Ալֆրեդ Հիչքոկ. սասփենսի անկրկնելի արքան


«Հրապարակորեն մերկացող կինն ինձ հիշեցնում է ռեժիսորի, ով ֆիլմի հենց սկզբում բացահայտում է հանգուցալուծումը»։ Ալֆրեդ Հիչքոկ


Գրեյս Քելլի և Ալֆրեդ Հիչքոկ
«Հաջողությունն ամեն ինչ է: Իմ հաջողության գաղտնիքն այն է, որ վախկոտ եմ, ծնվել եմ այդպիսին, գերզգայուն եմ վախի հանդեպ, քանզի սուպերհերոսն ի վիճակի չէ նկարահանել լավ սարսափ-ֆիլմ»․ այս խոսքերից հետո ծնունդով անգլիացի, բայց ամերիկյան նշանավոր ռեժիսորի մասին կարծիքը կարող է լիովին փոխվել։ Ոչ սովորական մտածելակերպով՝ սասփենսի «արքան» իր տեղն է գտել ոչ միայն ամերիկյան սարսափ-ֆիլմերի շարքում, այլև առհասարակ ամերիկյան կինոյի աշխարհում՝ բերելով նոր ոճ, կերպարներ և, իհարկե, իսկական կինո: Սակայն Հիչքոկը հետաքրքիր ու հիշվող էր ոչ միայն իր ներքին բնույթով, այլև ֆիզիկապես տարբերվում էր մյուս ռեժիսորներից. գեր, ճաղատ մի մարդ, ով ճարպակալում էր ամսեամիս, և դա նրան չէր անհանգստացնում: Ուներ տարօրինակ կառուցվածք և դեմքի այնպիսի արտահայտություն, ասես նրան ոչինչ չէր խանգարում երջանիկ լինելու համար, և կատարում էր այնպիսի գործողություններ, որ նույնիսկ Անգլիայի թագուհին չէր համարձակվի: Իսկ ֆիլմե՜րը... նրա ֆիլմերը լի էին հետաքրքիր գեղարվեստականությամբ, որտեղ առանձնացված էին դետեկտիվն ու թրիլերը (սարսափի առավել բարդ տարբերակը), որոնք, միախառնվելով, փոխազդում էին՝ դառնալով այնպիսի մի խառնաշփոթ, որ նույնիսկ ինքը՝ Հիչքոկը չգիտեր, թե ի՞նչ է լինելու հետո:

«Պսիխո» ֆիլմի նկարահանման հրապարակում
Ահա, կարծես թե, դերասանները կան, նկարահանման տաղավարը տեղում է, նա հասցրել է ուտել իր սիրելի տապակած փոքրիկ հավը, խմել սուրճը, մտածել տարօրինակությունների մասին և նույնիսկ հասցրել է վախենալ ոստիկաններից, ովքեր հայտնվում էին նրա ամեն մի նկարահանումից առաջ: Սա էլ իր մութ պատմությունն ուներ, ինչպես նրա ֆիլմի հերոսներինն է։ Սակայն նա չի հասցրել անել ամենակարևորը, ամենանշանակալիցը ֆիլմում՝ ավարտել սցենարը, առանց որի ֆիլմը ֆիլմի չէր վերածվի, ավելի ճիշտ՝ հիչքոկյան ֆիլմը ֆիլմի չէր վերածվի. «Մեծ ֆիլմ նկարահանելու համար անհրաժեշտ է երեք բաղկացուցիչ՝ սցենար, սցենար և կրկին սցենար»։ Այս պատճառով է, որ նա չգիտեր, թե ի՞նչ է լինելու հետո, ինչպե՞ս է փրկվելու ստախոս և գող Մարնին, ով փայլում է իր գեղեցկությամբ՝ այդպիսով, սառը վերաբերմունք ցուցաբերելով ուրիշների հանդեպ («Մարնի»), ի՞նչ է լինելու երկակի կյանքով ապրող, կարծես մետամորֆոզի վերածված Նորմանի հետ, ով գտնվում է ճաղերի ետևում, բայց և չի զրկվել իր միակ դժբախտությունից («Պսիխո»), կամ էլ՝ երկու ընկերների հետ, ովքեր դիակը պահում են արկղում, և այդ արկղը վերածվում է ավանդական երեկույթի մի սեղանի, որտեղից բազմաթիվ մարդիկ ուտելիք ու վիսկի են վերցնում («Պարանը»), և նման շատ ու շատ կերպարներ և իրադարձություններ․․․ Նրա ֆիլմերը հասկանալու համար նախ պետք է ճանաչել հեղինակին՝ սըր Ալֆրեդ Հիչքոկին, և այս առումով հարկավոր է նկարագրել նրա կյանքում ճակատագրական դարձած դեպքը, որը հետագայում հետք թողեց նրա ֆիլմերում։

Գլուխ առաջին

(Հիչքոկը նկարագրում է իր մանկությունը)

1

Ալֆրեդ Հիչքոկ և Շոն Քոների
Երբ արևի շողերն ընկնում են Անգլիայի քաղաքներից կամ փողոցներից որևէ մեկի շենքերին և սկսում ծավալվել, անգլիացիները ապշանքով ու հիացմունքով են նայում այդ դեղին ու պայծառ Հելիոսին, որ կարծես քիչ առաջ էր հրաժեշտ տվել Սելենեին՝ լուսնի աստվածուհուն։ Հելիոսը ժպտում է մռայլ ու անձրևոտ երկնքին, իսկ Անգլիան արթնանում է ամեն մի փողոցում։ Սկսվում է ուրախ իրարանցումը, փողոցի ամեն մի անկյունում առևտրական շունչն է, որի ելևէջները լսվում են նաև Լեյթոնսթոունում։ Ահա շենքերից մեկը, որի երկրորդ հարկում, թիվ 517 տանը, ապրում է Հիչքոկների ընտանիքը։ Առևտրական հայրը՝ Ուիլյամ Հիչքոկը հենց շենքի ներքևում վաճառում էր միրգ ու բանջարեղեն, իսկ մայրը՝ Էմմա Հիչքոկը այդ տարօրինակ ընտանիքում (քանզի Ալֆրեդի հայրը, ինչպես հայտնի է, նույնպես ունեցել է ոչ սովորական, այսպես կոչված, այլընտրանքային մտածողություն) միակն էր, ով ուներ հանգիստ բնավորություն, սիրում էր տնային աշխատանքը և, Ալֆրեդի հուշերի համաձայն, շատ համեղ էր պատրաստում, ինչը վերջինիս մեծ հաճույք էր պատճառում։ «Աշխատանքի գնալիս,- վերհիշում է Հիչքոկը,- հայրս հագնում էր իր սև, փայլուն կոստյումը, որի տակից շողեր էր արձակում ճերմակ վերնաշապիկը, իսկ այն զարդարում էր սև փողկապը»։ (Հետագայում մենք կնկատենք, որ Ալֆրեդ Հիչքոկը հետևում էր իր հոր հագուստի ոճին ու սև կոստյումից բացի՝ ուրիշ ոչինչ չէր կրում)։ 

«39 աստիճան» ֆիլմի նկարահանման հրապարակում
Ալֆրեդը միակ երեխան չէր ընտանիքում, կային նաև քույրը՝ Էլենը և եղբայրը՝ Ուիլյամը։ Ահա, կարծես թե, հայրը աշխատանքի է շտապում։ Մի պահ պատկերացնենք այս տեսարանը։ «Գունավոր» մարդկանց իրարանցման մեջ անշտապ քայլերով ընթացող մի «սև» մարդ, դեմքին սարսափի ոչ մի նշույլ (թեպետ տեսարանն ինքնին սարսափի նախանշաններով է)՝ գնում է աշխատանքի։ Նա նույնիսկ համարձակվում է ողջունել մի ոստիկանի, ումից ամենևին չի վախենում (Հիչքոկ կրտսերն իր ամբողջ կյանքի ընթացքում վախեցել է ոստիկաններից ու բանտերից, քանզի նրան 5-6 տարեկան հասակում բանտ են նստեցրել ու երևակայական երկյուղի արմատները բխում են այդ միջադեպից, կար նաև վախը գծավոր (հորիզոնական և ուղղահայաց) ստվերների հանդեպ, ինչը հրաշալիորեն նկարագրված է նրա «Կախարդվածը» ֆիլմում։ «Չեմ հասկանում, թե ի՞նչ էի արել այն ժամանակ, որ ոստիկաններն ինձ բանտ էին նստեցրել,- վերհիշում է Հիչքոկը՝ համարելով, որ դա իր տարօրինակ վախերից մեկն է):

Վինսենթ Փրայս և Ալֆրեդ Հիչքոկ
Սակայն կյանքի այս փուլն էլ մի օր ավարտվեց։ Հիչքոկները տեղափոխվեցին Լայմհաուս, որը ժամանակին եղել էր ամենահրաշալի, զուտ անգլիական քաղաքներից մեկը, որտեղով հոսում էին գետեր, որտեղ բնությունը գեղեցիկ էր ու ներդաշնակ։ Եվ ահա նրանց տեղափոխվելու ընթացքում պատկերված իրականությունը. գետը դեռ հոսում էր իր դժբախտ գոյության հետ միասին, հոսում էր աղբերի ու ցեխերի վրայով, իսկ կողքին սև, ծխացող գործարաններն էին, որտեղից քիմիական վառելիքի հոտ էր փչում։ Անգլիայի հրաշալի Լայմհաուսը, ուր տեղափոխվելիս Հիչքոկն իրեն լիովին անգլիացի էր պատկերացնում, վերածվել էր «տեղի մարդկանց նման կեղտոտ ու գռեհիկ, լքված մի տարածքի, որտեղ ամեն ինչ մեռած էր»։ Հիչքոկը այդ ժամանակ 7 տարեկան էր, և 1906թ-ն էր։ Ուիլյամ Հիչքոկի աշխատանքն ընթանում էր իր հունով, և նրա սիրելի Ֆրեդը կամ Էլֆին (ինչպես ծնողներն էին Հիչքոկին անվանում) ինչ-որ չափով օգնում էր նրան՝ դրա համար ստանալով գրոշներ և դրանք ծախսելով սրճարաններում կամ մյուզիք-հոլերում, որտեղ էլ ձևավորվում էր նրա աշխարհայացքը, նրա մտածված իրական կյանքը։ Բայց այս խրախճանքները երկար չտևեցին։ Երբեք չարտասվող, սակայն լացի հասնող վախը սրտում լռությամբ կրող Հիչքոկի կյանքը փոխվեց, ինչպես մարդու՝ հոգևոր ցնցումներից հետո խախտվող տեսությունը։ Նա տեղափոխվեց սբ. Իգնատիոսի ճիզվիտների քոլեջ։ Ճիզվիտները, ովքեր կաթոլիկ եկեղեցու վանականներն էին, մեծ հեղաշրջում կատարեցին ինչպես եվրոպական շատ երկրներում, այնպես էլ Հիչքոկի հոգեբանության մեջ։

«Պատուհան դեպի բակ» ֆիլմը նկարահանելիս
Ճիզվիտականությունն ուղղություն էր, որը ձևավորվել էր դեռևս 1534թ-ին և հաստատվել էր 1773-1840թթ-ներին։ Ճիզվիտներն ակտիվորեն մասնակցում էին գիտական ու մանկավարժադաստիարակչական աշխատանքներին, և շատ երկրներում, ինչպես նաև Անգլիայում, ստեղծել էին քոլեջներ, որտեղ բավականին խիստ էին վերաբերվում աշակերտներին՝ փորձելով նրանց վերածել դիլետանտների ու կրոնական «վախկոտների»։ «Այնտեղ տիրում էր խստացված կարգապահություն,- հիշում է Հիչքոկը,- և անգամ փոքրիկ խախտման դեպքում պատժում էին ռետինե փայտով»: Կարելի է ասել՝ հենց ճիզվիտները (լատիներենից թարգմանաբար նշանակում է «երկերեսանի») պատճառ հանդիսացան, որ Հիչքոկի բնավորության մեջ ձևավորվի վախը բարոյական հատկանիշների հանդեպ, այսինքն՝ վախը դեպի սեփական անձը ( ֆիզիկական), որն ինչ-որ չափով անձնական մեղքի հատուցման նման էր։ «Ես վախենում էի թե՛ ոստիկաններից, թե՛ հայր ճիզվիտներից, թե՛ ֆիզիկական տանջանքներից» (որոնց հոգեբանական հիշողությունները դարձան նրա գիրության պատճառը)։ Հիչքոկի ֆիլմերը դիտելիս պարզ է դառնում, որ նրա կինոարվեստի արմատները դրանից են սերում։ Այդուհանդերձ, ճիզվիտյան քոլեջում ուսուցումը Հիչքոկին, կարծես թե, դուր էր գալիս, քանզի այնտեղ նա սովորում էր մաթեմատիկա, ֆրանսերեն, ինչպես նաև երգեցողություն ու ընդհանուր էթիկա։ Այդտեղից էլ ծագում է ազատված լինելու հաճույքը՝ մեղքի զգացումից ազատված լինելու։ Քոլեջը, ի թիվս այլ դաստիարակչական մեթոդների, ուներ հետևյալ կարգախոսը․ «Տվեք մեզ ձեր տղային, և մենք նրան տղամարդ կդարձնենք»։

Ինգրիդ Բերգման և Ալֆրեդ Հիչքոկ
Հիչքոկը ամեն ինչում հանդիսանում էր կարգապահության և մաքրության մարմնացում։ Քոլեջում նա 343-րդ համարի ներքո էր, բայց դա նրան չէր խանգարում լինել երրորդական կամ երկրորդական դերում (ի զարմանս շատերի՝ առաջին տեղում չէր սիրում լինել․ «Առաջին տեղում,- վերհիշում է նա,- բոլորն են ձգտում լինել, իսկ ես բոլորը չեմ, բոլորն եմ իմ մեջ»)։ Քանզի Հիչքոկը ծնվել էր կաթոլիկ ընտանիքում և սովորում էր դաստիարակչական- կաթոլիկական քոլեջում, որտեղ ավելի շատ հոլանդացիներ կային, քան անգլիացիներ, նա իրեն միայնակ էր զգում այդ շրջանում (դիցաբանական արմատներում գոյություն ունի «միայնակության ու լքվածության թախիծը», որին հետևում էին հունական բոլոր աստվածները, և այդ ամենը զգալուց հետո մարդն ավելի զգայունակ ու միաժամանակ զորեղ է դառնում, քանզի դրա աշխարհընկալումը պարզ է, հասկացությունը՝ բարդ), ինչից էլ ձևավորվում են նրա վախը սեփական անձի հանդեպ (ինչպես տեսնում ենք՝ Հիչքոկն իր աշխարհընկալմամբ է ճանաչել իր շրջապատը) և ատելության զգացումն ինքն իր նկատմամբ։ Այս առումով՝ նա ապրում էր հոգևոր կյանքով (ճանաչում էր աշխարհը) և անհարմարավետության զգացումով համակված։ Հիչքոկն ուներ իր երկրորդ կյանքը. նա շրջագայող էր։ Մանկության տարիներին նրա մահճակալի կողքին գտնվող աթոռին կարելի էր նկատել ճանապարհորդական և քարտեզագրական գծանկարներ, որոնց վերնագիրն էր «Անգլիան և իր փողոցները»։ Հիչքոկը ճանապարհորդում էր ոչ հետիոտն (ինչը զարմանալի էր), նա ամենևին չէր տեսել անգլիական խուլ քաղաքները և վարչական տարածքները, որոնց ճանապարհներն ու երթուղիներն անգիր գիտեր։ Նա նստում էր իր փափուկ բազմոցին և, քարտեզին նայելով, կարողանում էր մտովի տեղափոխվել տվյալ վայրը, իսկ պատկերացումները (ստուգելու ժամանակ) ճիշտ հաշվարկներ էին տալիս։

Սալվադոր Դալիի հետ՝ «Կախարդվածը» ֆիլմը նկարահանելիս
Հիչքոկը, սակայն, այլ ունակությամբ էլ էր օժտված. նա հաշվում էր կիլոմետրերը՝ ամենևին չիմանալով տվյալ քաղաքի տարածքը՝ մինչև իր գտնվելու վայրը, այնուհետև, ստուգելով, զարմանում էր, որ իր եղանակով հաշվարկված կիլոմետրերը ճշգրիտ էին ստացվում։ Նա ընդամենը 3 տարի է անցկացնում ճիզվիտյան քոլեջում։ Նա հետևողական էր, և առավելապես՝ կինոյի ու դրա ֆանտաստիկ աշխարհի նկատմամբ։ Նա ծանոթանում է Դևիդ Ուորք Գրիֆիթի ռեժիսորական փայլատակումներին, Դուգլաս Ֆերբենքս կրտսերի, Հարոլդ Լլոյդի և Մերի Փիքֆորդի կինոգործունեությանը։ Ի թիվս նրա ինքնակրթական այլ հիշատակումների՝ կարելի է նշել, որ 14 տարեկան հասակում նա բացահայտեց Չապլինի հանճարեղ կինեմատոգրաֆը՝ դիտելով անգլիական կինոթատրոնների մեծ էկրանին, իսկ ամենակարևոր հայտնագործությունը, որը հետագայում արտահայտվելու էր նրա ամբողջ կինոմատենաշարում, Էդգար Պոյի ֆանտաստիկ, դետեկտիվ-միստիկական աշխարհն էր, որին Հիչքոկը հետևում է իր ողջ բանական կյանքի ընթացքում։

Կիմ Նովակի հետ՝ «Գլխապտույտ» ֆիլմը նկարահանելիս
Պոյի կախարդությունը արտահայտված է ավելի շատ «Սպանություն Մորգ փողոցում» դետեկտիվ դրամայում, որտեղ վառ էր արտացոլվել Հիչքոկի նախընտրած հետապնդումը։ Նա սիրում էր ընթերցել կինոթերթեր, որտեղ ծանոթանում էր հոլիվուդյան «վերածննդին»՝ իր համար, այդպիսով, ընտրելով նաև այն դերասաններին, ում նկարահանելու էր իր գալիք ֆիլմերում։ Իհարկե, Հիչքոկը համոզված էր, որ իր կինոկարիերան, անկասկած, դետեկտիվ-սարսափ բնույթ էր ունենալու։ Ճիզվիտյան «սևացած» գիտելիքներից հետո նա որոշում է սովորել Լոնդոնի համալսարանում՝ ուսումնասիրելով ճարտարապետություն և գեղանկարչություն։ Սա հետագայում հիմք է դառնում, որ նա ավելի պրոֆեսիոնալ մակարդակով առնչվի ոչ միայն գեղանկարչությանը, այլև ծանոթանա և համագործակցի Սալվադոր Դալիի հետ՝ վերջինիս տաղանդն օգտագործելով իր «Կախարդվածը» ֆիլմում, որտեղ Դալին պատկերել ու ձևավորել է գլխավոր հերոս Ջոն Բալանթայնի (ում դերը խաղացել է Գրեգորի Պեկը) երազը։ Հիչքոկի՝ գեղարվեստով լի կյանքը, ցավոք, երկար չտևեց։ Սկիզբ առան վախի ու բռնկումների իրական պատկերները, սակայն ոչ միայն Հիչքոկի կյանքում, այլև ողջ աշխարհի և մարդկության համար։ Սկսվեց Առաջին համաշխարհային պատերազմը։

2

«Մարնի» ֆիլմը նկարահանելիս
Առաջին համաշխարհային պատերազմը սկսվեց 1914թ-ի օգոստոսի 1-ին, երբ Հիչքոկն ընդամենը 15 տարեկան էր։ Սակայն մինչ նրա՝ այդ ժամանակաշրջանի գործողություններին անդրադառնալը կարելի է վերհիշել պատերազմի պատճառները, որոնք մեծ հետք թողեցին, մասնավորապես, Անգլիայի պատմության վրա։ Այն ժամանակ, երբ Հիչքոկը որոշեց որպես կամավորական մասնակցել պատերազմին և մեկնեց զինվորագրման, արդեն ձևավորվել էին միմյանց թշնամի ռազմաքաղաքական խմբավորումները՝ Անտանտը (թարգմանաբար նշանակում է «համաձայնություն»), որի կազմում էին Անգլիան, Ֆրանսիան, Ռուսաստանը, և Եռյակ միությունը՝ Գերմանիան, Ավստրո-Հունգարիան, Իտալիան (հետագայում ընդգրկվեց նաև Թուրքիան)։ Հիմնական պատճառը տնտեսական իմպերիալիզմն էր (որի զարգացմանը գերակայություն էր տվել Ջոն Հոբսոնը (1902թ), իսկ ավելի ուշ՝ նաև Լենինը (1916թ), սա կայսերապաշտություն էր, մոնոպոլիստական կապիտալիզմ, և վտանգում էր երկրների միջև շուկայական սպառումը․ խթան էին հանդիսանում նաև իմպերիալիզմը զարգացնող գաղութատիրությունը, ֆինանսական կապիտալը և բանկային ու արդյունաբերական հումքը), ինչն էլ իր հերթին հանգեցնում էր մյուս պատճառին՝ եվրոպական տերությունների դաշնային պարտավորությանը։ Կարճ ասած՝ Առաջին համաշխարհային պատերազմի պատճառը հիմնականում մոնոպոլիստների զարգացումն էր, նրանց, ովքեր անօրինական առևտրով էին զբաղված և այդ ճանապարհով ֆինանսական հրաշալի տվյալներ էին ձեռք բերում՝ վնասելով այս կամ այն երկրի ֆինանսական ու տնտեսական կայունությանը։

«Թռչունները» ֆիլմի նկարահանման հրապարակում
Ինչևէ, անդրադառնանք իր տարիքից ավելի մեծ երևացող Հիչքոկին (տարիքից ավելի մեծ երևալու պատճառը գիրությունն էր), ում տարիքային անհամապատասխանությունը նկատեց նաև անդամագրման կոմիտեն։ Ճակատամարտ, ցավոք (կամ էլ՝ բարեբախտաբար), մեկնել չհաջողվեց, բայց 15-ամյա Հիչքոկին հաջողվեց տեղափոխվել արգելոց, որտեղ նա ջանասիրաբար պայթուցիկ նյութերն էր ուսումնասիրում։ Երբեմն կարողանում էր տուն գնալ և ճանապարհին երկնքում նկատում էր բազմաթիվ ուղղաթիռներ, որոնք սև էին, ինչպես ագռավները (սա նրան հետագայում ոգեշնչեց «Թռչունները» ֆիլմը ստեղծելիս)։ Պատերազմն ավարտվում է 1918թ-ի նոյեմբերին՝ Անտանտի հաղթանակով։ Ինչպես ամերիկյան կապիտալն է ներթափանցում Եվրոպա, այնպես էլ Հիչքոկի կյանքում, դժվար ու ծանր օրերից հետո, սկսվում է ոչ միայն ներթափանցումը կինոաշխարհ, այլև, 1921թ-ին, գործնական քայլերը Paramount ընկերությունում, որտեղ նա փորձում է գտնել իր տեղը և քարտեր է նկարում (հիշենք Լոնդոնի ճարտարապետության և գեղանկարչության համալսարանը) ֆիլմերի տիտրերի համար։

Ալֆրեդ Հիչքոկը թոռնիկների հետ
Մի անգամ, արդեն 1925թ-ին, երբ Հիչքոկն ավարտում է իր «Վայելքների այգին» ֆիլմը, և այն  էկրան է բարձրանում, նա նկատում է իր անունը լրագրերից մեկում, որտեղ անգլիական հայտնի «Դեյլի Էքսպրեսը» նրան անվանում էր «Երիտասարդ, բայց առյուծի տվյալներով»։ Հիչքոկը քմծիծաղում է (որովհետև գուշակում էր, որ հաջողության է հասնելու), լրագիրը դնում է մի կողմ և, գլուխը հենելով, փորձում է մտածել։ Մտքում ինչ-որ հյուրանոցներ են, սերիական մարդասպան՝ ձեռքին դիմակ, ոսկենման ինչ-որ երևույթներ կամ իրեր, և այդպես՝ 1926թ-ին Հիչքոկն իր երևակայությունն իրականության է վերածում՝ ստեղծելով «Բնակիչը» ֆիլմը։ Այս ֆիլմից հետո է, որ Հիչքոկը նկարահանում է բացառապես դետեկտիվ-միստիկական ժանրի ֆիլմեր, որոնք համեմում էր ( ինչպես իր սիրելի տապակած հավին) սարսափով, կադրերի այլաբանությամբ, սիմվոլներով։ Ֆիլմը պատմում է լոնդոնյան մի դեպքի մասին, երբ բացահայտվում է նոր սերիական մարդասպան, ով գիշերը սպանում էր երիտասարդ շիկահերներին՝ հանցագործության վայրում թողնելով գրություն՝ «Վրիժառու»։ Սպանությունները շարունակվում են ամեն գիշեր, մի նոր շիկահեր է զոհվում, և այդ ժամանակ փոքրիկ հյուրանոցում, որը կառավարում էին ամուսիններ՝ իրենց շիկահեր դստեր հետ, հայտնվում է համակրելի արտաքինով, գեղեցիկ դիմագծերով մի երիտասարդ, ում դեմքին վիշտ ու նյարդային ցնցումների հետքեր էին երևում։ Տանտերերը նրան համակրում են և սիրալիր ընդունելություն են կազմակերպում մինչև այն պահը, երբ երիտասարդը սկսում է տարօրինակ վարքագիծ դրսևորել։ Թվում էր՝ ամեն ինչ լավ էր, նա ուներ գումար, բարեհաջող տեղավորվել էր հյուրանոցում, զբաղեցրել էր ամենաճոխ ու գեղեցիկ սենյակներից մեկը և որևէ պատճառ չուներ իրեն այդպես պահելու։ Մինչդեռ պատճառը պատին էր փակցված, այն էլ՝ ոչ թե մեկը, այլ մի քանիսը։ Հյուրը պատի վրա նկատում է շիկահերների բազմաթիվ լուսանկարներ, որոնք, հերթով պոկելով, դուրս է տանում՝ դրանց նայելով ատելությամբ ու զայրացկոտությամբ։ Ամուսինների կասկածները մեծանում են, և այդ ժամանակ հայտնվում է շիկահեր Դեյզին՝ նրանց դուստրը, ու նկարները տեղափոխում է սենյակից։ Մայրն անհանգիստ է (Հիչքոկը հրաշալի է պատկերել արագորեն շարժվող մոր՝ սարսափից մոլորված աչքերը)։ Հետո երևան է գալիս աղջկա սիրեցյալը՝ երիտասարդ ոստիկան Ջոն, ում հանձնարարված էր փնտրել մարդասպանին։ Նա նկատում է բնակչին, ապա լսում է ծնողների կասկածներն այն մասին, թե իրենց դուստրն ու նոր բնակիչը սիրեցյալներ են, և սկսում է ուշադիր հետևել բնակչին։

Հիչքոկը Life ամսագրի շապիկին
Հաջորդաբար հայտնվում են կասկածելի ու «անհարմարավետ» կադրեր. ահա, կարծես թե, ոստիկան Ջոյին հաջողվում է համոզել բնակչին, որ նա ի դերև հանի պայուսակում թաքցրածը, քանզի այդ գիշեր կրկին սպանություն էր տեղի ունեցել։ Ամեն ինչ բացահայտվում է, սակայն բնակիչը փորձում է փախչել, իսկ աղջիկը, չդիմանալով ցավին, գնում է նրա ետևից, և նրանք որոշում են թաքնվել մարդաշատ մի վայրում՝ սրճարանում։
Այստեղ նկատում ենք լրագիր ընթերցող մի մարդու, ով այս պատմության հետ գրեթե ոչ մի կապ չունի, բայց եթե ուշադիր նայենք, կնկատենք, որ նա ոչ այլ ոք է, քան Ալֆրեդ Հիչքոկը, ով հետագայում ևս դիմում էր նման տարօրինակ հնարքների։ Նա, հորինելով պատմությունը, հայտնվում էր այնտեղ՝ առնչություն ու հաղորդակցություն չունենալով (հետագայում նրան կտեսնենք «Կախարդվածը» ֆիլմում, «Պսիխոյում», «Թռչուններում», «Մարնիում» և «Ընտանեկան դավադրությունում», որտեղ նրա սիլուետն է երևում. նա վիճում է ընկերոջ հետ «Ծնելիության ու մահացության բաժանմունքի» դռան ետևի պատուհանից)։

Թիփի Հեդրեն և Ալֆրեդ Հիչքոկ
Ինչևէ, բնակիչը շղթաներով է, սակայն նրան չեն ձերբակալում, քանզի ոստիկանությունից հայտնում են, թե «մարդասպանին» գտել են։ Բնակիչը, ամուսնանալով Դեյզիի հետ, հեռանում է։ Վերջին կադրում, երբ նա գրկել էր իր շիկահեր կնոջը, նկատվում է նրա սարսափելի, չարությամբ լի հայացքը, որն ուղղված էր Դեյզիի մազերին... Եվ ամեն ինչ պարզ է դառնում։ Հիչքոկը, երբ քարտեր էր նկարում լուսագրումների համար և միաժամանակ սցենարի ու կինոարվեստի դրույթներն էր ուսումնասիրում, «Բնակիչը» ֆիլմի սցենարն անձամբ է գրում՝ նյութը հեշտությամբ գտնելով (քանզի պատկերները վաղուց գծագրվել էին մտքում) Մարի Բելոք Լաունդեսի «Ո՞վ է նա» վեպում։ Գլխավոր հերոսի փնտրտուքով նա բազմիցս էր շրջել նկարահանման տաղավարներում և գտել էր մի դերասանի, բայց ոչ թե այնտեղ, այլ մյուզիքլներում՝ հանրության սիրելի արտիստ Այվոր Նովելոյին, ում Հիչքոկը մեծ ջանքերով վարպետացրեց իր ոչ երաժշտական ֆիլմի համար։ Նովելոն դժվարությամբ էր ընկալում իր բացասական կերպարը, նա պետք է բարի ու մարդասեր հերոսից վերածվեր վրիժառու մարդասպան մոլագարի, ով որսում էր շիկահերներին։ Արդյունքը, բնականաբար, գերազանց էր։

Ալֆրեդ Հիչքոկ. սասփենսի անկրկնելի արքան (մաս երկրորդ)

Հասմիկ Կարապետյան

ՄԵԿՆԱԲԱՆՈՒԹՅՈՒՆՆԵՐ

[ԽՄԲԱԳՐԻ ԸՆՏՐՈՒԹՅՈՒՆԸ]$type=one$count=3$meta=0$hide=home$label=0

Имя

«Ամարկորդ» «Բիթլզ» «Զարե» «Լուսավոր ապագան» «Կին» փառատոն «Կինոարվեստ» մատենաշար «Հայֆիլմ» «Նռան գույնը» «Սոսե» «Օսկար» 20֊ականներ 30-ականներ 40-ականներ 50-ականներ 60-ականներ 70-ականներ 80֊ականներ 90֊ականներ Adami BBC Disney GAIFF Pro Kinoversus VQuick հավելված Աբաս Քիարոսթամի Ագաթա Քրիստի Ագնեշկա Հոլանդ Ադել Ալ Պաչինո Ալան Փարքեր Ալբեր Քամյու Ալբերտ Էյնշտեյն Ալեխանդրո Գոնսալես Ինյարիտու Ալեն Գրանժերար Ալեն Դելոն Ալեն Ռենե Ալեքսանդր Դովժենկո Ալիս Գի-Բլաշե Ալիսիա Վիկանդեր Ալֆրեդ Հիչքոկ Ակի Կաուրիսմյակի Ակիրա Կուրոսավա Աղասի Այվազյան Ամերիկյան կինոքննադատների ազգային խորհուրդ Ամերիկյան ֆիլմերի ցուցաշար Այցեքարտ Անահիտ Հակոբյան Անդրե Մորուա Անդրեյ Զվյագինցև Անդրեյ Կոնչալովսկի Անդրեյ Պլախով Անդրեյ Տարկովսկի Անիտա Էկբերգ Անյես Վարդա Անն Վյազեմսկի Աննա Կարինա Աննա Մանիանի Աննա Մելիքյան Աննի Ժիրարդո Անուկ Էմե Անուշ Բաբայան Անջեյ Ժուլավսկի Անջեյ Վայդա Անտոն Դոլին Անտոնիո Բանդերաս Անրի Վերնոյ Անրի-Ժորժ Կլուզո ապրիլ Առնո Բաբաջանյան Ավա Գարդներ Ավետիք Իսահակյան Ավրորա Մարդիգանյան Ատոմ Էգոյան Արա Գյուլեր Արամ Ավետիս Արամ Խաչատրյան Արամ Հակոբյան Արամ Պաչյան Արարատ Արգելված կինոարվեստ Արթուր Մեսչյան Արման Հարությունյան Արման Մանարյան Արմինե Նազարյան Արտակ Մարգարյան Արտավազդ Փելեշյան Բասթեր Կիտոն Բարձրորակ կինո [8] Բեթ Դևիս Բելա Տարր Բեն Աֆլեք Բեն-Հուր Բենեդիկտ Քամբերբեթչ Բենեթ Միլլեր Բեռնարդո Բերտոլուչի Բերթ Լանկաստեր Բերտրան Բլիե Բիբի Անդերսոն Բիլ Մյուրեյ Բիլլի Ուայլդեր Բլեյք Էդվարդս Բոբ Ֆոսի Բորիս Կաուֆման Բրայան Սինգեր Բրեդ Փիթ Բրիջիտ Բարդո Գաբրիել Գարսիա Մարկես Գայանե Թադևոսյան Գեորգ Վիլհելմ Պաբստ Գերի Քուփեր Գերի Օլդմեն Գիլյերմո դել Տորո Գիտահանրամատչելի ֆիլմեր Գիտաֆանտաստիկ կինո Գլխավոր Գլուխգործոցներ [10] Գյունտեր Գրաս Գոդֆրի Ռեջիո Գրախոսական Գրեգորի Պեկ Գրետա Գարբո Գրիգորի Կոզինցև Գրողները կինոյում Դալթոն Տրամբո Դալիդա Դակոտա Ֆանինգ Դանիել Բըրդ Դանիել Դարիո Դասթին Հոֆման Դարեն Արոնոֆսկի Դարիո Արջենտո դեկտեմբեր Դեն Բրաուն Դենի Վիլնյով Դենիզ Գամզե Էրգյուվեն Դերասանի վարպետություն Դևիդ Բոուի Դևիդ Լին Դևիդ Լինչ Դևիդ Ուորք Գրիֆիթ Դևիդ Քրոնենբերգ Դևիդ Օուեն Ռասել Դևիդ Ֆինչեր Դիանա Կարդումյան Դիմանկար Դինո Բուցցատի Դինո Ռիզի Դմիտրի Կեսայանց Դյուկ Էլինգթոն Դոն Կիխոտ Դոնալդ Սազերլենդ Դուգլաս Ֆերբենքս Եժի Կավալերովիչ Եվա Գրին Եվրոպական կինոակադեմիա Երիտասարդական կինոալիք Երկխոսություն Էդդի Ռեդմեյն Էդիտ Պիաֆ Էդվարդ Նորթոն Էդրիան Բրոուդի Էլեն Հակոբյան Էլթոն Ջոն Էլիա Կազան Էլիզաբեթ Թեյլոր Էլլա Ֆիցջերալդ Էլվիս Փրեսլի Էմի Ադամս Էմիլ Զոլա Էմիլի Բլանթ Էմիլի Դիքինսոն Էմիր Կուստուրիցա Էյզենշտեյն Էնդի Ուորհոլ Էնթոնի Հոփքինս Էնթոնի Քուին Էնիո Մորիկոնե Էննի Լեյբովից Էնրիկա Անտոնիոնի Էռնեստ Հեմինգուեյ Էռնստ Լյուբիչ Էտալոն 11 Էտորե Սկոլա Էրիկ Կլեպտոն Էրիկ Ռոմեր Թենգիզ Աբուլաձե Թենեսի Ուիլյամս Թեո Անգելոպուլոս Թերենս Դևիս Թերենս Մալիք Թերի Գիլիամ Թերի Ջորջ Թիերի Կոքլե Թիլդա Սուինթոն Թիմ Բարթոն Թիմուր Բեկմամբետով Թիփի Հեդրեն Թոմ Հենքս Թոմ Սելեք Թոմ Քրուզ Թոմ Ֆորդ Ժակ Բեքեր Ժակ Բրել Ժակ Տատի Ժակլին Բիսեթ Ժան Բոդրիյար Ժան Գաբեն Ժան Թաթլյան Ժան Կոկտո Ժան Մարե Ժան Ռենո Ժան Ռենուար Ժան Ռուշ Ժան Վիգո Ժան-Լյուկ Գոդար Ժան-Լուի Տրենտինյան Ժան-Կլոդ Կարիեր Ժան-Պիեռ Դարդեն Ժան-Պիեռ Կասել Ժան-Պիեռ Մելվիլ Ժան-Պոլ Բելմոնդո Ժան-Պոլ Սարտր Ժաննա Մորո Ժերար Դեպարդիե Ժերար Ֆիլիպ Ժորժ Կառվարենց Ժորժ Մելիես Ժորժ Ֆրանժու Ժուլյետ Բինոշ Իգոր Ստրավինսկի Իզաբել Յուպեր Իզաբելլա Ռոսելինի Իթան և Ջոել Քոեններ Ինգմար Բերգման Ինգրիդ Բերգման Ինոկենտի Սմոկտունովսկի Իվ Մոնտան Իվ Սեն Լորան Իրադարձություններ Իրանցի ռեժիսորներ Լավ կինո [7] Լարս ֆոն Թրիեր Լեոնարդո դի Կապրիո Լեոնիդ Ենգիբարյան Լև Ատամանով Լևոն Աթոյանց Լիլիթ Աղաջանյան Լիլիթ Բեգլարյան Լինո Վենտուրա Լիվ Թայլեր Լիվ Ուլման Լյուդմիլա Ցելիկովսկայա Լյուկ Դարդեն Լոուրենս Օլիվիե Լորեն Բեքոլ Լորենցո Քուին Լուի Արմսթրոնգ Լուի Գարել Լուի դը Ֆյունես Լուի Մալ Լուիս Բունյուել Լուկա Գուադանյինո Լուկինո Վիսկոնտի Խավիեր Բարդեմ Խմբագրի ընտրությունը Ծիրանի ծառ Կաձուո Իսիգուրո Կաննի կինոփառատոն Կառլ Թեոդոր Դրեյեր Կառլ Լագերֆելդ Կառլոս Սաուրա Կատրին Դընյով Կատրին Ռոբ-Գրիե Կարեն Շահնազարով Կարևոր Կարո Հալաբյան Կենձի Միձոգուտի Կիմ Նովակ Կինոաֆորիզմ Կինոերաժշտություն կինոմոնտաժ Կինոյի պատմություն Կինոն և նորաձևությունը Կինոնորություններ Կինոպատկերասրահ Կինովարկանիշ Կինովերսուս TV Կինոօրացույց Կիրստեն Դանստ Կլաուդիա Կարդինալե Կլաուս Կինսկի Կլարկ Գեյբլ Կլոդ Լելուշ Կլոդ Շաբրոլ Կլոդ Սոտե Կնուտ Համսուն Կշիշտոֆ Զանուսի Կշիշտոֆ Կեսլևսկի Կոբո Աբե Կոկո Շանել Կուրտ Վոնեգուտ Համո Բեկնազարյան Համր կինո Համր կինոյի աստղերը Համֆրի Բոգարտ Հայ կինոգործիչներ Հայաո Միյաձակի Հայկ Մանուկյան Հայկական կերպարներ Հայկական կինո Հանճարեղ ֆիլմեր [9.5] Հասմիկ Կարապետյան Հարիսոն Ֆորդ Հարոլդ Լլոյդ Հարվի Քեյթել Հարցազրույց Հեդի Լամար Հելմուտ Նյուտոն Հենինգ Կառլսեն Հենրի Ֆոնդա Հենրիկ Հովհաննիսյան Հենրիկ Մալյան Հետադարձ հայացք Հիանալի ֆիլմեր [8.5] Հիրոսի Տեսիգահարա Հոդվածներ Հոկտեմբերին ծնված հայտնիները Հոու Սյաո-Սյան Հովհաննես Վարդումյան Հովսեփ Քարշ հունվար Հրապարակախոսություն և մամուլ Ճապոնացի ռեժիսորներ Մահաթմա Գանդի Մայա Դերեն Մայք Նիքոլս Մայքլ Գրանդաջ Մայքլ Դուգլաս Մայքլ Հակոբյան Մայքլ Ջեքսոն Մայքլ Փաուել Մայքլ Քեյն Մայքլ Քյորթիս Մառլեն Դիտրիխ Մառլոն Բրանդո Մասակի Կոբայասի Մարդիկ և փաստեր Մարդիկ Մարտին Մարի Լաֆորե Մարիա Կալաս Մարինա Վլադի Մարինա Ցվետաևա Մարկո Ֆեռերի Մարշա Հանթ Մարչելո Մաստրոյանի Մարսել Կառնե Մարտին Լյութեր Քինգ Մարտին Սկորսեզե Մարտիրոս Սարյան Մեգ Ռայան Մեթ Դեյմոն Մեթ Դիլոն Մել Գիբսոն Մեծերը՝ արվեստի մասին մեջբերումներ Մերի Փոփինս Մերիլ Սթրիփ Մերիլին Մոնրո Միգել Սապոչնիկ Միլան Կունդերա Միլոշ Ֆորման Միխալիս Կակոյանիս Միխայել Հանեկե Միխայիլ Բուլգակով Միխայիլ Գալուստյան Միխայիլ Կալատոզով Միշել Լեգրան Միշել Հազանավիչուս Միշել Ուիլյամս Միշել Պիկոլի Միշել Փֆայֆեր Միրեյ Դարկ Միրեյ Մաթյո Միք Ջագեր Միքայել Թարիվերդիև Միքելանջելո Անտոնիոնի Միքի Ռուրք Մհեր Մկրտչյան Մոhսեն Մախմալբաֆ Մոնիկա Բելուչի Մոնիկա Վիտի Մորիս Շևալիե Մորիս Ռոնե Մուհամեդ Ալի Մուսա Յան Շվանկմայեր Յան Ֆլեմինգ Յասուձիրո Օձու Յոս Սթելինգ Յուլ Բրիներ Յուրի Գագարին Յուրի Նիկուլին Նագիսա Օսիմա Նատալի Փորթման Նարե Մկրտչյան Ներսես Հովհաննիսյան Նիկիտա Միխալկով Նիկոս Կազանձակիս Նինո Ռոտա Նիքոլ Քիդման Նկարահանման հրապարակ Նշանավոր զույգերը Նոյեմբերին ծնված հայտնիները Նոր ալիք Նումի Ռապաս Նուրի Բիլգե Ջեյլան Շանտալ Աքերման Շառլ Ազնավուր Շառլոթ Գենսբուր Շատ լավ ֆիլմեր [7.5] Շերոն Թեյթ Շոն Փեն Շոն Քոների Շուշան Փիրումյան Ուես Անդերսոն Ուիթ Սթիլման Ուիլ Սմիթ Ուիլեմ Դեֆո Ուիլյամ Շեքսպիր Ուիլյամ Ուայլեր Ուիլյամ Սարոյան Ումբերտո Էկո Ունա Չապլին Ուոլթ Դիսնեյ Չառլզ Բուկովսկի Չառլզ Բրոնսոն Չառլզ Դիքենս Չառլզ Չապլին Չառլի Չապլին Չեխական նոր ալիք Չեկի Կարիո Պաբլո Պիկասո Պաոլո Սորենտինո Պաուլո Կոելյո Պավել Արսենով Պեդրո Ալմոդովար Պիեռ Բարու Պիեռ Կարդեն Պիեռ Պաոլո Պազոլինի Պիեռ Ռիշար Պիեռ-Օգյուստ Ռենուար Պիետրո Մարչելո Ջարեդ Լեթո Ջեյմս Դին Ջեյմս Ստյուարտ Ջեյմս Քեմերոն Ջեյն Բիրկին Ջեյն Օսթին Ջեյսոն Շվարցման Ջեյսոն Ռոբարդս Ջեյք Ջիլենհոլ Ջենիս Ջոփլին Ջենիֆեր Լոուրենս Ջերալդին Չապլին Ջերեմի Այրոնս Ջեք Լոնդոն Ջեք Նիքոլսոն Ջեք Ուորներ Ջեքի Չան Ջեքի Քուգան Ջիմ Ջարմուշ Ջինա Լոլոբրիջիդա Ջինա Ռոուլենդս Ջո Բեռլինգեր Ջոան Վուդվորդ Ջոան Քրոուֆորդ Ջոզեֆ Լոուզի Ջոն Կասավետիս Ջոն Մալկովիչ Ջոն Սթեյնբեք Ջոն Տուրտուրո Ջոն Տրավոլտա Ջոն Ֆորդ Ջոնի Դեփ Ջոնի Հոլիդեյ Ջորջ Լուկաս Ջորջո Սթրելեր Ջուդ Լոու Ջուզեպե Տորնատորե Ջուլիանա Մուր Ջուլյետա Մազինա Ռայներ Վերներ Ֆասբինդեր Ռաֆայել Ներսիսյան Ռաֆայել Պապովյան Ռեյ Բրեդբերի Ռենատո Սալվատորի Ռենե Կլեր Ռիդլի Սքոթ Ռիշարդ Բուգայսկի Ռիտա Հեյվորթ Ռյունոսկե Ակուտագավա Ռոբ Մարշալ Ռոբեր Բրեսոն Ռոբեր Օսեյն Ռոբերտ դե Նիրո Ռոբերտ Զեմեկիս Ռոբերտ Ռոդրիգես Ռոբերտ Վինե Ռոբերտո Ռոսելինի Ռոբին Ուիլյամս Ռոզա Պետրոսյան Ռոլան Բարտ Ռոման Բալայան Ռոման Պոլանսկի Ռոմի Շնայդեր Ռոն Հովարդ Ռոս Բաղդասարյան Ռուբեն Գևորգյանց Ռուբեն Մամուլյան Ռուդոլֆ Վալենտինո Ռունի Մարա Ռուփերթ Էվերեթ Ռոք Հադսոն Սաթենիկ Հակոբյան Սաթյաջիտ Ռայ Սալվադոր Դալի Սարիկ Անդրեասյան Սեմ Մենդես Սեմ Պեկինպա Սեմուել Բեքեթ Սեպտեմբեր Սերգեյ Դովլաթով Սերգեյ Էյզենշտեյն Սերգեյ Իսրայելյան Սերգեյ Փարաջանով Սերժ Գենսբուր Սերջիո Լեոնե Սև հայելի Սթենլի Կուբրիկ Սթենլի Կրամեր Սթիվ ՄըքՔուին Սթիվեն Զաիլյան Սթիվեն Հոքինգ Սթիվեն Սոդերբերգ Սթիվեն Սփիլբերգ Սթիվեն Քինգ Սիդնի Լյումետ Սիլվի Վարդան Սիլվիա Պլատ Սիմոն Աբգարյան Սիմոնա դը Բովուար Սիմոնա Սինյորե Սինդբադ ՍինեՄիտք Սիրելի ֆիլմերի տասնյակն ըստ… Սլավոյ Ժիժեկ Սյուզան Զոնթագ Սոնա Կարապողոսյան Սոս Սարգսյան Սոսե Սոֆի Լորեն Սոֆի Մարսո Սոֆյա Կոպոլա Սվեն Նյուկվիստ Ստալկեր Սցենար Սփենսեր Թրեյսի Սքարլեթ Յոհանսոն Վալերիո Ձուրլինի Վահե Հակոբյան Վան Հեֆլին Վավերագրական ֆիլմեր Վարպետության դասեր Վել Էյվերի Վեյկո Իունպուու Վերա Խիտիլովա Վերներ Հերցոգ Վիկտոր Էրիսե Վիմ Վենդերս Վիվիեն Լի Վիտորիո դե Սիկա Վլադիմիր Բորտկո Վլադիմիր Կոսմա Վլադիմիր Վիսոցկի Վոնգ Կար-Վայ Վուդի Ալեն Վուդի Հարելսոն Տաթև Հովակիմյան Տակեշի Կիտանո Տեսանյութեր Տիգրան Նալչաջյան Տիեզերքի գաղտնիքները Տոնինո Գուերա Տոտո Ցնցող ֆիլմեր [9] Փիթեր Գրինուեյ Փիթեր Ուստինով Փիթեր Օ'Թուլ Փինք Ֆլոյդ Փոլ Նյումեն Փոլ Վերհովեն Քեյթ Բլանշեթ Քեյթ Բոսվորթ Քեն Լոուչ Քենեթ Բրանա Քերի Գրանտ Քըրք Դուգլաս Քըրք Դուգլաս և Ուիլյամ Ուայլեր Քըրք Քըրքորյան Քլինթ Իսթվուդ Քոլին Ֆերթ Քսավիե Դոլան Քվենտին Տարանտինո Քրիսթոֆեր Նոլան Քրիստիան Բեյլ Օդրի Հեփբերն Օլեգ Յանկովսկի Օլիվեր Թվիստ Օլիվեր Սթոուն Օլիվիա դը Հևիլենդ Օմար Շարիֆ Օուեն Ուիլսոն Օսիպ Մանդելշտամ Օսկար Ուայլդ Օրնելա Մուտի Օրսոն Ուելս Օրվա մեջբերումը Օրվա ֆիլմը Ֆաինա Ռանևսկայա Ֆանի Արդան Ֆեդերիկո Ֆելինի Ֆերնանդել Ֆիլիպ Կաուֆման Ֆիլիպ Նուարե Ֆիլմադարան Ֆոլկեր Շլյոնդորֆ Ֆոտոարխիվ Ֆրանկլին Ջ. Շաֆներ Ֆրանկո Ձեֆիրելլի Ֆրանսիական կինո Ֆրանսիս Վեբեր Ֆրանսուա Տրյուֆո Ֆրանց Կաֆկա Ֆրեդի Մերքյուրի Ֆրենկ Կապրա Ֆրենկ Սինատրա Ֆրենսիս Ֆորդ Կոպոլա Ֆրիդրիխ Վիլհելմ Մուրնաու Ֆրից Լանգ Ֆրունզե Դովլաթյան
false
ltr
item
KINOVERSUS: Ալֆրեդ Հիչքոկ. սասփենսի անկրկնելի արքան
Ալֆրեդ Հիչքոկ. սասփենսի անկրկնելի արքան
«Հրապարակորեն մերկացող կինն ինձ հիշեցնում է ռեժիսորի, ով ֆիլմի հենց սկզբում բացահայտում է հանգուցալուծումը»։ Ալֆրեդ Հիչքոկ
https://1.bp.blogspot.com/-k13WB7XCzTo/WN6P2_GrLFI/AAAAAAAAE0E/nfRoJweRHCowDUmFbBjG9My8XMA27wwLQCLcB/s640/cover.jpg
https://1.bp.blogspot.com/-k13WB7XCzTo/WN6P2_GrLFI/AAAAAAAAE0E/nfRoJweRHCowDUmFbBjG9My8XMA27wwLQCLcB/s72-c/cover.jpg
KINOVERSUS
http://www.kinoversus.com/2017/03/hitch.html
http://www.kinoversus.com/
http://www.kinoversus.com/
http://www.kinoversus.com/2017/03/hitch.html
true
7755589357207652495
UTF-8
Ոչինչ չի գտնվել ԴԻՏԵԼ ԱՄԲՈՂՋԸ Կարդալ ավելին Պատասխանել Չեղարկել Ջնջել Հեղինակ Գլխավոր ԷՋԵՐ ՆՅՈՒԹԵՐ Դիտել ամբողջը ԿԱՐԴԱՑԵՔ ՆԱԵՎ ԹԵՄԱ ԱՐԽԻՎ SEARCH ԲՈԼՈՐ ՆՅՈՒԹԵՐԸ Ոչինչ չի գտնվել Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec հենց նոր 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Հետևում են Հետևել ՍԱ ՊՐԵՄԻՈՒՄ ՆՅՈՒԹ Է Տարածիր նյութը բացելու համար Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy