպես, ինչպես բրիտանացի ֆուտբոլիստ Ուեյն Ռունին է ձեռքերը պարզում գոլ խփելուց հետո։ Ջուդ Լոուն կաթոլիկ չէ, բայց մոլի ֆուտբոլասեր է, թերևս, նաև այդ պատճառով է Սորենտինոն նրան ընտրել իր ֆիլմում գլխավոր դերակատարման համար։ «Ջուդը կատարյալ է, նա օժտված է այն բոլոր հատկանիշներով, որոնք անհրաժեշտ էին Պապի կերպարի համար: Բայց նա օժտված է նաև զուտ մարդկային բոլոր որակներով, որոնք պետք է ունենա ցանկացած Մարդ»,- ասում է ռեժիսորը։ Այսպիսով, երիտասարդ Պապը մեջբերումներ է անում Բրոդսկուց, ծխում է Վատիկանում և, կարծես թե, բավականաչափ ուժգին չի հավատում Աստծուն. ի՞նչ կարելի է սպասել նրանից․․․

Հռոմի պապ Պիոս 13-րդը

Ֆիլմում նորընտիր Պապն իր համար ընտրում է Պիոս 13-րդ անունը։ Պատմագիտության մեջ 1775-1958թթ-ը հաճախ անվանում են «Պիոսների դարաշրջան», քանի որ հենց այդ ժամանակահատվածում Հռոմեական կաթոլիկ եկեղեցու տասնմեկ Պապերից յոթը կրել են Պիոս անունը՝ Պիոս 6-րդից մինչև Պիոս 12-րդ։ «Պիոսների դարաշրջանի» գրեթե բոլոր Պապերը վարում էին պահպանողական քաղաքականություն։ Ֆիլմի մտացածին հերոս Պիոս 13-րդը փորձում էր հետ չմնալ իր անվանակիցներից, թեպետ առաջին հայացքից կարող է թվալ, թե նա ամենաէքսցենտրիկ բարեփոխումների կողմնակից է։ Իրականում Սորենտինոն ֆիլմի ենթատեքստում հեգնանքով ու թերահավատությամբ ցույց է տալիս իր վերաբերմունքը սոցիալական պաթոսի նկատմամբ՝ այդ երևույթը համարելով կեղծ ու ոչ կենսունակ։ Թույլատրել աբորտները, միասեռական ամուսնությունները, խրախուսել ֆեմինիզմը, ազատ հարաբերությունները․ այս ամենի մասին Պապը հավատացյալների հետ խոսում է լոկ իր երազում։ Իսկ իրական կյանքում նա, Սուրբ Պետրոսի տաճարի պատշգամբից առաջին անգամ դիմելով հավատացյալների հսկայական զանգվածին և կոչ անելով բոլոր նրանց, ում սրտում չկա ճշմարիտ հավատք, ասում է, թե այդպիսի «հավատացյալներ» պետք չեն Աստծուն, հետևաբար՝ նրանք պիտի վերադառնան լոկ այն ժամանակ, երբ կգտնեն հավատքի ճանապարհը։

Պապը հրաժարվում է ցույց տալ իր դեմքը, արգելում է տպագրել իր նկարները՝ օրինակ բերելով Սելինջերին, Բենքսիին, Daft Punk-ը, որոնց համար առեղծվածն ու գաղտնիությունը եղել են հաջողության առաջնային գրավականներից մեկը։ Պապը սկսում է պայքարել միասեռական հոգևորականների դեմ, հրաժարվում է գրեթե բոլոր հովվապետական այցելություններից՝ մնալով Վատիկանում իր մտքերի և Աստծո հետ: Այդուհանդերձ, նրա յուրաքանչյուր քայլն ուղեկցվում է կասկածով՝ որքանո՞վ են ճիշտ և բարոյապես արդարացված իր գործողությունները։ Ֆիլմում հիշատակվում է նաև նրա անձնական դրաման, որը շրջադարձային դեր է կատարել նրա  կերպարի ու խառնվածքի ձևավորման գործում․ Բելարդոյին տանջում են իրեն մանուկ հասակում լքած ծնողների մասին հուշերը։ 9-ամյա Բելարդոյին դաստիարակել էր ոչ թե մայրը, այլ միանձնուհի Մերին (Դայան Կիտոն)՝ նրան նախապատրաստելով հոգևորականի կարիերայի համար։ 

Չնայած այս պատմության գլխավոր հերոսը Բելարդոն է, սակայն ֆիլմի հերոսների տարաբաժանումը գլխավորների և երկրորդականների բավականին պայմանական է, քանի որ ռեժիսորը նրանցից յուրաքանչյուրին տվել է առաջնային կարևորություն՝ ասես դիտարկելով որպես ժամանակակից լույսի ներքո ներկայացված աստվածաշնչյան հերոսների․ միանձնուհին, ով իր կյանքը նվիրաբերել էր Աստծուն ու դարձել Պապի «աջ» ձեռքը, անառակը, ով Պապին բացատրում էր, թե ո՞րն է ճշմարիտ հրաշքը, հոգևորականը, ով երբեք դուրս չէր եկել Վատիկանի տարածքից, կինը, ով անպտուղ էր, բայց մայր դարձավ…


Մարդկային տարակուսանքը

Պիոս 13-րդը անընդհատ կասկածում է: Կասկածում է կարդինալներին, մարդկանց, հարաբերություններին, իրեն ու իր հավատքին: Նա ապրում է հավատքի լուրջ ճգնաժամ, բայց, միաժամանակ, ինչ-որ առեղծվածային ուժի թելադրանքով, երբեք չի կորցնում կապն Աստծո հետ։ Բարդ հարցերը հաճախ պարզ պատասխաններ կարող են ունենալ: Բայց դրանք բավարար չեն, քանի որ մեզ միշտ ավելին է պետք լինում։ «Այս Պապը դև է»,- Պիոսի հետ հանդիպումից հետո ասում է Իտալիայի վարչապետն իր օգնականին՝ հասկանալով, որ այնքան էլ հեշտ չի լինի քահանայապետի «ոտքը տրորելը»: Իսկ րոպեներ անց մամուլի ասուլիսում լրագրողների առաջ հայտարարում է․ «Այս Պապը սուրբ է»: Երկու հստակ և ուղիղ պատասխան, երկուսն էլ՝ սխալ, որովհետև չափազանց պարզունակ են։ 

Երիտասարդ Պապը կարողանում է խոսել Աստծո հետ և պարբերաբար ինչ-որ խնդրանքներ ուղղել Նրան: Այդ գերբնական շնորհը նա բացահայտել էր դեռևս մանկատանը, երբ ծնկի էր իջել և փրկություն էր խնդրել իր ընկերոջ մահացող մոր համար։ Շատերը նրան, իրոք, սուրբ էին համարում՝ անսխալական ու անթերի, շատերը՝ սատանա, մինչդեռ իրականում նա ամբողջ կյանքում եղել էր ու մնալու էր այն լքված փոքրիկը, ով փնտրում էր իր ծնողներին։ Կյանքն այնպիսին է, ինչպիսին կա՝ իր ծիծաղելի, անհեթեթ ու ողբերգական պահերով հանդերձ, և ֆիլմում այդ միտքը բազմիցս շեշտվում է։ Կենգուրուն, մերկ ֆեմինիստուհիները եկեղեցական պալատի այգում, «Նապոլի» ֆուտբոլային թիմի մարզահագուստը և մեծ մարդկանց փոքր թուլությունները՝ հենց այսօրինակ դրվագներից է բաղկացած մեր կյանքը:


Առաջին հերթին դա միայնակ կյանքն է: Իհարկե, եթե դու Հռոմի պապն ես, ապա միայնակ լինելն արդեն իսկ քո ճակատագիրն է, քանի որ մշտապես դիմում ես Աստծուն, բայց գրեթե երբեք՝ մարդկանց։ Թվում է՝ դու ամեն ինչ ունես, հասել ես գագաթին, սակայն դա ավելի է խորացնում քո միայնությունը, անջրպետը քո և մարդկանց միջև։ Անխուսափելիորեն վրա է հասնում այն պահը, երբ նույնիսկ թվացյալ մտերիմներդ հեռանում կամ օտարանում են, և այդ ժամանակ ինքդ քեզ հարցնում ես՝ որքանո՞վ ես դու ճիշտ, և արդյո՞ք քեզ հետ ամեն ինչ կարգին է։ «Երիտասարդ Պապը» հենց այդ մասին է՝ միայնության դատապարտված աշխարհի, միայնություն, որ քայքայում է կամ արդեն քայքայել է հասարակությունը։ Եվ հասարակությունը դարձել է մի անդեմ զանգված, որը քեզ չի օգնի, չի պատասխանի և չի արձագանքի, հետևաբար՝ ճշմարտությունը պետք է գտնել ինքնուրույն և կառուցել քայլ առ քայլ՝ վերաիմաստավորելով բարոյականության և արդարության ծեծված ու սպառված գաղափարները։

Ի վերջո, սկսելով մի կետից, մենք, միևնույն է, վերադառնում ենք այդ նույն կետին: Պաոլո Սորենտինոն Պապի պատմությունը ներկայացնում է հենց այդ կերպ։ Իր գահակալության սկիզբը նշանավորելով աշխարհի ու մարդկանց առջև ունեցած արտասովոր քարոզով, որ ընդամենը երազ էր, քանի որ իրական կյանքում նրա քարոզը բոլորովին այլ էր, Պապը նույնպիսի արտասովոր քարոզով էլ ավարտում է մեկ ֆիլմի շրջանակներում իրեն հատկացված ճանապարհը։ Սակայն այժմ նա ներքուստ արդեն ավելի խաղաղ է, թվում է՝ նա գտել է ճշմարիտ հավատքի ու ճշմարիտ մարդասիրության բանալին։ Նրա՝ արցունքով լի աչքերում լույսն ու համակերպվածությունն են ճառագում։ Հաշտություն աշխարհի և Աստծո հետ՝ ահա մեծագույն ճշմարտությունը, որի հզոր ազդակները զգում ենք, երբ նա, դիմելով հանրությանը, մի քանի անգամ ասում է․ «Ժպտացե՛ք»։ Հեռադիտակով հետևելով ժպտացող մարդկանց՝ նա տեսնում է տարեց կնոջ և տղամարդու, ովքեր նրա խոսքերից հետո շրջվում և հեռանում են։ Գուցե նրանք իրական էին, գուցե՝ երևակայական, սակայն Բելարդոյին թվում է, թե տեսնում է իր ծնողներին։ Թերևս, սա էլ մի լուռ հաշտություն էր՝ ավարտից առաջ։ Պապն ընկնում է և դեպի երկինք ուղղված նրա աչքերի առջև երևում է Հիսուսի թափանցիկ ու լուսեղեն պատկերը։ 

Շուշան Փիրումյան

ՄԵԿՆԱԲԱՆՈՒԹՅՈՒՆՆԵՐ

[ԽՄԲԱԳՐԻ ԸՆՏՐՈՒԹՅՈՒՆԸ]$type=one$count=3$meta=0$hide=home$label=0

Имя

«Ամարկորդ» «Բիթլզ» «Զարե» «Լուսավոր ապագան» «Կին» փառատոն «Կինոարվեստ» մատենաշար «Հայֆիլմ» «Նռան գույնը» «Սոսե» «Սոսե» կինոփառատոն «Օսկար» 20֊ականներ 30-ականներ 40-ականներ 50-ականներ 60-ականներ 70-ականներ 80֊ականներ 90֊ականներ Adami BBC Disney GAIFF Pro Kinoversus VQuick հավելված Աբաս Քիարոսթամի Ագաթա Քրիստի Ագնեշկա Հոլանդ Ադել Ալ Պաչինո Ալան Ջ․ Պակուլա Ալան Փարքեր Ալբեր Ռեմի Ալբեր Քամյու Ալբերտ Էյնշտեյն Ալեխանդրո Գոնսալես Ինյարիտու Ալեն Գրանժերար Ալեն Դելոն Ալեն Ռենե Ալեքսանդր Դովժենկո Ալիս Գի-Բլաշե Ալիսիա Վիկանդեր Ալֆրեդ Հիչքոկ Ակի Կաուրիսմյակի Ակիրա Կուրոսավա Աղասի Այվազյան Ամերիկյան կինոքննադատների ազգային խորհուրդ Ամերիկյան ֆիլմերի ցուցաշար Այցեքարտ Անահիտ Հակոբյան Անդրե Մորուա Անդրեյ Զվյագինցև Անդրեյ Կոնչալովսկի Անդրեյ Պլախով Անդրեյ Տարկովսկի Անիտա Էկբերգ Անյես Վարդա Անն Վյազեմսկի Աննա Կարինա Աննա Մանիանի Աննա Մելիքյան Աննի Ժիրարդո Անուկ Էմե Անուշ Բաբայան Անջեյ Ժուլավսկի Անջեյ Վայդա Անտոն Դոլին Անտոնիո Բանդերաս Անրի Վերնոյ Անրի-Ժորժ Կլուզո ապրիլ Առնո Բաբաջանյան Ավա Գարդներ Ավետիք Իսահակյան Ավրորա Մարդիգանյան Ատոմ Էգոյան Արա Գյուլեր Արամ Ավետիս Արամ Խաչատրյան Արամ Հակոբյան Արամ Պաչյան Արարատ Արգելված կինոարվեստ Արթուր Մեսչյան Արման Հարությունյան Արման Մանարյան Արմեն Ջիգարխանյան Արմինե Նազարյան Արտակ Մարգարյան Արտավազդ Փելեշյան Բասթեր Կիտոն Բարձրորակ կինո [8] Բեթ Դևիս Բելա Տարր Բեն Աֆլեք Բեն Քինգսլի Բեն-Հուր Բենեդիկտ Քամբերբեթչ Բենեթ Միլլեր Բեռնարդո Բերտոլուչի Բերթ Լանկաստեր Բերտրան Բլիե Բիբի Անդերսոն Բիլ Մյուրեյ Բիլլի Ուայլդեր Բլեյք Էդվարդս Բյորկ Բոբ Ֆոսի Բորիս Կաուֆման Բրայան Սինգեր Բրեդ Փիթ Բրիջիտ Բարդո Գաբրիել Գարսիա Մարկես Գայանե Թադևոսյան Գեորգ Վիլհելմ Պաբստ Գերի Քուփեր Գերի Օլդմեն Գիլյերմո դել Տորո Գիտահանրամատչելի ֆիլմեր Գիտաֆանտաստիկ կինո Գլխավոր Գլուխգործոցներ [10] Գյունտեր Գրաս Գոդֆրի Ռեջիո Գրախոսական Գրեգորի Պեկ Գրետա Գարբո Գրիգորի Կոզինցև Գրողները կինոյում Դալթոն Տրամբո Դալիդա Դակոտա Ֆանինգ Դանիել Բըրդ Դանիել Դարիո Դասթին Հոֆման Դարեն Արոնոֆսկի Դարիո Արջենտո դեկտեմբեր Դեն Բրաուն Դենի Վիլնյով Դենիզ Գամզե Էրգյուվեն Դերասանի վարպետություն Դևիդ Բոուի Դևիդ Լին Դևիդ Լինչ Դևիդ Ուորք Գրիֆիթ Դևիդ Քրոնենբերգ Դևիդ Օուեն Ռասել Դևիդ Ֆինչեր Դիանա Կարդումյան Դիմանկար Դինո Բուցցատի Դինո Ռիզի Դմիտրի Կեսայանց Դյուկ Էլինգթոն Դոն Կիխոտ Դոնալդ Սազերլենդ Դուգլաս Ֆերբենքս Եժի Կավալերովիչ Եվա Գրին Եվրոպական կինոակադեմիա Երևանի «Գյոթե կենտրոն» Երիտասարդական կինոալիք Երկխոսություն Էդդի Ռեդմեյն Էդիտ Պիաֆ Էդմոնդ Քեոսայան Էդվարդ Նորթոն Էդրիան Բրոուդի Էլեն Հակոբյան Էլթոն Ջոն Էլիա Կազան Էլիզաբեթ Թեյլոր Էլիո Պետրի Էլլա Ֆիցջերալդ Էլվիս Փրեսլի Էմի Ադամս Էմիլ Զոլա Էմիլի Բլանթ Էմիլի Դիքինսոն Էմիր Կուստուրիցա Էյզենշտեյն Էնդի Ուորհոլ Էնթոնի Հոփքինս Էնթոնի Քուին Էնիո Մորիկոնե Էննի Լեյբովից Էնրիկա Անտոնիոնի Էռնեստ Հեմինգուեյ Էռնստ Լյուբիչ Էտալոն 11 Էտորե Սկոլա Էրիկ Կլեպտոն Էրիկ Ռոմեր Թենգիզ Աբուլաձե Թենեսի Ուիլյամս Թեո Անգելոպուլոս Թերենս Դևիս Թերենս Մալիք Թերի Գիլիամ Թերի Ջորջ Թիերի Կոքլե Թիլդա Սուինթոն Թիմ Բարթոն Թիմուր Բեկմամբետով Թիփի Հեդրեն Թոմ Հենքս Թոմ Սելեք Թոմ Քրուզ Թոմ Ֆորդ Ժակ Բեքեր Ժակ Բրել Ժակ Տատի Ժակլին Բիսեթ Ժան Բոդրիյար Ժան Գաբեն Ժան Թաթլյան Ժան Կոկտո Ժան Մարե Ժան Ռենո Ժան Ռենուար Ժան Ռուշ Ժան Վիգո Ժան-Լյուկ Գոդար Ժան-Լուի Տրենտինյան Ժան-Կլոդ Կարիեր Ժան-Պիեռ Դարդեն Ժան-Պիեռ Լեո Ժան-Պիեռ Կասել Ժան-Պիեռ Մելվիլ Ժան-Պոլ Բելմոնդո Ժան-Պոլ Սարտր Ժաննա Մորո Ժերար Դեպարդիե Ժերար Ֆիլիպ Ժորժ Կառվարենց Ժորժ Մելիես Ժորժ Ֆրանժու Ժուլյետ Բինոշ Իգոր Ստրավինսկի Իզաբել Յուպեր Իզաբելլա Ռոսելինի Իթան և Ջոել Քոեններ Ինգմար Բերգման Ինգրիդ Բերգման Իննա Սահակյան Ինոկենտի Սմոկտունովսկի Իվ Մոնտան Իվ Սեն Լորան Իրադարձություններ Իրանցի ռեժիսորներ Լավ կինո [7] Լավագույն ֆիլմեր Լարս ֆոն Թրիեր Լեհական կինո Լեոնարդո դի Կապրիո Լեոնիդ Ենգիբարյան Լև Ատամանով Լև Գրիշին Լևոն Աթոյանց Լիլիթ Աղաջանյան Լիլիթ Բեգլարյան Լինո Վենտուրա Լիվ Թայլեր Լիվ Ուլման Լյուդմիլա Ցելիկովսկայա Լյուկ Դարդեն Լոուրենս Օլիվիե Լորեն Բեքոլ Լորենցո Քուին Լուի Արմսթրոնգ Լուի Գարել Լուի դը Ֆյունես Լուի Մալ Լուիս Բունյուել Լուկա Գուադանյինո Լուկինո Վիսկոնտի Խավիեր Բարդեմ Խմբագրի ընտրությունը Ծիրանի ծառ Կաձուո Իսիգուրո Կաննի կինոփառատոն Կառլ Թեոդոր Դրեյեր Կառլ Լագերֆելդ Կառլոս Ռեյգադաս Կառլոս Սաուրա Կատրին Դընյով Կատրին Ռոբ-Գրիե Կարեն Ավետիսյան Կարեն Շահնազարով Կարևոր Կարո Հալաբյան Կենձի Միձոգուտի Կիմ Նովակ Կինոաֆորիզմ Կինոերաժշտություն Կինոիլյուստրացիաներ կինոմոնտաժ Կինոյի պատմություն Կինոն և նորաձևությունը Կինոնորություններ կինոուղեցույց Կինոպատկերասրահ Կինովարկանիշ Կինովերսուս TV Կինոօրացույց Կիրստեն Դանստ Կլաուդիա Կարդինալե Կլաուս Կինսկի Կլարկ Գեյբլ Կլոդ Լելուշ Կլոդ Շաբրոլ Կլոդ Սոտե Կնուտ Համսուն Կշիշտոֆ Զանուսի Կշիշտոֆ Կեսլևսկի Կոբո Աբե Կոկո Շանել Կուրտ Վոնեգուտ Համո Բեկնազարյան Համր կինո Համր կինոյի աստղերը Համֆրի Բոգարտ Հայ կինոգործիչներ Հայաո Միյաձակի Հայկ Մանուկյան Հայկական կերպարներ Հայկական կինո Հանճարեղ ֆիլմեր [9.5] Հասմիկ Կարապետյան Հարիսոն Ֆորդ Հարոլդ Լլոյդ Հարվի Քեյթել Հարցազրույց Հեդի Լամար Հելմուտ Նյուտոն Հենինգ Կառլսեն Հենրի Ֆոնդա Հենրիկ Հովհաննիսյան Հենրիկ Մալյան Հետադարձ հայացք Հիանալի ֆիլմեր [8.5] Հիրոսի Տեսիգահարա Հոդվածներ Հոկտեմբերին ծնված հայտնիները Հոու Սյաո-Սյան Հովհաննես Վարդումյան Հովսեփ Քարշ հունվար Հրայր Խաչատրյան Հրապարակախոսություն և մամուլ Ճապոնացի ռեժիսորներ Մալքոլմ ՄըքԴաուել Մահաթմա Գանդի Մայա Դերեն Մայք Նիքոլս Մայքլ Գրանդաջ Մայքլ Դուգլաս Մայքլ Հակոբյան Մայքլ Ջեքսոն Մայքլ Փաուել Մայքլ Քեյն Մայքլ Քյորթիս Մառլեն Դիտրիխ Մառլոն Բրանդո Մասակի Կոբայասի Մարդիկ և փաստեր Մարդիկ Մարտին Մարի Լաֆորե Մարիա Կալաս Մարինա Վլադի Մարինա Ցվետաևա Մարկո Ֆեռերի Մարշա Հանթ Մարչելո Մաստրոյանի Մարսել Կառնե Մարտին Լյութեր Քինգ Մարտին Սկորսեզե Մարտիրոս Սարյան Մեգ Ռայան Մեթ Դեյմոն Մեթ Դիլոն Մել Գիբսոն Մեծերը՝ արվեստի մասին Մեկ Կադր մեջբերումներ Մերի Փոփինս Մերիլ Սթրիփ Մերիլին Մոնրո Միգել Սապոչնիկ Միլան Կունդերա Միլոշ Ֆորման Միխալիս Կակոյանիս Միխայել Հանեկե Միխայիլ Բուլգակով Միխայիլ Գալուստյան Միխայիլ Կալատոզով Միշել Լեգրան Միշել Հազանավիչուս Միշել Մորգան Միշել Ուիլյամս Միշել Պիկոլի Միշել Փֆայֆեր Միրեյ Դարկ Միրեյ Մաթյո Միք Ջագեր Միքայել Թարիվերդիև Միքելանջելո Անտոնիոնի Միքի Ռուրք Մհեր Մկրտչյան Մոhսեն Մախմալբաֆ Մոնիկա Բելուչի Մոնիկա Վիտի Մորիս Շևալիե Մորիս Ռոնե Մուհամեդ Ալի Մուսա Յան Շվանկմայեր Յան Ֆլեմինգ Յասուձիրո Օձու Յոս Սթելինգ Յուլ Բրիներ Յուրի Գագարին Յուրի Նիկուլին Նագիսա Օսիմա Նատալի Փորթման Նարե Մկրտչյան Ներսես Հովհաննիսյան Նիկիտա Միխալկով Նիկոս Կազանձակիս Նինո Ռոտա Նիքոլ Քիդման Նկարահանման հրապարակ Նշանավոր զույգերը Նոյեմբերին ծնված հայտնիները Նոր ալիք Նումի Ռապաս Նուրի Բիլգե Ջեյլան ՆՓԱԿ Շանտալ Աքերման Շառլ Ազնավուր Շառլոթ Գենսբուր Շատ լավ ֆիլմեր [7.5] Շերոն Թեյթ Շոն Փեն Շոն Քոների Շուշան Փիրումյան Ուես Անդերսոն Ուիթ Սթիլման Ուիլ Սմիթ Ուիլեմ Դեֆո Ուիլյամ Շեքսպիր Ուիլյամ Ուայլեր Ուիլյամ Սարոյան Ումբերտո Էկո Ունա Չապլին Ուոլթ Դիսնեյ Չառլզ Բուկովսկի Չառլզ Բրոնսոն Չառլզ Դիքենս Չառլզ Չապլին Չառլի Չապլին Չեխական նոր ալիք Չեկի Կարիո Պաբլո Պիկասո Պաոլո Սորենտինո Պաուլո Կոելյո Պավել Արսենով Պեդրո Ալմոդովար Պենելոպա Կրուս Պիեռ Բարու Պիեռ Կարդեն Պիեռ Պաոլո Պազոլինի Պիեռ Ռիշար Պիեռ-Օգյուստ Ռենուար Պիետրո Մարչելո Ջանկառլո Ջանինի Ջարեդ Լեթո Ջեյմս Դին Ջեյմս Ստյուարտ Ջեյմս Քեմերոն Ջեյն Բիրկին Ջեյն Օսթին Ջեյսոն Շվարցման Ջեյսոն Ռոբարդս Ջեյք Ջիլենհոլ Ջենիս Ջոփլին Ջենիֆեր Լոուրենս Ջերալդին Չապլին Ջերեմի Այրոնս Ջեք Լոնդոն Ջեք Նիքոլսոն Ջեք Ուորներ Ջեքի Չան Ջեքի Քուգան Ջիմ Ջարմուշ Ջինա Լոլոբրիջիդա Ջինա Ռոուլենդս Ջո Բեռլինգեր Ջոան Վուդվորդ Ջոան Քրոուֆորդ Ջոզեֆ Լոուզի Ջոն Կասավետիս Ջոն Մալկովիչ Ջոն Սթեյնբեք Ջոն Տուրտուրո Ջոն Տրավոլտա Ջոն Ֆորդ Ջոնի Դեփ Ջոնի Հոլիդեյ Ջորջ Լուկաս Ջորջ Օրուել Ջորջո Սթրելեր Ջուդ Լոու Ջուզեպե Տորնատորե Ջուլիանա Մուր Ջուլյետա Մազինա Ռայներ Վերներ Ֆասբինդեր Ռաֆայել Ներսիսյան Ռաֆայել Պապովյան Ռեյ Բրեդբերի Ռենատո Սալվատորի Ռենե Կլեր Ռիդլի Սքոթ Ռիշարդ Բուգայսկի Ռիչարդ Աթենբորո Ռիտա Հեյվորթ Ռյունոսկե Ակուտագավա Ռոբ Մարշալ Ռոբեր Բրեսոն Ռոբեր Օսեյն Ռոբերտ դե Նիրո Ռոբերտ Զեմեկիս Ռոբերտ Ռեդֆորդ Ռոբերտ Ռոդրիգես Ռոբերտ Վինե Ռոբերտո Ռոսելինի Ռոբին Ուիլյամս Ռոզա Պետրոսյան Ռոլան Բարտ Ռոման Բալայան Ռոման Պոլանսկի Ռոմի Շնայդեր Ռոն Հովարդ Ռոս Բաղդասարյան Ռուբեն Գևորգյանց Ռուբեն Մամուլյան Ռուդոլֆ Վալենտինո Ռունի Մարա Ռուփերթ Էվերեթ Ռոք Հադսոն Սաթենիկ Հակոբյան Սաթյաջիտ Ռայ Սալվադոր Դալի Սարիկ Անդրեասյան Սեմ Մենդես Սեմ Պեկինպա Սեմուել Բեքեթ Սեպտեմբեր Սերգեյ Դովլաթով Սերգեյ Էյզենշտեյն Սերգեյ Իսրայելյան Սերգեյ Փարաջանով Սերժ Գենսբուր Սերջիո Լեոնե Սև հայելի Սթենլի Կուբրիկ Սթենլի Կրամեր Սթիվ ՄըքՔուին Սթիվեն Զաիլյան Սթիվեն Հոքինգ Սթիվեն Սոդերբերգ Սթիվեն Սփիլբերգ Սթիվեն Քինգ Սիդնի Լյումետ Սիլվի Վարդան Սիլվիա Պլատ Սիմոն Աբգարյան Սիմոնա դը Բովուար Սիմոնա Սինյորե Սինդբադ ՍինեՄիտք Սիրելի ֆիլմերի տասնյակն ըստ… Սլավոյ Ժիժեկ Սյուզան Զոնթագ Սոնա Կարապողոսյան Սոս Սարգսյան Սոսե Սոֆի Լորեն Սոֆի Մարսո Սոֆյա Կոպոլա Սվեն Նյուկվիստ Ստալկեր Սցենար Սփենսեր Թրեյսի Սքարլեթ Յոհանսոն Վալերիո Ձուրլինի Վահե Հակոբյան Վան Հեֆլին Վավերագրական ֆիլմեր Վարպետության դասեր Վել Էյվերի Վեյկո Իունպուու Վերա Խիտիլովա Վերներ Հերցոգ Վիկտոր Էրիսե Վիմ Վենդերս Վիվիեն Լի Վիտորիո դե Սիկա Վլադիմիր Բորտկո Վլադիմիր Կոսմա Վլադիմիր Վիսոցկի Վոնգ Կար-Վայ Վուդի Ալեն Վուդի Հարելսոն Տաթև Հովակիմյան Տակեշի Կիտանո Տեսանյութեր Տիգրան Նալչաջյան Տիեզերքի գաղտնիքները Տոնինո Գուերա Տոտո Ցնցող ֆիլմեր [9] Փիթեր Գրինուեյ Փիթեր Ուստինով Փիթեր Օ'Թուլ Փինք Ֆլոյդ Փոլ Նյումեն Փոլ Վերհովեն Քեյթ Բլանշեթ Քեյթ Բոսվորթ Քեն Լոուչ Քենեթ Բրանա Քերի Գրանտ Քըրք Դուգլաս Քըրք Դուգլաս և Ուիլյամ Ուայլեր Քըրք Քըրքորյան Քլինթ Իսթվուդ Քոլին Ֆերթ Քսավիե Դոլան Քվենտին Տարանտինո Քրիսթոֆեր Նոլան Քրիստիան Բեյլ Օդրի Հեփբերն Օլեգ Յանկովսկի Օլիվեր Թվիստ Օլիվեր Սթոուն Օլիվիա դը Հևիլենդ Օմար Շարիֆ Օուեն Ուիլսոն Օսիպ Մանդելշտամ Օսկար Ուայլդ Օրնելա Մուտի Օրսոն Ուելս Օրվա մեջբերումը Օրվա ֆիլմը Ֆաինա Ռանևսկայա Ֆանի Արդան Ֆեդերիկո Ֆելինի Ֆերնանդել Ֆիլիպ Կաուֆման Ֆիլիպ Նուարե Ֆիլմադարան Ֆոլկեր Շլյոնդորֆ Ֆոտոարխիվ Ֆրանկլին Ջ. Շաֆներ Ֆրանկո Ձեֆիրելլի Ֆրանսիական կինո Ֆրանսիս Վեբեր Ֆրանսուա Տրյուֆո Ֆրանց Կաֆկա Ֆրեդի Մերքյուրի Ֆրենկ Կապրա Ֆրենկ Սինատրա Ֆրենսիս Ֆորդ Կոպոլա Ֆրիդրիխ Վիլհելմ Մուրնաու Ֆրից Լանգ Ֆրունզե Դովլաթյան
false
ltr
item
KINOVERSUS: «Երիտասարդ Պապը». նա, ով կոտրում է կաղապարները
«Երիտասարդ Պապը». նա, ով կոտրում է կաղապարները
«Ես սիրում եմ Աստծուն, որովհետև մարդկանց սիրելը շատ ցավոտ է»։ «Երիտասարդ Պապը», ռեժ․՝ Պաոլո Սորենտինո
https://3.bp.blogspot.com/-BKH3TfiyBvE/WWIMgBTBWlI/AAAAAAAAPN0/JI5AaaTWLj0MXwYeHoK9g2V0c1XRzIZvwCLcBGAs/s640/young-pope.jpg
https://3.bp.blogspot.com/-BKH3TfiyBvE/WWIMgBTBWlI/AAAAAAAAPN0/JI5AaaTWLj0MXwYeHoK9g2V0c1XRzIZvwCLcBGAs/s72-c/young-pope.jpg
KINOVERSUS
https://www.kinoversus.com/2017/07/paolo-sorrentino-the-young-pope.html
https://www.kinoversus.com/
https://www.kinoversus.com/
https://www.kinoversus.com/2017/07/paolo-sorrentino-the-young-pope.html
true
7755589357207652495
UTF-8
Ոչինչ չի գտնվել ԴԻՏԵԼ ԱՄԲՈՂՋԸ Կարդալ ավելին Պատասխանել Չեղարկել Ջնջել Հեղինակ Գլխավոր ԷՋԵՐ ՆՅՈՒԹԵՐ Դիտել ամբողջը ԿԱՐԴԱՑԵՔ ՆԱԵՎ ԹԵՄԱ ԱՐԽԻՎ SEARCH ԲՈԼՈՐ ՆՅՈՒԹԵՐԸ Ոչինչ չի գտնվել Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec հենց նոր 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Հետևում են Հետևել ՍԱ ՊՐԵՄԻՈՒՄ ՆՅՈՒԹ Է Տարածիր նյութը բացելու համար Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy